Wepélisiananu 15:1 - Kazambale lé Sebe Sauunu 1979

¹ We ’konu bɔle zuo, Gakelebale we fe Abram lɛ yuɛzi gi, yé é léé: Abram, té i kana pelo. Maa a i takuunfɛ nya, yé maa dan i gooli pa lɛ blɛn.

Wepélisiananu 15:1 ပူးပေါင်းရင်းမြစ်များ

Wepélisiananu 15:2

Abram lé a lɛ léé: Anzan, Gakelebale, mɛ fɛ lé i dan a nɔ lɛ an lɛɛ? Maa a gona, ’té anlé né do kpen ’ka lo, yé an zarablezan lé ke Damas mi Éliézɛɛ nya.

Wepélisiananu 15:4

Yé Gakelebale é dére fe a lɛ léé: Mian ’bɛ é kɛla i zarablezan nya, ’bɛ ’ka ’bɛ nya lo. Mi lé i dan a yaa lɛ, yee ɛ dan kɛlɛ lɛ i zarablezan nya.

Wepélisiananu 21:17

Kazambale né dére ’ma; yé Kazambale lé lanje Agaa laa la gi yé é lé a lɛ léé: Agaa, mɛ léé? Té i kana lo, naa, fɛana lé né ke bɛ, Kazambale a dére ’ma.

Wepélisiananu 22:1

We ’konu zuo Kazambale Abraam gi dan yé é lé a lɛ léé: Abraam. Yé é léé: Maa lo.

Wepélisiananu 22:20

We ’konu zuo wo da a fe lɛ Abraam lɛ léé: Bé ye, Milka négɔnénu yaa i bwe Nakɔɔ lɛ.

Wepélisiananu 26:24

Gakelebale bɔra a va é béli yé é léé: Maa a i ti Abraam zé Bale nya. Té i kana lo ma, maa a i va. Maa dan i drɔɔ vo lɛ, yé maa dan i kulu kɛlɛ lɛ di an wuozan Abraam lé we ma.

Wepélisiananu 31:7

Ka ti dabli kɛlɛ an lɛ yé é an banwofɛ tavɔɔ gɔnɔ vu, naa, Kazambale ’ka zi nɔ lɛ a lɛ léé, é wenyané kɛlɛ an lɛ lo.

2 Samuɛl 22:3

Bale a anlé gɔlɛgɔ lé maa an ta yɔɔan a fu va, a nya, É a an botakuunfɛ valé plɛplɛ lé é an sié we gi, a nya. É a anlé sa vulina valé an yɔɔna nya. Oo, an siéwegizan! Bii ɛ an si za?-?mawe tɔntɔn lee.

2 Minwiinzannu 1:15

Gakelebale lé lanje lé Éli lɛ léé: ’I go a va, té i kana do kpen wo a lee lo. Éli nwa yé é zun a va yé wo go minwiinzan va.

Minwiinzannu lé Wezuofe Sɛbɛ 28:20

David lé é be Salomɔn lɛ léé: ’I dɔ gligli, ’i bli ta dɔ plɛplɛ, ’i we kɛlɛ; té i kana lo, té di é kini i gi lo. Naa, Gakelebale anlé Bale, é dan kɛlɛ lɛ i va; é ’ka dan i vo lɛ lo, é ’ka dan sɔn vɔ lɛ i ma lo, fɔɔ yé nyanamanu lé wo dan wo pa lɛ Gakelebale lé kɔn giwenu kɛlɛle lé we ma, yé wo lɛ é sɔɔ.

Lɛrɛvɔ Sɛbɛ 115:10

Arɔn lé munu, ’ka pa Gakelebale ta. É a ka bɔavazan valé ka takuunzan nya.

Lɛrɛvɔ Sɛbɛ 119:114

Bii a an yɔɔna valé an takuunzan nya; An bli a ilé blivolɛdére lɛ.

Lɛrɛvɔ Sɛbɛ 142:5

’I yuɛ vɔ i bɛyilazia, yé bé nagini, Mi do ’ka an ma kunna yé lo, An yɔɔna ’ka é dɛrɛ lo, Mi do kpen ’ka gi bɔrɔan an boen ma lo.

Lɛrɛvɔ Sɛbɛ 18:2

Oo Gakelebale, anlé plɛplɛ, i sɔ an lɛ.

Lɛrɛvɔ Sɛbɛ 27:1

David zé lé. Gakelebale a an vakinizan nya, é a an Siéwegizan nya. Maa kanaan de ɛ lee? Anlé tɛrɛla a Gakelebale lee; ’Té de lee lé an kanaan?

Lɛrɛvɔ Sɛbɛ 3:3

Mi kiɛre a fena anlé we ma léé: Bale ’ka dan bɔ lɛ a va é dɛrɛ lo. Ka ye do.

Lɛrɛvɔ Sɛbɛ 3:4

Naa, bii, Gakelebale, bii ɛ ke an takuunzan nya, Bii ɛ ke an tɔbɔzan nya, yé bii ɛ an ’wuo nwaan.

Lɛrɛvɔ Sɛbɛ 5:12

’Té munu faa lé wo pa i ta, wo gi é dan nana lɛ, Ginanale lé éé giéan é glɛ ta, é dan kɛlɛ lɛ wo gi yifaama, yé i dan wo takuun lɛ; Wo lé i tɔ sɔ wo lɛ, I dan kɛlɛ lɛ wo ginanamazan nya.

Lɛrɛvɔ Sɛbɛ 58:11

Dé mi tegele we lɛgi pale ye tɔɔn, ’té a gi éé nanama, É dan é ganenu ma zuru lɛ mi nyanénu nyɛ nya.

Lɛrɛvɔ Sɛbɛ 84:11

Dé mi yi do kɛlɛ ilé gɔrɔ gi, ’bɛ fila vɔ, é mini yi wuru soru lé mi a kɛla fɛ bɛna, a ta. Dɔle anlé Bale lé kɔnpa la fila vɔ É mini nyanale mi nyanénu lé sɔkɔn gi lɛ.

Lɛrɛvɔ Sɛbɛ 84:9

Gakelebale, lai sunyanu lé Bale, ’i anlé bazorodére ’ma, Jakɔb lé Bale, ’i an ban i tɔné nya. Ka ye do.

Lɛrɛvɔ Sɛbɛ 91:4

É dan i ta bua lɛ é kyɛɛ nya Yé i dan yɔɔna ye lɛ a bɛanu wuo; Alé yara pale we ta a i takuunfɛ valé i golɛtayɔɔfɛ nya.

Fwile 14:13

Moizi lé munu lɛ léé: Té ka kana we do kpen lee lo, ’ka dɔ flee, yé Gakelebale é dan ka si lɛ we gi fɛan zo kyɔ, ka dan a ye lɛ; naa, Éjipiti munu lé ka wo yé kyɔ, ka ’ka dan wo ye lɛ é dɛrɛ monomono lo.

Wegɔnévɔlenu 11:18

Mi nyané éé dabli tɔnɔ yé, naa, mi lé éé we tegele kɛla, éé gooli bozen yé.

Wegɔnévɔlenu 30:5

Bale dére faa gi a é danle. Munu faa lé wa ’wo yɔɔna ginina Bale va é a wo botakuunfɛ nya.

Ézai 35:4

Munu lé wo gi ke é vurule wo ma, ’ka fe wo lɛ léé: ’Ka bli ta dɔ plɛplɛ, té ka kana pelo; Kalé Bale lé é dan ka ’lɛ bɛ, é dan we lɛgi pa lɛ; Yeeboen é dan da lɛ yé é dan ka si lɛ we gi.

Ézai 40:10

Ka ye, Mizan Gakelebale a dana élé plɛplɛ nya; Éé plaan munu nwiin é bɛ plɛplɛ nya. Ka ye, ka banwofɛ a a lee, Éé ka gooli paan zia, yé yeeboen éé dan a zuo.

Ézai 41:10

Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.

Ézai 41:14

Jakɔb, bii lé i ’ka vo lɛ we do nya lo, ’Kaa Izraɛl sɛné lé ka vo, ’té ka ke tɔɔtɔɔ, té ka kana lo; Gakelebale léé, é dan bɔ lɛ ka va, Izraɛl lé Mi Sauun lé ke ka siéwegizan nya.

Ézai 43:1

Jakɔb‐oo Jakɔb, Gakelebale lé é i kɛlɛ, é a wefena sin; Izraɛloo Izraɛl, mi lé é i bɔra, é léma: Maa i tabo, amalé té i kana we do kpen lee lo, Maa i laa i tɔ nya; bii a anzé nya.

Ézai 43:5

Maa a i va, amalé té i kana we do kpen lee lo, Maa dan i bɛn si lɛ yirinwanazia, Maa dan wo si lɛ yirivɔnazia, yé maa wo zén ékeva.

Ézai 44:2

Gakelebale lé é i kɛlɛ, É sia i yaabléyi va, mi lé é i tin, Mi lé i tɛn a ma, é léma: An wuozan Jakɔb, té i kana lo, Anlé Izraɛl lé maa a si a va, té i kana lo.

Ézai 44:8

Té ka kana lo, té ka ma é nyɔɔn lo; Maa ’ka a fe lɛ ka lɛ é li é kyɛn loo? Ka a anlé wenayezannu nya; Dé é ’ka maa nya lo, Bale bɛ aa? Gɔlɛgɔ bɛ ’ka lo, maa ’ka a do kpen dɔɔa lo.

Ézai 51:12

Maa, maa ɛ ke ka tɔrɔpaazan nya. Mi kaa lé i nya, blami lé ke bélé lu zo, ’Té é dan ga lɛ bɛ, yé i kana a lee?

Jérémi 39:17

Naa, ’bɛ yi ’ko nya, maa dan i si lɛ wo lee; munu lé i kanaan wo lee, wo ’ka dan i pa lɛ wo lee lo, yee lé Gakelebale a fe.

Jérémi Lé Wuvɔ Sɛbɛ 3:24

An boen léé: Gakelebale a anlé tɔnɔ nya, Bɛwemalé maa a a va léé, an bli ’é vo a lɛ.

Ézékiɛl 1:1

A lɛɛ yɔ do wɔlɛ vuzan lé moné ziɛnzan lé yi soruzan nya, ’té maa a luugimunu va mi do nya Kébaa yuu sɔnɔ. La lɛ so an lɛ, yé yuɛzi wenu si Bale va yé maa a ye.

Ézékiɛl 11:24

Yuɛzi gi mi, Bale Léli an si yé é go an nya luugimunu va Kaldé tɛrɛ la, yé yuɛzifɛnu lé maa a ye é vinin é san an ta loru.

Ézékiɛl 3:4

É lé an lɛ léé: Blami be, ’i go Izraɛlnu va, yé ’i an dérenu fe wo lɛ.

Mi Nɔnɔle 12:6

Yé é léé: ’Ka tɔné dɔ an dére lɛ é zima. Dé balelayezan kɛlɛ ka méléna, maa, Gakelebale, maa dan anbozen nagɔɔn lɛ ’bɛzan lɛ yuɛzi gi, maa dan we fe lɛ a lɛ nyɛ fla.

Mi Nɔnɔle 18:20

Gakelebale lé Arɔn lɛ léé: Té wolé tɛrɛlafɛ do kpen é kɛlɛ izé nya lo; ilé zarafɛ ’ka dan kɛlɛ lɛ wo va lo. Maa ɛ ke izé nya, ilé tɔnɔ nya Izraɛlnu va.

Mi Nɔnɔle 24:4

Mian éé Bale dére maan, ’Té éé Plɛplɛfaazanbale lé yuɛzi yé, a dére lo. Mi lé é dia é bli la, ’té a yuɛ a é fuole, a dére lo.

Matio 28:5

Lanje lé lomu lɛ léé: Té ka kana lo, naa, maa a gi dɔɔ léé, Jézu lé wa gyɛ yili ta, ka a a naginina.

Matio 8:26

Yé é lé wo lɛ léé: Bli pa Bale lɛ kiénézannu, mɛmalé ka a kananaa? Yé é nwa, yé é siaa fu valé wɛyi ta yé fɛ faa vɔ drɔɔ.

WENÉNÉ LÉ LUK A GYE (Évangile selon Luc) 1:13

Naa, lanje lé a lɛ léé: Zakari, Bale ilé bazoro dére ’ma, amalé té i kana lo. I na Élizabɛt é dan né yaa lɛ gɔné nya i lɛ yé bé tɔ pa Jan.

WENÉNÉ LÉ LUK A GYE (Évangile selon Luc) 1:30

Lanje lé a lɛ léé: Mari, té i kana lo. I Kazambale lé zin ye.

WENÉNÉ LÉ LUK A GYE (Évangile selon Luc) 12:32

’Bla palu kiéné, té ka kana monomono lo, fuatɛrɛ nɔle ka lɛ sɔ ka Ti lɛ é baba.

Kelewenu 10:22

Wo lé a lɛ léé: Kɔɔnéi lé ke sunyayɔsoru ’lɛzan nya, mi tegele lé éé kanaan Bale lee, a nya, ’té Juifinu faa ke a ma we zin fena bɛ, Bale we fe a lɛ lanje sauun do lɔlu nya léé, ’é mi nwunvɔ i laana léé, ’i go alé kɔn ’léé, yé ’é i dérenu ’ma. Amalé ko da.

1 Korent munu 3:22

dé é a Pɔl nyaoo, dé é a Apolɔs nyaoo, dé é a Séfa nyaoo, dé é a tɛrɛ nyaoo, dé é a vole é yuɛma nyaoo, dé é a gale nyaoo, dé é a laofɛnu nyaoo, dé é a fɛnu lé wo dan bɔra lɛ bɛ, wo nyaoo,

Bélidɔwesɛbɛ Fiézan 18:2

Wo ’ka dan tɔnɔfɛ ye lɛ ’wo bwenu zé va lo; Gakelebale a wolé tɔnɔfɛ nya, é a fe wo lɛ fɛan zo, a zo.

Bélidɔwesɛbɛ Fiézan 31:6

’Kabo dɔ gligli, yé ’ka bli ta dɔ plɛplɛ. Té ka kana wo lee lo, té di ’é kini ka gi wolé we ma lo; naa, Gakelebale, kalé Bale bozen é dan tawo lɛ ka va, é ’ka dan ka vo lɛ é pla lo, é ’ka dan sɔn vɔ lɛ ka ma lo.

Ébrunu 1:1

É kyɛn Kazambale we fe kaa tranu lɛ gɔnɔ kiɛre valé bɛ kiɛre ma, balelayemunu lɔlu nya.

Wegɔɔnle 1:17

Maa a ye aan wo, maa dia a gane wuo bélé mi gale zo. Yé é bɛyi pla an ta yé é léé: Té i kana lo. Maa ɛ ke a vininzan valé a voélazan nya, yé maa a é yuɛma.

RUT (Ruth) 2:12

Gakelebale ’é a lɛi kɛlɛ i lɛ ma; Gakelebale Izraɛl lé Bale lé, i da i ta yɔɔ lɛ a bɛ wuo, ’é i banwo tegele ma.

1 Samuɛl 15:10

Gakelebale we fe Samuɛl lɛ, yé é lé a lɛ léé:

1 Samuɛl 9:9

É vinin, Izraɛlnu va, dé mi go we laa lɛ Bale lee, é léé, ’i da, ’ko go fɛnayezan va. Naa, mi lé wa laama kyɔ balelayezan, é vinin wa laama fɛnayezan.