Wepélisiananu 14:18 - Kazambale lé Sebe Sauunu 1979

¹⁸ Salɛm mununwiinzan lé wa laama Mɛlkizédɛk, é da buru valé nwɛ nya. É a Lagibale banzan nya.

Wepélisiananu 14:18 ပူးပေါင်းရင်းမြစ်များ

2 Samuɛl 2:5

David munu nwunvɔ Galaad tɛrɛ la Jabɛs munu va, a fele we gi wo lɛ léé: Ka we zin kɛlɛ kazan Saul lɛ yé ka a pa, amalé Gakelebale ’é ka drɔɔ vo ma.

Lɛrɛvɔ Sɛbɛ 104:15

Yé nwɛ lé éé mi gi nanaan, Yee valé nyɔnɔ lé éé mi yara kɛla yɔrɔyɔrɔ, éé wo bɔraan, É valé buru lé éé mi dɔa plɛplɛ, wo nya.

Lɛrɛvɔ Sɛbɛ 110:4

Gakelebale ébo ’nyɔɔn yé é ’ka dan é dére nɔla lɛ lo; É léé: Bii a Balebanzan nya Mɛlkizédɛk dɔbɛ gi lɛɛfaama.

Lɛrɛvɔ Sɛbɛ 50:14

Bale bɔvɔle ’é kɛlɛ kalé saraka bole nya ma, Yé’i ilé balekunle lɛ sɔɔ Loruzan lɛ.

Lɛrɛvɔ Sɛbɛ 57:2

’I nyanai zén an ta, oo Bale, ’i nyanai zén an ta. Naa, an boen éé yɔɔna ginian bii ɛ va; Maa yɔɔna ginian bii ɛ va, Fɔɔ yé we tɔntɔnnu é gié.

Lɛrɛvɔ Sɛbɛ 7:17

Alé weple éé nɔlaan yeeboen ta, Yé alé glawe éé zunwo abozen yarapɛla.

Lɛrɛvɔ Sɛbɛ 76:2

Wo Bale dɔɔ Juda tɛrɛ la, A tɔ a blɛn Izraɛl tɛrɛ la.

Lɛrɛvɔ Sɛbɛ 76:3

Alé sɔkɔn a Salɛm, Yé a nyanana a Siɔn.

Daniɛl 4:31

É a tan wefena tɔɔn, dére do si la gi yé é a ’ma. É léé: Minwiinzan blɛn Nébukanɛsaa, ’i we ’ko ’ma ma, wo dan ilé plale mi nwiin si lɛ i lee.

Misé 6:6

An dan go lɛ Gakelebale va mɛ zantévɔfɛ nya an lee, yé an ’wuo wɔra Loruzan Bale gane wuoo? An dan go lɛ balebanwi lé wa kyɛ blé, a nya, taa, lɛɛ do dirigɔné léé?

Mi Nɔnɔle 18:28

A zo lé fɛvuzannu faa lé ka a ye Izraɛlnu va, ’ka balebanfɛ si a va, yé fɛ lé ka si a va yé ka Bale ban a nya bɛ, ’ka a nɔ Balebanzan Arɔn lɛ.

Mi Nɔnɔle 24:16

Mian éé Bale dére maan, ’Té é Loruzan bɔn‐in wenu dɔɔ, ’Té éé Plɛplɛfaazan Bale lé yuɛzi yé, a dére lo. Mian éé diaan é bli la ’té a yuɛ a é fuole, a dére lo.

Kelewenu 16:17

É gole sia ko valé Pɔl zuo, ’té éé siaan léé: Munu ’ko a Loruzan Bale wuomunu nya, yé wa misiéwegi zi gɔɔna ka lɛ.

Kelewenu 7:48

Naa, duowo, kɔn lé mi a dɔa, Loruzan ’ka nyanaan ’bɛ gi lo, fɛan zo lé balelayezan a fe, a zo; é léé:

Galasi munu 6:10

Bɛwemalé, bléyian va lé a se a kaa lɛ, kaa wezin kɛlɛ mi faa lɛ ma, naa, bwenu lé wo ke Kazambale lé we gi, kaa wozé kɛlɛ kiɛre yé é mini mi bɛnu zé ta ma.

Ébrunu 5:10

Yé Kazambale bozen a dɔ Balebanmunu ’lɛzan nya Mɛlkizédɛk dɔbɛ yɛrama.

Ébrunu 5:6

Bale a fe é ziin léé: Bii a Balebanzan nya lɛɛ faa zé nya, Mɛlkizédɛk dɔbɛ yɛrama.

Ébrunu 6:20

Ana lé Jézu wɔra kaa ’lɛvlɛ nya, kaa ’lɛgana nya, yé é kɛlɛ Balebanmunu ’lɛzan nya, Mɛlkizédɛk dɔbɛ nya, yé wo ’ka a tavɔɔan é dɛrɛ lo.

Ébrunu 7:1

Mɛlkizédɛk ’ko, é a Salɛm munu nwiinzan nya, yé é a é ziin Bale lé é ke lagi loru, a banzan nya. Bléyian va lé Abraam si minwiinzannu kelena guli ma, Mɛlkizédɛk go a si lɛ zia yé é a drɔɔ vo.

RUT (Ruth) 3:10

É léé: An lu, Gakelebale ’é i drɔɔ vo ma. I ’ka go lɛ pɛniɛnu zuo lo, dé nyané wo gyɛoo, dé wo fua bleoo, i ’ka wo nagini lɛ lo, bɛwemalé we voéla ’ko, ’bɛ i ma we zin fé é mini a vininzan ta.