Wepélisiananu 13:8 - Kazambale lé Sebe Sauunu 1979

⁸ Abram lé Lɔt lɛ léé: Ilé zanté, té we é kɛlɛ maa valé bii méléna lo ma; anlé trubɛ tabinmunu koo, ilé trubɛ?-?tabinmunu koo, té we do kpen é kɛlɛ wo méléna lo ma. Ko a mi do nya.

Wepélisiananu 13:8 ပူးပေါင်းရင်းမြစ်များ

Wepélisiananu 13:9

Tɛrɛ faa ’ka i ’lɛ loo? Ko kini ékema ma. Dé i go bɛbolazia, ’maa go bɛyilazia. Yé dé i go bɛyilazia, ’maa go bɛbolazia.

Wepélisiananu 14:14

Abram a ’ma aan wo léé, wo é bwe be kun, tɔɔn, é élé nyanamapazannu wuru do yɔ soru wɔlɛ vu ta sɔraa si, ’té wolé nyana mini mi pɔnénu zé ta, ’té wo wo yaa alé kɔn gi bɛ, é wo si yé é gulidanfɛnu pa wo lee, yé wo go minwiinzannu zuo fɔɔ yé wo bɔ Dan.

Wepélisiananu 45:24

’Bɛ zuo yé é ’é bwenu yai vɔ yé wo go. Yé é lé wo lɛ léé: Té ka we sia zia lo.

Wepélisiananu 46:34

ka panyanama a kaa? ka a fe léma: É sia ko kiéné la bléyi va fɔɔ bléyi ’ko va, ko valé ko tinu, ko a trubɛ tabinmunu nya. Dé ka fe ’bɛ zo, ka dan nyana lɛ Gozɛn tɛrɛ la, naa, trubɛ tabinmunu faa a mi lɛrɛlɛrɛ nya Éjipiti munu yuɛ gi.

Lɛrɛvɔ Sɛbɛ 133:1

Gɔ gié lɛrɛ do lé. David zé lé. Dé bwenu nyana ékeva É a é sɔke, é a néné;

Fwile 2:13

’Bɛ é tu kini é bɔra é ziin; yé bé ye, Ébru mi fié a guli danna. É lé wegyɛzan lɛ léé: Mɛmalé i a i bɔluzan blanaa?

Wegɔnévɔlenu 15:1

We zi pale dére drɔɔ nya éé bliflizan bli dɔralaan, naa, dére blɛn fele éé bliflile gi gya.

Wegɔnévɔlenu 15:18

Mi lé a wɛwɛ ke, éé mi vɔa ékema, naa, mi lé a bli ’ka flian é kele lo, éé wesiamunu kuun‐an.

Wegɔnévɔlenu 20:3

Daanle zɔdɔle ma a mi tɔbɔwe nya, naa, ’tugyɛzannu faa wobo no bliflile lɛ.

Matio 5:9

Mi woronawe blezannu a bɛan ’bɛ gi bɛ, ’bɛ a é zima wozé nya, naa, Kazambale é dan wo laa lɛ ’é benu.

Kelewenu 7:26

Dé ’bɛ é tu kini é bɔ Izraɛl mi kenu ma, ’té wo saa éé guli daan, yé é a a va léé, ’é wo kuun yé é wo pa ékema yé é léé: ’Kaa munu, ka saa lé. Mɛwemalé ka a nyané pana ka ke taa? Ka a bwe valé bwe nya.

Rom munu 12:10

Ka bwenu ’é sɔ ka lɛ tegele ma. ’Ka ka bɔluzan kɛlɛ blɛn é mini kaboen ta.

Filip munu 2:14

Ka kɛlɛwenu faa gi, ’ka paa gun?-?gyɛle valé zavɔle ma,

1 Tɛsalɔnik munu 4:9

Dé é a ka sɔle ka ke lɛ lé we nya, Kazambale ɛ ke ’bɛ paana ka gi, amalé é ’ka lé maa we ’ko gyɛ ka lɛ lo.

Ébrunu 12:14

’Ka kwa kuli yé ka vo mi faa va drɔɔ, yé ’ka kɛlɛ sauun. Dé mi ’ka kɛlɛ lɛ sauun lo, é ’ka dan Mizambale ye lɛ lo.

Ébrunu 13:1

’Ka yara pa bwenu lɔrɔpale ta.

1 Piɛri 1:22

Webozen lɛdɔmale nya lé ka boen kɛlɛ wéiin, ka sɔle ka ke lɛ tegele bélé bwenu zo we gi, amale sin, ’ka sɔ ka ke lɛ é baba, ka bli faa nya ma.

1 Piɛri 2:17

’Ka munu faa lɛdɔma; ’ka ka bwenu lɔrɔ pa; ’ka kana Kazambale lee; ’ka minwiinzan lɛdɔma.

1 Piɛri 3:8

A lɛ sɔɔ dére lé é ke léé, ka faa lé gibɔrɔle ’é kɛlɛ do; ka faa bli ’é kɛlɛ do; ka bwenu ’é sɔ ka lɛ; ka nyanai ’é zén; ’kabo kɛlɛ kiéné.

1 Piɛri 4:8

We blɛn lé ke ’ko: ’ka sɔ ka ke lɛ é baba, naa, sɔlɛle éé wenyané kiɛre ta saan sɔɔn.

2 Piɛri 1:7

yé ’ka bwenu va sɔlɛle pa Bale lé zi sɔle ka lɛ va, yé ’ka mi lɔrɔ pale pa bwenu va sɔlɛle va.

1 Jan 4:7

Ka lé ka sɔ an lɛ, kaa sɔ kaa ke lɛ ma, naa, Kazambale va lé sɔlɛle éé sié, yé miomian munu sɔ a lɛ, ’bɛzan a Kazambale lé né nya yé ’bɛzan Kazambale dɔɔ.

Weblezannu 9:26

Ébɛd be Gaal da, yee valé é bwenu nya yé wo go Sisɛm. Sisɛm munu bli pa wo gi.