Wepélisiananu 13:16 - Kazambale lé Sebe Sauunu 1979

¹⁶ Maa dan ilé nénu kɛlɛ lɛ bélé tɛrɛ lé vun zo di. ’Bɛ ma, dé mi é bɔa lɛ é tɛrɛ lé vun nɔnɔ, ’té é bɔa ilé nénu nɔnɔle lɛ é ziin.

Wepélisiananu 13:16 ပူးပေါင်းရင်းမြစ်များ

Wepélisiananu 15:5

É go a nya béera yé é léé: ’I lagi gini, yé ’i monénénu nɔnɔ, dé i bɔa wo nɔnɔle lɛɛ? Yé é lé a lɛ léé: I kulu é dan kɛlɛ lɛ bélé wo zo.

Wepélisiananu 16:10

Gakelebale lé lanje lé a lɛ léé: Maa dan i kulunu kɛlɛ lɛ di; wo dan kɛlɛ lɛ kiɛre, ’té mi do ’ka bɔa wo nɔnɔle lɛ lo.

Wepélisiananu 17:16

Maa dan a drɔɔ vo lɛ, yé maa dan négɔné do nɔ lɛ i lɛ a ma né nya; maa dan a drɔɔ vo lɛ yé é dan kɛlɛ lɛ bɛngɔnɔ kiɛre nya; bɛnnu nwiinzan blɛnnu é dan si lɛ a gi.

Wepélisiananu 17:2

Maa dan an gi pa lɛ do i va, yé maa dan i kɛlɛ lɛ di, fɔɔ ’bɛ glɛ ’ka lo.

Wepélisiananu 17:20

Dé é a Ismaɛl zé nya, maa ’bɛ ’ma. Bé gini, maa dan a drɔɔ vo lɛ, yé maa dan a kɛlɛ lɛ né kiɛre yaazan nya, yé maa dan a fan lɛ fɔɔ a glɛ ’ka lo; é dan tɛrɛzannu yaa lɛ vu ta fié, yé maa dan a kɛlɛ lɛ bɛn gɔnɔ blɛn do nya.

Wepélisiananu 17:6

Maa dan i kɛlɛ lɛ né kiɛre yaazan nya fɔɔ ’bɛ glɛ ’ka lo. I nya lé bɛnnu é dan kɛlɛ lɛ yé minwiinzan blɛnnu é dan si lɛ i gi.

Wepélisiananu 18:18

Weboen lé, Abraam é dan kɛlɛ lɛ bɛn blɛn plɛplɛ nya. A pli zi lé tɛrɛ la bɛnnu faa drɔɔ é dan vo lɛ.

Wepélisiananu 21:13

I wuole be ’ko, i be lé; naa, maa dan a kɛlɛ lɛ bɛngɔnɔ do nya é ziin.

Wepélisiananu 22:17

maa dan i drɔɔ vo lɛ yé maa dan i kulu kɛlɛ lɛ di bélé la gi monénénu zo, bélé wɛyi gɔɔn ma nyéné zo di; yé i kulu é dan pla lɛ é nyanézannu nwiin.

Wepélisiananu 26:4

Maa dan i kulu kɛlɛ lɛ di bélé lagi monénénu zo; maa dan tɛrɛ ’konu faa nɔ lɛ i kulunu lɛ; yé tɛrɛ la bɛnnu faa drɔɔ é dan vo lɛ i kulu lé we ma;

Wepélisiananu 28:14

I kulunu é dan kɛlɛ lɛ kiɛre bélé tɛrɛ lé vun zo; wo dan soi lɛ yirinwanazia fɔɔ yirivɔna, é valé yirinwana bɛbolazia fɔɔ yirinwana bɛyilazia. Tɛrɛ la lelenu faa drɔɔ é dan vo lɛ bii valé i kulunu lé we ma.

Wepélisiananu 28:3

Plɛplɛ faazan Bale ’é i drɔɔ vo yé ’é i fan ma, yé ’é i kɛlɛ di ma, i kɛlɛle bɛn kiɛre nya we ma.

Wepélisiananu 32:12

Yé bii, i léé, ’é dan wezin kɛlɛ lɛ an lɛ, yé ’é dan an kulunu kɛlɛ lɛ di bélé wɛyi gɔɔn ma nyéné zo, ’té wo ’ka bɔa wo nɔnɔle lɛ lo.

Wepélisiananu 32:13

Fɛkona lé Jakɔb yii. É ’é leefɛnu ke si é bwe Ézau blan nya.

Wepélisiananu 35:11

Kazambale lé a lɛ léé: Maa a Plɛplɛfaazan Bale nya. ’I fan yé ’i kɛlɛ di ma. I dan bɛn do valé bɛn kiɛre yaa lɛ, yé i dan minwiinmunu yaa lɛ.

Wepélisiananu 46:3

Yé Kazambale léé: Maa a Kazambale nya; i ti lé Bale lé maa nya. Té i kana gole ma Éjipiti tɛrɛ la lo, naa, ’bɛna lé maa dan i kɛlɛ lɛ bɛn blɛn nya.

1 Minwiinzannu 3:8

Munu lé i wo si a va, munu kiɛre lé wo ’ka bɔa wo nɔnɔle lɛ wo kiɛre we ma lo, i wuozan a wo méléna.

1 Minwiinzannu 4:20

Juda valé Izraɛl munu a kiɛre é baba, wa bélé wɛyi gɔɔn ma nyéné zo. Woo fɛ blé, ’té woo fɛ minian, ’té wo gi éé nanaan.

2 Minwiinzannu 13:23

Naa, Gakelebale zin kɛlɛ wo lɛ yé a nyanai zén wo ta, yé é yara nɔla wo ta gipawe lé é a kɛlɛ Abraam koo, Izak koo, Jakɔb koo, wo va, a we ma. É ’ka a va léé, ’é wo kulu ga lo, yé fɔɔ kyɔ yi nya é ’ka sɔn vɔ lɛ wo ma lo.

Minwiinzannu lé Wezuofe Sɛbɛ 21:5

Joab munu tɔ gyɛ la sɛbɛ nɔ David lɛ: Izraɛlnu lé wo bɔa gulidanle lɛ, wa mi baa wuru fié yɔ sɔrafié wɔlɛ vu; Juda zé a gulidanmunu baa wuru do yɔ do wɔlɛ vu ta soru.

Minwiinzannu lé Wezuofe Sɛbɛ 27:23

Izraɛl va munu lé wo lɛɛ ’ka tan bɔ lɛ yɔ do lo, David ’ka wo nɔnɔma lo, naa, Gakelebale a fe léé, é dan Izraɛl ’léé gi gyɛ lɛ bélé lagi monénénu zo, azama.

2 Minwiinmunu lé Wezuofe Sɛbɛ 1:9

Migɔnɔ do lé wo ’léé ke kiɛre bélé vun zo, i an dɔ wo nwiinzan nya. Amalé, sin, Gakelebale, blivolɛdére lé bé fe an ti David lɛ, bé lɛ sɔɔ ma.

JOB (Job) 5:25

I dan i kulu gi gyɛle ye lɛ, Yé i dan fan lɛ kiɛre bélé tɛrɛ zo.

Fwile 1:7

Izraɛl lé nénu a néyaamunu nya, yé wo kɛlɛ kiɛre, yé wo ’léé gi gyɛ yé wolé plɛplɛ taa vo zénna a va. Yé wo fan tɛrɛ ’ko la.

Fwile 32:13

I wuozannu Abraam koo, Izak koo, Izraɛl koo, wo sele ’é dɔ i gi ma; biian ibo ’nyɔɔn léé, ’é dan ka kulunu kɛlɛ lɛ kiɛre bélé lagi monénénu zo loo? I ’ka a fe lɛ léé, tɛrɛ lé ’é a ma we fe, ’é dan a faa nɔ lɛ kalé nénu lɛ yé é dan kɛlɛ lɛ wozé nya lɛɛfaama, loo?

Jérémi 33:22

Fɛan zo lé wo ’ka bɔa lagi monénénu nɔnɔle lɛ lo yé wo ’ka bɔa wɛyi gɔɔn ma nyéné nɔnɔle lɛ lo, a zo duo lé an wuozan David valé Lévinu lé woo an va nyanama paan, maa dan wo kulunu gi gyɛ lɛ.

Mi Nɔnɔle 23:10

De ɛ bɔa Jakɔb lé nyéné nɔnɔle lɛɛ? Yé de ɛ bɔa Izraɛl palu do ’léé fele lɛɛ? ’An ga mi tegelenu gabɛ gi ma; Anzé ’wuo ’é pla bélé wozé zo ma.

Bélidɔwesɛbɛ Fiézan 1:10

Gakelebale, kalé Bale, ka fan, yé kyɔ ka a kiɛre bélé lai monénénu zo.

Ébrunu 11:12

Bɛwemalé, mi do kpen lé a kɔlɛ kɛlɛ é kwakwa é pia nya, a kulu kɛlɛ kiɛre, bélé monénénu zo di, bélé wɛyigɔɔnma nyéné lé wo ’ka bɔa a nɔnɔle lɛ lo, a zo di.

Wegɔɔnle 7:9

’Bɛ zuo maa a naginina, yé bé ye, mi gu blɛn lé, wo si bɛntɛrɛ faa koo, bɛn do do faa koo, migɔnɔ do do faa koo, dére faa koo, wo gi, wo ana, yé mi do kpen ’ka bɔa wo nɔnɔle lɛ lo. Wo dɔ webleblin valé ’Blané ’lɛ, sɔ funu nya ’wo ta, ’té yɔlaanu a wo lee.

Weblezannu 6:3

Dé Izraɛl ’sa vɔ faa, Madian koo, Amalɛk koo, yirinwanazia munu koo, wo nwa yé wo da guli dan lɛ Izraɛl va.

Weblezannu 6:5

Naa, wo da ’wolé trubɛnu valé sɔkɔnnu nya, wo da bélé flɛflɛ zo kiɛre, wo valé ’wolé nyɔgɔménu lé wo ’ka bɔa wo nɔnɔle lɛ lo, wo nya; wo da tɛrɛ sɛrɛle tata we ma.