Wepélisiananu 13:13 - Kazambale lé Sebe Sauunu 1979

¹³ Sɔdɔm munu a nyané, yé woo wenyané blɛnblɛn kɛla Gakelebale ma.

Wepélisiananu 13:13 ပူးပေါင်းရင်းမြစ်များ

Wepélisiananu 10:9

É kɛlɛ wigyɛzan bli ta plɛplɛzan nya Gakelebale yara. Bɛwemalé woo gɔné vɔa léé, é a bélé Nimrɔd zo, wigyɛzan bli ta plɛplɛzan nya Gakelebale yara.

Wepélisiananu 15:16

Wo néné zi néné ziɛnzan nya wo dan nyana lɛ ’ko é ziin. Naa, Amoré munu lé wenyané ’ka tan fan lɛ lo.

Wepélisiananu 18:20

Yé Gakelebale léé: Siaale Sɔdɔm valé Gɔmɔɔ ma gi a gyɛna yé wolé wenyané kɛlɛ blɛɛn.

Wepélisiananu 19:13

Naa, ko dan fɛkona sɛrɛ lɛ, siaale ana munu ma kɛlɛ plɛplɛ Gakelebale tɔné gi, azama. Gakelebale ko pa zia léé, ’ko ana sɛrɛ.

Wepélisiananu 38:7

Juda lé né vininzan Eɛ a mi nyané nya Gakelebale yuɛ gi, yé Gakelebale a gyɛ yé é ga.

Wepélisiananu 39:9

Yeebozen ’ka blɛn yé é mini maa ta kɔn ’ko gi lo; yé é ’ka fɛ do kpen yi ga lɛ an lee lo, ’té dé é ’ka bii do nya lo; bii a a na nya, azama. An kɛla kaa yé an ’bɛ zo wenaané blɛn kɛlɛ yé an wenyané kɛlɛ Kazambale maa?

Wepélisiananu 6:11

Tɛrɛ sɛrɛ Gakelebale yuɛ gi, yé glawe kɛlɛle sɔɔla tɛrɛ faa la.

2 Minwiinzannu 21:6

É é be vɔ kyɛ va; éé ’moné dɔa latinu valé ménénu nya wena yele we ma, yé é munu dɔ miléli laamunu nya, ’té woo tɛlɛ tɛlama we fé. We lé é ke é naané Gakelebale yuɛ gi, Manasé a kɛlɛle gi gyɛ, Gakelebale bli flile we ma.

Ézai 1:9

Dé lai sunyanu lé Gakelebale ’ka kɔɔn ko tɔɔtɔɔ pɔné vo lɛ lo, ’té ko kɛlɛ bélé Sɔdɔm zo, ’té ko valé Gɔmɔɔ bɔ ékema.

Jérémi 23:14

Naa, maa an tadanmawe ye Jérusalɛm lé balelayezannu va; Wa leginizannu nya; woo tawoo viéwole nya, Woo dɔa mi plenu zuo, Léé, té wo va mi do kpen é daan élé we lɛrɛlɛrɛ kɛlɛle ma lo. Wo faa a an yuɛ gi bélé Sɔdɔm munu zo; Yé munu lé woo nyanaan Jérusalɛm, wa bélé Gɔmɔɔ munu zo an yuɛ gi.

Jérémi 23:24

Gakelebale léma: Mi éé bɔalɛ yé ébo yɔɔ fɛdona, ’té maa ’ka a yé loo? Gakelebale léma: Maa ’ka la valé tɛrɛ faan loo?

Mi Nɔnɔle 32:23

Naa, dé ka ’ka a kɛlɛ lɛ lo, ka wenyané kɛlɛ Gakelebale ma, yé ka we ’ko dɔɔ ma: kalé wenyané é dan ka kun lɛ.

Matio 9:10

Jézu a fɛ blena aan wo kɔn gi, vagɔɔlisizannu kiɛre valé wenyanékɛlɛmunu nyana fɛblele zi, Jézu valé é zuomunu va.

Matio 9:13

’Ka go, yé ’ka gi bɔrɔ we ’ko ma, dé a gi lé nɔɔ? Nyanai zénle ɛ sɔa an lɛ, yé saraka bole ’ka sɔa an lɛ lo. An ’ka da lɛ mi tegelenu laa lɛ lo; an da wenyanékɛlɛmunu ɛ laa lɛ.

WENÉNÉ LE JAN A GYE (Évangile selon Jean) 9:24

Mi lé a yuɛnu ke turu é ’wiile, Farizimunu a laa a gɔnɔ fiézan nya yé wo léé: ’I Kazambale tɔ bɔ. Ko gi dɔɔ léé, mi ’ko a wenyanékɛlɛzan nya.

WENÉNÉ LE JAN A GYE (Évangile selon Jean) 9:31

Ko a gi dɔɔ léé, Kazambale ’ka wenyanékɛlɛzannu dére maan lo. Naa, dé mi a bɔa, ’té éé alé blibɔmawe kɛla, ’bɛzan dére lé éé a maan.

Rom munu 1:27

A zo duo lé gɔnénu a kɛlɛ; we lé le valé gɔné a kɛla, wo ’bɛ vo yé wobo lɔrɔ wo gyɛ yé wenaanénu lé mi ’ka a kɛla lo, gɔné valé gɔné a kɛlɛ ékeva yé ban lé a yara lé wa ye wo saanle ma ban nya, wa ye ’wobozen kɔlɛ gi.

Ébrunu 4:13

Kɛlɛfɛnu va fɛ do kpen ’ka é yɔɔle Kazambale lee lo, naa, wo faa a é porole, yé wo faa ta a é bɔrale mi lé é a lé kaa kaalé we zuo fe a lɛ, a yuɛ gi.

2 Piɛri 2:10

Wonu lé, we tiridɔle lɔrɔ ke wo ma, amalé woo tawoo ’wo dɔbɛ kyɛn lé sɔlɛwe yɛrama bɛ, ’té woo sɔn vɔa mi plale wo nwiin ma bɛ, wozé é dan mini lɛ. Munu ’ko a yuɛmaplɛplɛzannu valé boblɛnzannu nya, yé wo ’ka kanaan laifuanu sɔnɔle ma lo,

SEBE LÉ JUD A GYE (Épitre de Jude) 1:7

Yé Sɔdɔm koo, Gɔmɔɔ koo, wo sɔnɔ flanu koo, wolé we sele ’é dɔ ka gi é ziin. Wenyané lé lanjenu a kɛlɛ, wo yee wenyané duo kɛlɛ; gɔnénu go gɔnénu va, yé lomu go lomu va, ’té woo pɛnpɛnné gya; sin wo kyɛ a blena, kyɛ lé é ’ka dirian monomono lo, a va; Bale we ’ko kɛlɛ léé, dé munu wo ye, yé wo bɔn‐in ’é kini yé wo ’ka we kɛla bélé wozé zo lo. We ’ko sele ’é vo ka gi ma.

1 Samuɛl 15:18

Gakelebale i pa zia a fele nya léé: ’I go, yé wenyanékɛlɛmunu ’ko, Amalɛknu, ’i wo gyɛ; ’i guli dan wo va fɔɔ yé i wo faa gyɛ tatata.

1 Samuɛl 2:17

Pɛniɛnu ’ko nyé yéli Gakelebale banfɛnu ma, amalé wo we blɛn dɔ wobo nwiin Gakelebale va.