Wepélisiananu 12:7 - Kazambale lé Sebe Sauunu 1979

⁷ Yé Gakelebale bɔra Abram va, yé é léé: Maa dan tɛrɛ ’ko nɔ lɛ i kulu é kulu lɛ. Yé Abram Gakelebale banna kɛlɛ, fɛana lé é bɔra a yuɛ va bɛ, ana.

Wepélisiananu 12:7 ပူးပေါင်းရင်းမြစ်များ

Wepélisiananu 12:8

É si ’bɛna yé é go gɔ vazia, Bétɛl lé yirinwanazia, yé élé sɔkɔnnu dɔ ’bɛna, ’té Bétɛl a yirivɔnazia, yé Ai a yirinwanazia. Yé é Gakelebale banna do kɛlɛ é ziin yé é Gakelebale tɔ laa ’bɛna.

Wepélisiananu 13:15

Yé tɛrɛ faa lé bé ye, maa dan a nɔ lɛ bii koo, ilé nénu koo, ka lɛ, lɛɛfaama zé nya.

Wepélisiananu 13:17

’I nwa, ’i gié tɛrɛ sangi valé tɛrɛ ’wuo la, naa, maa dan a nɔ lɛ i lɛ.

Wepélisiananu 13:18

Abram élé sɔkɔnnu si, yé é da nyana lɛ Mamré lé sɛnéyilinu méléna, ’té é ke Ébrɔn sɔnɔ bɛ. É Gakelebale banna do kɛlɛ ’bɛna.

Wepélisiananu 13:4

fɛana lé é balebanna kɛlɛ é kyɛn bɛ, ana. Yé Abram Gakelebale tɔ laa ana mi.

Wepélisiananu 15:18

’Bɛ yi la Gakelebale gi pa do Abram va, yé é léé: An tɛrɛ ’ko nɔ i kulu lɛ; a péli é sia Éjipiti yuu blɛn ma, yé éé goo fɔɔ yé é bɔ yuu blɛn lé wa laama Yufrat, a ma.

Wepélisiananu 17:1

Abram lɛɛ kɛlɛ yɔ ziɛn wɔlɛ vu ta sɔraziɛn aan wo, Gakelebale bɔra Abram va yé é lé a lɛ léé: Maa a Plɛplɛfaazan Bale nya. ’I tawo an yuɛ va yé ’i kɛlɛ mi tegele nya.

Wepélisiananu 17:3

Abram dia é bli la yé Kazambale we fe a lɛ yé é léé:

Wepélisiananu 17:8

Tɛrɛ lé i ke é nyanale a ta bɛn nya ’ko, maa dan a nɔ lɛ bii valé ilé nénu lé wo dan kɛlɛ lɛ i zuo bɛ, wo lɛ. Maa dan Kanaan tɛrɛ faa nɔ lɛ wo lɛ wozé nya lɛɛfaama, a glɛ ’ka lo, yé maa dan kɛlɛ lɛ wolé Bale nya.

Wepélisiananu 18:1

Gakelebale bɔra Abraam va Mamré sɛnéyilinu méléna, ’té é a é nyanale élé sɔkɔn ’léé é yiéyi, yiri plɛplɛ nya.

Wepélisiananu 22:9

Wo bɔ aan wo fɛ lé Kazambale ana fe Abraam lɛ, ana, Abraam balebanna do kɛlɛ ana, yé é kyɛ fén pla balebanna ta. Yé é ’é be Izak yere yé é a pla balebanna ta, kyɛ ta loru.

Wepélisiananu 24:7

Gakelebale, lagi Bale lé é an si an ti lé kɔn ’léé, é valé an lelenu va, ’té e we fe an lɛ yé ébo ’nyɔɔn an lɛ léé, ’é dan tɛrɛ ’ko nɔ lɛ an kulu lɛ, yeebozen é dan élé lanje nwunvɔ lɛ i ’lɛ; yé i dan le do si lɛ an be na nya ’bɛna.

Wepélisiananu 26:25

É balebanna do kɛlɛ ana yé é Gakelebale tɔ laa ’bɛna yé élé sɔkɔn dɔ ana. Izak wuomunu ’yiguru do bo ana.

Wepélisiananu 26:3

’I vo tɛrɛ ’ko la ’ko; maa dan kɛlɛ lɛ i va yé maa dan i drɔɔ vo lɛ, naa, maa dan tɛrɛ ’konu faa nɔ lɛ bii valé i kulu lɛ, yé gipawe lé maa a kɛlɛ i ti Abraam va, maa dan dɔ lɛ a ta.

Wepélisiananu 28:13

Yé Gakelebale dɔ a nwiin loru yé é léé: Maa a Gakelebale nya, i tra Abraam lé Bale nya, Izak lé Bale nya, Tɛrɛ lé i ke é yiale a ta ’ko, maa dan a nɔ lɛ bii valé i kulunu lɛ.

Wepélisiananu 28:4

’Wo i drɔɔ vo Abraam drɔɔvobɛ gi, bii valé ilé nénu nya i va ma, tɛrɛ lé i nyanaan a ta bɛn nya ’ko, ’té é a nɔ Abraam lɛ bɛ, a kɛlɛle izé nya we ma.

Wepélisiananu 32:30

Jakɔb fɛkona tɔ pa Péniɛl, naa, é léé: Maa Kazambale yara ye, yé an béli.

Wepélisiananu 33:20

É balebanna do kɛlɛ ’bɛna yé é a laa El‐Eloé‐Izraɛl.

Wepélisiananu 35:12

Tɛrɛ lé maa a nɔ Abraam valé Izak lɛ, maa dan a nɔ lɛ i lɛ, yé maa dan tɛrɛ ’ko nɔ lɛ i kulunu lɛ, i zuo.

Wepélisiananu 35:7

Jakɔb balebanna do kɛlɛ ana, yé é fɛkona tɔ laa El‐Bétɛl. ’Bɛna lé Bale ébozen gɔɔn a lɛ, bléyian va lé é vɔ fli gi é bwe lee, a bléyi va.

Wepélisiananu 50:24

Jozɛfu lé é bwenu lɛ léé: An dan ga lɛ. Naa, Bale é dan bɔra lɛ ka va, yé é dan ka si lɛ tɛrɛ ’ko la, yé tɛrɛ lé Bale ’ébo ’nyɔɔn Abraam koo, Izak koo, Jakɔb koo, wo lɛ léé, ’é dan a nɔ lɛ wo lɛ bɛ, é dan go lɛ ka nya ’bɛna.

Wepélisiananu 8:20

Noé bale banna do dɔ. É wi kenu si wi zinzinnu faa va, yé é miané kenu si miané zinzinnu faa va, yé é wo kyɛ ble Bale zé nya, balebanna ta.

2 Samuɛl 24:25

David Gakelebale banna kɛlɛ yé é balebanwi kyɛ ble a ta yé é bɔvɔ sarakanu bo a ta. Yé Gakelebale bli dɔrala tɛrɛ ma yé é migyɛgyɛ si Izraɛl.

1 Minwiinzannu 18:32

Yé é balebanna kɛlɛ gɔlɛ ’konu nya Gakelebale tɔ nya. Guru lé ’sawɔlɛ suo yaa éé sɔa a gi, é a bo balebanna zi.

Minwiinzannu lé Wezuofe Sɛbɛ 16:16

Gipawe lé é a kɛlɛ Abraam va, Yee valé balekundére lé é a fe Izak lɛ, wo sele a a gi.

Minwiinzannu lé Wezuofe Sɛbɛ 16:18

A fele nya léé: ’An dan Kanaan tɛrɛ nɔ lɛ i lɛ, Izé tɔnɔ nya.

2 Minwiinmunu lé Wezuofe Sɛbɛ 20:7

Oo, kolé Bale, biian i tɛrɛ ’ko la munu bin ilé munu Izraɛl ’lɛ loo? Biian i tɛrɛ ’ko nɔ Abraam lé, é sɔ i lɛ, a kulunu lɛ yifaama loo?

Ezidras 3:2

Josadak be Jozué valé é bwenu Balebanzannu koo, Séaltiɛl be Zorobabɛl valé é bwenu koo, wo nwa yé wo Izraɛl lé Bale banna kɛlɛ, balebanwi lé wa kyɛ blé, a nɔle ana we ma, wean wa gyɛ Bale lé mi Moizi lé bélidɔwe gi, a yɛrama.

Fwile 17:15

Moizi balebanna dɔ yé é tɔ pa a ma, Gakelebale a anlé drapo nya.

Fwile 24:4

Moizi Gakelebale dérenu faa gyɛ. ’Bɛ zuo é nwa bladi tutu; é balebanna kɛlɛ gɔ nyana ma yé é gɔlɛ vu ta fié pla é ke la Izraɛl bɛn vu ta fié zé nya.

Fwile 32:13

I wuozannu Abraam koo, Izak koo, Izraɛl koo, wo sele ’é dɔ i gi ma; biian ibo ’nyɔɔn léé, ’é dan ka kulunu kɛlɛ lɛ kiɛre bélé lagi monénénu zo loo? I ’ka a fe lɛ léé, tɛrɛ lé ’é a ma we fe, ’é dan a faa nɔ lɛ kalé nénu lɛ yé é dan kɛlɛ lɛ wozé nya lɛɛfaama, loo?

Fwile 33:1

Gakelebale lé Moizi lɛ léé: ’I go, bii valé munu lé i si wo nya Éjipiti tɛrɛ la, ’ka si ’ko, yé tɛrɛ lé maa anbo ’nyɔɔn léé, maa dan a nɔ lɛ Abraam koo, Izak koo, Jakɔb koo, wo kulu lɛ, ’ka go ana zia.

Fwile 6:3

An bɔra Abraam koo, Izak koo, Jakɔb koo, wo va, Plɛplɛfaazan Bale nya; naa, wo ’ka an dɔɔ lɛ anlé Gakelebale tɔ nya lo.

Fwile 6:4

Maa gi pa do wo va léé, Kanaan tɛrɛ, wolé dɔwotɛrɛ lé wo ke bɛn nya a ta bɛ, maa dan a nɔ lɛ wo lɛ.

Jérémi 3:18

’Bɛ yinu la, Juda munu valé Izraɛl munu wo dan tawo lɛ ékeva, Yé wo dan si lɛ ékeva yirinwana bɛbolazia tɛrɛ la, Yé wo da tɛrɛ lé maa ana nɔ wo tinu lɛ, ana.

Mi Nɔnɔle 26:53

Wo dan tɛrɛ guli lɛ wo ma, yé é kɛlɛ wozé nya, wo tɔ ’léé yɛrama.

Mi Nɔnɔle 32:11

Munu lé wo si Éjipiti tɛrɛ la, ’té wo lɛɛ gié lɛɛ yɔ do ta, tɛrɛ lé maa anbo ’nyɔɔn léé, maa dan a nɔ lɛ Abraam koo, Izak koo, Jakɔb koo, wo lɛ, wo va mi do kpen ’ka dan a ye lɛ lo. Wo ’ka tawo lɛ an zuo yarapalale nya lo,

Kelewenu 7:5

Bale ’ka tɛrɛ kiéné nɔ lɛ a lɛ azé nya lo yé é ’ka é gane dɔrana boen ye lɛ lo, naa, Bale blivolɛdére fe a lɛ léé, é dan tɛrɛ nɔ lɛ a lɛ azé nya, ’bɛ valé a kulunu zé nya é voéla lii, dɔlé ’té alé né do kpen ’ka lo.

Rom munu 9:8

’Bɛ gi léé, é ’ka kɛlɛ lɛ léé, nénu lé woo wo yaan tɛrɛlamunu yaabɛ gi, wo ɛ ke Kazambale lé nénu nya lo; naa, nénu lé woo wo yaan blivolɛdére yɛrama, woo wo ɛ yé Abraam kulu nya.

Galasi munu 3:16

Naa, Bale blivolɛdérenu fe Abraam valé é kulu lɛ. É ’ka a fe lɛ léé, kulunu, lo, bélé fɛan zo lé wa kiɛre, a zo lo, naa, é a fe, i kulu, ’bɛ gi léé, mi do kpen lé, yee lé ke Krist nya.

Galasi munu 4:28

Naa, an bwenu, wo ka yaa Kazambale lé blivolɛdére ma munu nya, bélé Izak zo.

Bélidɔwesɛbɛ Fiézan 1:8

É lé yi la léé, ’é tɛrɛ ’ko faa nɔ ka lɛ; ’ka go, tɛrɛ lé ’yee Gakelebale a fe ébo ’nyɔɔnle nya léé, é dan a nɔ lɛ ka tranu Abraam koo, Izak koo, Jakɔb koo, wo lɛ, wo valé ’wo kulunu lɛ, ’ka go a si kazé nya.

Bélidɔwesɛbɛ Fiézan 30:20

yé ’ka Gakelebale, kalé Bale lɔrɔ pa, yé ’ka a dére lɛdɔma, yé ’ka buvɔ a ma; naa, ka vole é yuɛma valé ka mɔnle tɛrɛ la éé sié ’bɛ ɛ va, yé ’bɛ zo lé ka dan nyana lɛ tɛrɛ lé Gakelebale ébo ’nyɔɔn ka tranu Abraam koo, Izak koo, Jakɔb koo, wo lɛ léé, é dan a nɔ lɛ wo lɛ, a ta.

Bélidɔwesɛbɛ Fiézan 34:4

Gakelebale lé a lɛ léé: Tɛrɛ lé maa anbo ’nyɔɔn léé, maa nɔ Abraam koo, Izak koo, Jakɔb koo, wo lɛ, a fele nya léé, maa dan a nɔ lɛ i nénénu lɛ, yee tɛrɛ lé ke bɛ. Maa a nagɔɔn i lɛ, bé ye i yuɛ nya, naa, i ’ka dan i gane zun lɛ ana lo.

Bélidɔwesɛbɛ Fiézan 6:10

Tɛrɛ lé Gakelebale, kalé Bale ébo ’nyɔɔn ka tranu Abraam valé Izak valé Jakɔb lɛ léé, é dan a nɔ lɛ ka lɛ, é dan go lɛ ka nya ana. Fla blɛn zinnu lé ka ’ka wo pa lɛ lo, ka dan nyana lɛ wo ta;

Bélidɔwesɛbɛ Fiézan 9:5

É ’ka kɛlɛ lɛ léé, kalé tawobɛ tegele valé ka bli tegele ma lé tɛrɛ ’ko kɛlɛ kazé nya lo; naa, bɛn ’konu bli nyané lé we ma lé Gakelebale, kalé Bale wo bin ka ’lɛ, yé é ziin, dére lé é a fe ébo ’nyɔɔnle nya ka tranu, Abraam koo, Izak koo, Jakɔb koo, wo lɛ, a dɔle gligli lé we ma lé é dan wo bin lɛ.

Ébrunu 11:13

Wo faa ga, ’té wo bli a we lɛ, dɔlé ’té fɛnu lé Bale a ma blivolɛdére fe wo lɛ, wo ’ka a ye lɛ lo, naa, wo wo ye baa mi, yé wo wo sɛɛn vɔ yé wo léé, ’wa bɛnnu valé giézannu nya béera ’ko.

Ébrunu 11:8

Kazambale Abraam laa aan wo, é Bale lɛdɔma yé blipale nya lé é go fɛana lé é dan tɔnɔ ble lɛ, ana, yé fɛ lé é ’ka ana dɔɔa lo, é go ana.

Jozué 1:6

’Ibo dɔ gligli, yé ’i bli ta dɔ plɛplɛ, naa, tɛrɛ lé maa a fe ka tranu lɛ anbo ’nyɔɔnle nya lé maa dan a nɔ lɛ wo lɛ, mi lé é dan munu ’ko nyana lɛ a ta, bii ɛ ke a nya.

Jozué 22:10

Wo bɔ aan wo Juudɛn yuu ma tɛrɛ lé ke Kanaan tɛrɛ buru do nya, ana, Rubɛnnu koo, Gadnu koo, Manasé bɛn lɛgɔnɔ do koo, wo balebanna do kɛlɛ Juudɛn yuu gɔ la, balebanna lé mi a yé é boan, a nya.

Jozué 8:30

Yé Jozué Gakelebale, Izraɛl zé Bale banna kɛlɛ Ébal gɔ nwiin,

Weblezannu 6:24

Jédéɔn Gakelebale banna kɛlɛ ’bɛna, yé é a tɔ pa mivodrɔɔ Gakelebale; yé é ana tan kyɔ Ofra, fla lé ke Abiézɛɛ gɔnɔlamunu zé nya, ana.

1 Samuɛl 7:17

’Bɛ zuo é nɔla Rama, fɛana lé alé kɔn ke, ana; yé ’bɛna éé Izraɛlnu lé wenu blé, yé é Gakelebale banna kɛlɛ ’bɛna.