Wepélisiananu 12:3 - Kazambale lé Sebe Sauunu 1979

³ Munuan, wo dan i drɔɔ vo lɛ, maa dan wo drɔɔ vo lɛ. Munuan wo dan bale pa lɛ i ma, maa dan bale pa lɛ wo ma, yé i ma lé tɛrɛ la lelenu faa tere drɔɔ é dan vo lɛ.

Wepélisiananu 12:3 ပူးပေါင်းရင်းမြစ်များ

Wepélisiananu 18:18

Weboen lé, Abraam é dan kɛlɛ lɛ bɛn blɛn plɛplɛ nya. A pli zi lé tɛrɛ la bɛnnu faa drɔɔ é dan vo lɛ.

Wepélisiananu 18:19

Naa, maa a si a va léé, ’é ’é benu valé élé kɔngimunu béli dɔ léé, ’wo tawo Gakelebale lé zi ta, ’té woo we drɔle valé we tegele kɛla; ’bɛ zo lé, we faa lé Gakelebale a fe Abraam lɛ blivolɛdére nya, é dan a kɛlɛ lɛ.

Wepélisiananu 22:18

I an dére lɛdɔma, amalé tɛrɛla bɛnnu faa drɔɔ é dan vo lɛ i kulu pli zi.

Wepélisiananu 24:35

Gakelebale anzan drɔɔ vo é baba yé é kɛlɛ plɛplɛ. ’Blanu valé dirinu koo, gɔɔlifu valé kyan koo, nyanamapagɔnénu valé nyanamapalomu koo, nyɔgɔménu valé sokofalenu koo, Bale a nɔ anzan lɛ.

Wepélisiananu 25:11

Abraam gale zuo, Bale a be Izak drɔɔ vo. É nyana Lakai‐roi ’yiguru sɔnɔ.

Wepélisiananu 26:29

’I bale ’nyɔɔn léé, ’é ’ka dan wenyané do kpen kɛlɛ lɛ ko lɛ lo, fɛan zo lé ko ’ka wenyané kɛlɛ lɛ i lɛ lo, yé ko wezin saa kɛlɛ i lɛ, yé ko zi nɔ i lɛ léé, i go drɔɔ bɛ, a zo. Sin, Gakelebale i drɔɔ vo.

Wepélisiananu 26:4

Maa dan i kulu kɛlɛ lɛ di bélé lagi monénénu zo; maa dan tɛrɛ ’konu faa nɔ lɛ i kulunu lɛ; yé tɛrɛ la bɛnnu faa drɔɔ é dan vo lɛ i kulu lé we ma;

Wepélisiananu 27:29

Munu ’é pla i wuo ma, Bɛnnu ’é dia ’wo bli la i ’lɛ ma, ’I kɛlɛ i bwenu nwiinzan nya ma, I bu benu ’é dia ’wo bli la i ’lɛ ma. Dé mian é bale pa i ma, ’wo bale pa ’bɛzan ma ma, Yé dé mian é i drɔɔ vo, ’wo ’bɛzan drɔɔ vo ma.

Wepélisiananu 28:14

I kulunu é dan kɛlɛ lɛ kiɛre bélé tɛrɛ lé vun zo; wo dan soi lɛ yirinwanazia fɔɔ yirivɔna, é valé yirinwana bɛbolazia fɔɔ yirinwana bɛyilazia. Tɛrɛ la lelenu faa drɔɔ é dan vo lɛ bii valé i kulunu lé we ma.

Wepélisiananu 30:27

Laban lé a lɛ léé: ’I an ye mi zin nya ma. Maa a ye é zima léé, Gakelebale an drɔɔ vo ilé we ma.

Wepélisiananu 30:30

Fɛ kiéné ɛ ke i lee an dale ’lɛ, é fan, yé Gakelebale i drɔɔ vo an dale zuo. Sin, maa anbo zé nyanama paan mɛ yi laa?

Wepélisiananu 39:5

Potifaa Jozɛfu pla élé kɔngimunu nwiin yé é ’élé fɛnu faa bɛ pa a lee, tɔɔn, Jozɛfu lé we ma lé Gakelebale Éjipiti mi lé kɔn drɔɔ vo. Fɛnu faa lé ke a lee, dé wa kɔn gioo, dé wa féioo, Gakelebale wo drɔɔ vo.

Lɛrɛvɔ Sɛbɛ 72:17

A tɔ é dan kɛlɛ lɛ ana yifaama, A tɔ é dan vo lɛ ana bélé yiri mɔnle zo, A tɔ gi lé wo dan wo ke drɔɔ vo lɛ, Yé bɛnnu faa é dan a fe lɛ léé, azé a néné.

Fwile 23:22

Naa, dé i tɔné dɔ a dére lɛ, yé we lé maa fe i lɛ, dé bé faa kɛlɛ, maa dan kɛlɛ lɛ i nyanézannu é nyanézan nya, maa dan kɛlɛ lɛ i mazannu é mazan nya.

Mi Nɔnɔle 24:9

Éé zunwo ’é powuo ta, yé éé yiaan bélé golizra zo, bélé golizra tina zo. De ɛ dan a nwa lɛɛ? Dé miomian é i drɔɔ vo, ’bɛzan drɔɔ ’é voo; Yé dé miomian bale pa i ma, ’wo bale pa ’bɛzan ma.

Matio 25:40

Maa minwiinzan é dan a zi pa lɛ wo lɛ léé: Maa lé ka lɛ webozen nya léé, yi faa‐an nya lé ka we ’konu kɛlɛ an zuané kiiénénu va mi do lɛ, ka a kɛlɛ maa ɛ lɛ.

Matio 25:45

An dan a zi pa lɛ wo lɛ léé: Maa lé ka lɛ webozen nya léé, a gɔnɔ faa‐an nya lé ka ’ka we ’konu kɛlɛ lɛ an zuané kiiénénu ’ko va mi do lɛ lo, ka ’ka a kɛlɛ lɛ maa ɛ lɛ lo.

WENÉNÉ LÉ LUK A GYE (Évangile selon Luc) 24:27

Yé é a pélisia Moizi valé balelayemunu lé sɛbɛnu faa gi yé ébo tawe gɔɔn wo lɛ sɛbɛnu faa gi.

Rom munu 4:11

É ganedɔle ye tɔmase nya, kɛlɛ lé é a wo tegele élé blipale ma, ’té a gane ’ka tan é dɔle lo, a tɔmase nya. ’Bɛ zo lé, munu lé wo gane ’ka é dɔle lo, ’té wo bli a é pale, Abraam kɛlɛ wo faa ti nya, wo faa kɛlɛle tegele we ma.

1 Korent munu 1:30

Naa, Kazambale lé we ma lé ka a Jézu Krist gi, yé Kazambale lé blibɔmawe yɛrama lé Krist kinin kolé wedɔɔle valé kolé we tegele koo, ko kɛlɛle sauun koo, ko tabozan koo, wo nya.

Galasi munu 3:16

Naa, Bale blivolɛdérenu fe Abraam valé é kulu lɛ. É ’ka a fe lɛ léé, kulunu, lo, bélé fɛan zo lé wa kiɛre, a zo lo, naa, é a fe, i kulu, ’bɛ gi léé, mi do kpen lé, yee lé ke Krist nya.

Galasi munu 3:28

Juifi mi valé Grɛki mi ’ka é dɛrɛ lo; luu valé migɔné ’ka é dɛrɛ lo; gɔné valé le ’ka é dɛrɛ lo, naa, ka faa a mi do nya Jézu Krist gi.

Galasi munu 3:8

É ziin, Kazambale lé sɛbɛ a fale vɔ é kyɛn léé, Kazambale é dan bɛn bɛnu kɛlɛ lɛ tegele blipale nya; yé é wenéné ’ko fe Abraam lɛ a bléyi ’lɛ yé é léé: Bɛnnu faa drɔɔ é dan vo lɛ i gi.

Éfez munu 1:3

Kazambale, Kaazan Jézu Krist Ti lé é kaa drɔɔ vo léli drɔɔ vole gɔnɔ faa nya fɛna lorunu na Krist gi, a drɔɔ ’é vo ma.

Kolɔs munu 3:11

Grɛki koo, Juifi koo, ganedɔzan koo, ganedɔlozan koo, bwigimunu koo, Site mi koo, luu koo, miné koo, wo ’ka ’ko lo, naa, Krist a fɛ faa nya, yé é a we faa gi.

Wegɔɔnle 7:9

’Bɛ zuo maa a naginina, yé bé ye, mi gu blɛn lé, wo si bɛntɛrɛ faa koo, bɛn do do faa koo, migɔnɔ do do faa koo, dére faa koo, wo gi, wo ana, yé mi do kpen ’ka bɔa wo nɔnɔle lɛ lo. Wo dɔ webleblin valé ’Blané ’lɛ, sɔ funu nya ’wo ta, ’té yɔlaanu a wo lee.