Wepélisiananu 12:2 - Kazambale lé Sebe Sauunu 1979

² Maa dan i kɛlɛ lɛ bɛngɔnɔ blɛn nya, yé maa dan i drɔɔ vo lɛ, yé maa dan i tɔ kɛlɛ lɛ blɛn yé bii ɛ dan mi bɛnu drɔɔ vo lɛ.

Wepélisiananu 12:2 ပူးပေါင်းရင်းမြစ်များ

Wepélisiananu 13:16

Maa dan ilé nénu kɛlɛ lɛ bélé tɛrɛ lé vun zo di. ’Bɛ ma, dé mi é bɔa lɛ é tɛrɛ lé vun nɔnɔ, ’té é bɔa ilé nénu nɔnɔle lɛ é ziin.

Wepélisiananu 15:5

É go a nya béera yé é léé: ’I lagi gini, yé ’i monénénu nɔnɔ, dé i bɔa wo nɔnɔle lɛɛ? Yé é lé a lɛ léé: I kulu é dan kɛlɛ lɛ bélé wo zo.

Wepélisiananu 17:20

Dé é a Ismaɛl zé nya, maa ’bɛ ’ma. Bé gini, maa dan a drɔɔ vo lɛ, yé maa dan a kɛlɛ lɛ né kiɛre yaazan nya, yé maa dan a fan lɛ fɔɔ a glɛ ’ka lo; é dan tɛrɛzannu yaa lɛ vu ta fié, yé maa dan a kɛlɛ lɛ bɛn gɔnɔ blɛn do nya.

Wepélisiananu 18:18

Weboen lé, Abraam é dan kɛlɛ lɛ bɛn blɛn plɛplɛ nya. A pli zi lé tɛrɛ la bɛnnu faa drɔɔ é dan vo lɛ.

Wepélisiananu 18:19

Naa, maa a si a va léé, ’é ’é benu valé élé kɔngimunu béli dɔ léé, ’wo tawo Gakelebale lé zi ta, ’té woo we drɔle valé we tegele kɛla; ’bɛ zo lé, we faa lé Gakelebale a fe Abraam lɛ blivolɛdére nya, é dan a kɛlɛ lɛ.

Wepélisiananu 19:29

Dé Kazambale fɛna pɛblɛɛ flanu sɛrɛ Abraam sele dɔ a gi; yé dunuzén?-?milawe lé é bɔ Lɔt nyanala flanu ma yé é wo guru zana a gi bɛ, é Lɔt si ’bɛ we ’konu gi.

Wepélisiananu 24:1

Abraam kɛlɛ é kwa yé a lɛɛ kɛlɛ kiɛre; yé Gakelebale Abraam drɔɔ vo we faa gi.

Wepélisiananu 24:35

Gakelebale anzan drɔɔ vo é baba yé é kɛlɛ plɛplɛ. ’Blanu valé dirinu koo, gɔɔlifu valé kyan koo, nyanamapagɔnénu valé nyanamapalomu koo, nyɔgɔménu valé sokofalenu koo, Bale a nɔ anzan lɛ.

Wepélisiananu 25:11

Abraam gale zuo, Bale a be Izak drɔɔ vo. É nyana Lakai‐roi ’yiguru sɔnɔ.

Wepélisiananu 26:3

’I vo tɛrɛ ’ko la ’ko; maa dan kɛlɛ lɛ i va yé maa dan i drɔɔ vo lɛ, naa, maa dan tɛrɛ ’konu faa nɔ lɛ bii valé i kulu lɛ, yé gipawe lé maa a kɛlɛ i ti Abraam va, maa dan dɔ lɛ a ta.

Wepélisiananu 26:4

Maa dan i kulu kɛlɛ lɛ di bélé lagi monénénu zo; maa dan tɛrɛ ’konu faa nɔ lɛ i kulunu lɛ; yé tɛrɛ la bɛnnu faa drɔɔ é dan vo lɛ i kulu lé we ma;

Wepélisiananu 27:29

Munu ’é pla i wuo ma, Bɛnnu ’é dia ’wo bli la i ’lɛ ma, ’I kɛlɛ i bwenu nwiinzan nya ma, I bu benu ’é dia ’wo bli la i ’lɛ ma. Dé mian é bale pa i ma, ’wo bale pa ’bɛzan ma ma, Yé dé mian é i drɔɔ vo, ’wo ’bɛzan drɔɔ vo ma.

Wepélisiananu 28:14

I kulunu é dan kɛlɛ lɛ kiɛre bélé tɛrɛ lé vun zo; wo dan soi lɛ yirinwanazia fɔɔ yirivɔna, é valé yirinwana bɛbolazia fɔɔ yirinwana bɛyilazia. Tɛrɛ la lelenu faa drɔɔ é dan vo lɛ bii valé i kulunu lé we ma.

Wepélisiananu 35:11

Kazambale lé a lɛ léé: Maa a Plɛplɛfaazan Bale nya. ’I fan yé ’i kɛlɛ di ma. I dan bɛn do valé bɛn kiɛre yaa lɛ, yé i dan minwiinmunu yaa lɛ.

Wepélisiananu 46:3

Yé Kazambale léé: Maa a Kazambale nya; i ti lé Bale lé maa nya. Té i kana gole ma Éjipiti tɛrɛ la lo, naa, ’bɛna lé maa dan i kɛlɛ lɛ bɛn blɛn nya.

2 Samuɛl 7:9

dé i tawo fɛofɛana, maa a i va; maa i nyanézannu kulu ga i ’lɛ, yé maa i tɔ kɛlɛ blɛn bélé tɛrɛlamunu lé mi blɛnblɛnnu tɔ zo;

1 Minwiinzannu 1:47

Yé minwiinzan wuozannu da kozan minwiinzan David drɔɔ vo lɛ, a fele nya léé: Ilé Bale ’é Salomɔn tɔ kɛlɛ blɛn é mini izé ta, yé ’é alé plale mi nwiin gi gyɛ é mini izé ta! Yé minwiinzan yia é bli la élé yialafɛ ta.

JOB (Job) 35:8

Ilé wenyané éé ’naan i zoɛzan ma, I tegele éé bɔa blami va é wo.

Lɛrɛvɔ Sɛbɛ 107:38

É wo drɔɔ vo yé wo faan Yé é ’ka wolé winu ’léé zana a gi lo.

Fwile 1:7

Izraɛl lé nénu a néyaamunu nya, yé wo kɛlɛ kiɛre, yé wo ’léé gi gyɛ yé wolé plɛplɛ taa vo zénna a va. Yé wo fan tɛrɛ ’ko la.

Fwile 32:10

Sin, ’i an vo, an bli é dan fli lɛ wo ma, yé maa dan wo guru zana lɛ a gi; naa, maa dan bii kɛlɛ lɛ bɛn blɛn nya.

Ézai 51:2

Ka yuɛ ’é vo ka tra Abraam lɛ, Sara lé é ka yaa, ka yuɛ ’é vo ’bɛ lɛ; Naa, yee do kpen lé maa a laa, Maa a drɔɔ vo yé maa a fan.

Ézékiɛl 34:26

Maa dan wo drɔɔ vo lɛ, wo valé anlé gɔ zi fɛnanu nya; maa dan lɛɛ da lɛ ’é dabléyi va yé é dan wo drɔɔ vo lɛ.

Misé 7:20

I dan a gɔɔn lɛ Jakɔb lɛ léé, i a yarapawelazan nya, yé i dan a gɔɔn lɛ Abraam lɛ léé, i a é zin, fɛan zo lé bé fe ko tranu lɛ ibo ’nyɔɔnle nya é vinin, a zo.

Zakari 8:13

’Kaa Juda valé Izraɛl munu, fɛan zo lé ka kɛlɛ balepamazannu nya bɛnnu méléna, a zo lé maa dan ka si lɛ we gi, yé maa dan ka drɔɔ vo lɛ. Té ka kana lo, ka bɛ ’é dɔ plɛplɛ ma.

Mi Nɔnɔle 14:12

Maa dan wo gyɛ lɛ bawurumagyɛ nya; maa dan wo kulu ga lɛ, naa, maa dan i kɛlɛ lɛ bɛngɔnɔ blɛn plɛplɛ nya yé é mini wo ta.

Mi Nɔnɔle 22:12

Bale lé Balaam lɛ léé: Té i go wo va pelo; té i bale pa munu ’ko ma monomono lo; naa, wo drɔɔ a é vole.

Mi Nɔnɔle 23:20

Bé ye, é léé, ’an wo drɔɔ vo. É wo drɔɔ vo; maa ’ka ’bɛ sɛra lo.

Rom munu 4:11

É ganedɔle ye tɔmase nya, kɛlɛ lé é a wo tegele élé blipale ma, ’té a gane ’ka tan é dɔle lo, a tɔmase nya. ’Bɛ zo lé, munu lé wo gane ’ka é dɔle lo, ’té wo bli a é pale, Abraam kɛlɛ wo faa ti nya, wo faa kɛlɛle tegele we ma.

Galasi munu 3:14

Wean ma lé we ’konu faa bɔ, yee lé é ke ’ko: Abraam drɔɔvole kɛlɛle é ziin bɛnnu zé nya Jézu Krist gi we ma, é valé Kazambale Léli lé, wa nɔle we fe é kyɛn bɛ, kaalé a yele blipale nya we ma.

Galasi munu 3:7

Amalé ’ka we ’ko nyi si ma: munu lé wo bli ke é pale, wo ɛ ke Abraam benu nya.

Bélidɔwesɛbɛ Fiézan 26:5

Yé i dan we fe lɛ é ziin, yé i dan a fe lɛ Gakelebale, ilé Bale lɛ léé: An ti a Aramé mi nya, nɔɔzan nya; é go Éjipiti tɛrɛ la, ’té alé munu a sɛ, yé é nyana ’bɛna; ’bɛna lé é kɛlɛ bɛn blɛn plɛplɛ nya, yé alé mi kɛlɛ kiɛre.