Wepélisiananu 10:10 - Kazambale lé Sebe Sauunu 1979

¹⁰ É pla é vinin Sinéa tɛrɛ la flanu nwiin, ’bɛ gi lé Babɛl koo, Érɛk koo, Akad koo, Kalné koo, wo nwiin.

Wepélisiananu 10:10 ပူးပေါင်းရင်းမြစ်များ

Wepélisiananu 10:9

É kɛlɛ wigyɛzan bli ta plɛplɛzan nya Gakelebale yara. Bɛwemalé woo gɔné vɔa léé, é a bélé Nimrɔd zo, wigyɛzan bli ta plɛplɛzan nya Gakelebale yara.

Wepélisiananu 11:2

Wo go aan wo yirinwanazia, wo fɛna dégélé do ye Sinéaa tɛrɛ la, yé wo nyana ana.

Wepélisiananu 11:9

Ana mi lé Gakelebale tɛrɛlamunu faa tere dére kini ékema; amalé wa tɔ pa Babɛl. Ana mi lé Gakelebale wo kini ékema tɛrɛ la fɛfaana.

Wepélisiananu 14:1

Bléyian va lé Amrafɛl ke Sinéaa mununwiinzan nya, ’té Aajɔk ɛ ke Élasaa mununwiinzan nya, ’té Kédɔlaomɛɛ ɛ ke Élam mununwiinzan nya, ’té Tidéal ɛ ke Gojim mununwiinzan nya,

Ézai 10:9

Amat munu zé ’ka kɛlɛ lɛ bélé Aapad munu zé zo loo? Samari munu zé ’ka kɛlɛ lɛ bélé Damas munu zé zo loo?

Ézai 11:11

’Bɛ bléyi duo nya, Mizan é dan é bɛ soi lɛ a gɔnɔ fiézan nya, alé mi pɔnénu lé wo vo, wo tabole we gi, ’té wo ke é sɔɔlale Asiri tɛrɛ valé Éjipiti tɛrɛ koo, Patrɔs valé Étiopi tɛrɛ koo, Élam valé Sinéaa valé Amat koo, wɛyi worona tɛrɛnu koo, wona.

Ézai 39:1

’Bɛ bléyi duo nya, Babilɔn minwiinzan Baladan be Bérodak Baladan sɛbɛ valé blan pa Ézékia lɛ zia, naa, é a ’ma léé, Ézékia gyɛ kɛlɛ yé é béli.

Jérémi 50:1

Dére lé Gakelebale a pa balelayezan Jérémi ’léé, Kaldé tɛrɛ la Babilɔn mawe nya, yee lo.

Jérémi 50:21

Tɛrɛ ’ko la munu lé wo nwa Bale ma gɔnɔ fié, ’i nwa wo ma; ’i nwa ana munu ma, yé i we lɛdɔ wo gi. ’I wo zuo bin, ’i wo gyɛ, ’i wo kulu ga. Maa Gakelebale ɛ ke a fena. ’I anlé bélidɔwenu lɛ sɔɔ ’té.

Ézékiɛl 27:23

Saran munu koo, Kané valé Édɛn munu koo, Séba valé Asiri valé Kilimad yaawomunu koo, wo yaawo i va.

Daniɛl 1:2

Mizambale Juda nwiinzan blɛn Jojakim pa a lee, ’é valé Balebangikɔn gi nyanamapafɛ kenu nya. Nébukanɛsaa nyanamapafɛ ’konu si yé é go wo nya Sinéaa tɛrɛ la, yé é wo pa ’élé bale lé kɔn gi fɛwezannu pana.

Amɔs 6:2

Ka go Kalné yé ’ka nagini; ’ka si ’bɛna yé ’ka go fla blɛn Amat la; ’ka go tɛrɛ zia Gat, Filisiti tɛrɛ la. Fla ’konu vɔle a ma mini kalé tɛrɛ fié ’ko, wo lɛɛ? Wolé tɛrɛ blɛn mini kazé lɛɛ?

Misé 4:10

Siɔn munu, ’ka kle ble yé ’ka dunnu bélé le lé é ke né yaana, a zo. Naa, sin ka dan si lɛ fla blɛn ta yé ka dan nyana lɛ bwi gi, yé ka dan go lɛ fɔɔ Babilɔn; ’bɛna lé Gakelebale é dan ka si lɛ munu lee; ana lé é dan ka tabo lɛ ka nyanézannu lee.

Misé 5:6

Jakɔb kulu pɔnénu é dan kɛlɛ lɛ migɔnɔ kiɛre va bélé lolu lé é si Gakelebale va, a zo, bélé fli lé é vɔ lu ta, a zo. Wo bli ’ka blami lɛ lo, yé wolé we do kpen ’ka sié blaminu va lo.

Zakari 5:11

É a zi pa an lɛ léé: Wo go alé kɔn dɔ lɛ Sinéaa tɛrɛ la; yé dé wo nyaa a dɔle nya, wo dan yee kyɛɛ dɔra lɛ a gi.