Wepélisiananu 1:6 - Kazambale lé Sebe Sauunu 1979

⁶ Kazambale léé: Fɛna pla ’é kɛlɛ ’yinu méléna, yé fɛna pla ’é ’yinu kini ékema.

Wepélisiananu 1:6 ပူးပေါင်းရင်းမြစ်များ

Wepélisiananu 1:14

Kazambale léé: Fɛnakinifɛnu ’é kɛlɛ fɛna pla lé wa laama la, a gi, tu valé béli kinile ékema we gi; ’wo kɛlɛ bléyinu koo, yinu koo, lɛɛnu koo, wo gɔɔnzannu nya ma.

Wepélisiananu 1:20

Kazambale léé: Wi yuɛmalenu ’é kɛlɛ ’yinu va di, yé mianénu ’é si tɛrɛ ta loru la worona.

JOB (Job) 26:13

Éé fu fɛɛan yé la é vo drɔɔ A bɛ é so wɛyi va wi blɛn zi.

JOB (Job) 37:11

Éé latinu faan ’yifulu nya, Éé wo nwɛɛn‐an lɛɛ yuɛwuovɔle va.

JOB (Job) 37:18

I bɔalɛ i lanu soi bélé yee zoo? Yé i wo dɔ plɛplɛ bélé zéné ma gɔrɔlale zoo?

Lɛrɛvɔ Sɛbɛ 104:2

Éé san zén‐é ’é ta bélé sɔ zo, Éé la sɔɔlaan bélé sɔ fwilale zo.

Lɛrɛvɔ Sɛbɛ 148:4

La zi lanu, ’ka a tɔ zin fe. ’Kaa ’yinu lé ka ke tɛrɛ wuo, ’ka a tɔ zin fe.

Lɛrɛvɔ Sɛbɛ 150:1

’Ka Gakelebale tɔ zin fe! ’Ka Bale tɔ zin fe alé fɛna sauun na ma. ’Ka a tɔ zin fe la gi, fɛ lé walé plɛplɛ yé na, ana.

Lɛrɛvɔ Sɛbɛ 19:1

David lɛrɛ ’ko vɔle gɔɔn lɛrɛvɔmunu ’lɛzannu lɛ.

Lɛrɛvɔ Sɛbɛ 19:2

Lanu éé Bale lé fuasan zuo fé, Yé fɛna pla a bɛnu panyanama nagɔɔn‐an.

Lɛrɛvɔ Sɛbɛ 33:6

Gakelebale dére lanu kɛlɛ, É lagi sunyanu faa kɛlɛ é ’léé fu nya.

Lɛrɛvɔ Sɛbɛ 33:9

Naa, éé we fé, yé a we éé bɔa; Éé dére do fé, yé fɛ éé kɛla.

Bale Lé We Gifezan 11:3

Dé latinu boro pa lɛɛ nya, wa nwɛɛn‐an tɛrɛ la; dé yili do dia yirinwana bɛyilazia, ɛɛ, dé é dia yirinwana bɛbolazia, éé voo é diana.

Ézai 40:22

Bale ɛ nyanaan tɛrɛ valé lanu faa ta loru, Yé tɛrɛlamunu a bélé gangannu zo; Éé lanu fwilaan bélé yéyéiné sɔ zo; É wo kɛlɛ bélé sɔkɔn zo, A nyanana kɛlɛle ana we ma.

Jérémi 10:10

Naa, Gakelebale a Bale nya webozen nya; É a Bale yuɛmale valé minwiinzan lé, éé voo ana lɛɛfaama, ’Té a glɛ ’ka dɔa lo, a nya. Tɛrɛ ma éé nyɔɔn‐an alé bliflile we ma, Yé bɛnnu ’ka dɔa a wɛwɛ wuo lo.

Jérémi 51:15

É tɛrɛ kɛlɛ é bɛ plɛplɛ nya; Alé wedɔɔle nya lé é tɛrɛ gane vɔ; É lanu fwila élé gikinile nya.

Zakari 12:1

Dére lé Gakelebale a fe Izraɛl ma, yee lé ke ’ko. Gakelebale lé é lanu fwila yé é tɛrɛ gane vɔ, yé é léli pa blami gi bɛ, é léma:

2 Piɛri 3:5

Munu ’konu gi san we kenu ma wobo yuɛ va; yee lé ke léé, é vinin, lanu valé tɛrɛ ana; Kazambale wo kɛlɛ é dére nya, yé é wo si ’yi va yé é wo kɛlɛ ’yi nya;