Wepélisiananu 1:29 - Kazambale lé Sebe Sauunu 1979

²⁹ Yé Kazambale léé: Ka yé loo? Zian faa lé é ke tɛrɛ la, ’té a wɔlɛ éé kɛla a gi, é valé yili faa lé wo poro éé baan, ’té a wɔlɛ éé kɛla a gi, maa a nɔ ka lɛ kalé fɛblele nya.

Wepélisiananu 1:29 ပူးပေါင်းရင်းမြစ်များ

Wepélisiananu 2:16

Bale, Gakelebale é sɔnné gɔɔn mi lɛ ’ko zo: maa zi nɔ i lɛ léé, i féi yilinu faa poro ble;

Wepélisiananu 6:21

Yé bii, fɛnu faa lé wa blé, bé si yé é vo é tadɔle i va, bii koo, wo koo, kalé fɛblele nya.

Wepélisiananu 9:3

Fɛ faa lé éé giéan é yuɛma, wo dan kɛlɛ lɛ kalé fɛblele nya. Maa a faa nɔ ka lɛ bélé lu drɔɔ zo.

JOB (Job) 36:31

Bɛ ’konu gi lé éé munu lé we blé, Yé éé fɛblele no kiɛre.

Lɛrɛvɔ Sɛbɛ 111:5

Munu lé woo kanaan a lee, éé fɛblele no wo lɛ, Alé gipawe sele a a gi yifaama.

Lɛrɛvɔ Sɛbɛ 115:16

Lanu a Gakelebale zé nya, Naa, é tɛrɛ nɔ blaminu lɛ.

Lɛrɛvɔ Sɛbɛ 136:25

Bale lé éé fɛblele no mi valé wi faa lɛ, Naa, a nyanai éé zén‐é yifaama.

Lɛrɛvɔ Sɛbɛ 146:7

Éé we tegele kɛla, munu lé wo yaan wo ta, wo lɛ; Yé munu lé lɔrɔ ke wo gyɛna, éé fɛblele no wo lɛ.

Lɛrɛvɔ Sɛbɛ 147:9

Éé fɛblele no winu lɛ, Yé dé kanwéi suanu siaa, éé fɛblele no wo lɛ.

Lɛrɛvɔ Sɛbɛ 24:1

Lɛrɛ do lé David a vɔ. Tɛrɛ valé é tafɛnu faa a Gakelebale zé nya, Tɛrɛ valé munu lé woo nyanaan a ta, wa Gakelebale zé nya.

Ézai 33:16

Mi ’ko, é dan nyana lɛ fɛna nwale na; gɔlɛ plɛplɛ é dan kɛlɛ lɛ a yɔɔna nya. Wo dan fɛblele nɔ lɛ a lɛ, wo dan ’yi nɔ lɛ a lɛ, é ta nya drɔɔ.

OZÉ (Osée) 2:8

Bɛwemalé, maa dan alé zi lɛ tan lɛ a lee léli nya, yé maa dan gɔrɔ nwa lɛ a ’lɛ, té é bwɛnu lé zi ye é dɛrɛ lo we ma.

Matio 6:11

’I kolé kyɔ fɛblele nɔ ko lɛ kyɔ;

Kelewenu 14:17

naa, duowo wezin kɛlɛle ka lɛ ma lé éé a nagɔɔn‐an ka lɛ yifaama léé, ’yee ɛ ke ana. Éé lɛɛ paan ka lɛ zia yé éé kalé féi dɔa di, yé éé fɛblele no ka lɛ kiɛre yé éé ka faan gi nanale nya.

Kelewenu 17:28

Vole é yuɛma koo, kɔɔle koo, bélile koo, ko wo ye yee Bale ɛ va. Yee lé kalé lɛrɛvɔmi kenu a fe é ziin léé: A va lé ko gɔnɔ ke.

1 Timoté 4:3

Munu ’ko, wa yi gaan munu lee léé, té wo le si lo; yé fɛblelenu lé Kazambale a kɛlɛ léé, munu lé wo ke Bale lé we gi ’té wo webozen dɔɔ, ’wa ble bɔvɔle nya bɛ, wo fɛ ’konu blele yi gaan ’bɛnu lee.

1 Timoté 6:17

Munu lé tɛrɛ ’ko la fɛnu ke wo lee, ’i we pla wo lɛ léé, té wo kɛlɛ boblɛnzannu nya lo, yé fuafɛnu lé woo giéan, té wo bli é vo ’bɛnu lɛ lo, naa, Kazambale lé éé fɛnu faa no kaa lɛ di, ’té kaa gi éé nanaan ’bɛnu lé we ma bɛ, wo bli ’é vo ’bɛ ɛ lɛ.