Wepélisiananu 1:26 - Kazambale lé Sebe Sauunu 1979

²⁶ ’Bɛ zuo Kazambale léé: Kaa mi kɛlɛ kaa dɔbɛ gi, kaa bɔmazan nya, yé ’é pla wɛyi va pɔnu koo, lagi mianénu koo, winu koo, tɛrɛlafɛnu faa koo, tawoplɛlawinu faa lé woo giéan tɛrɛ la koo, wo faa nwiin.

Wepélisiananu 1:26 ပူးပေါင်းရင်းမြစ်များ

Wepélisiananu 11:7

Kaa go, kaa zun, kaa wo dére kini ékema mi, té wo wo ke dére ’ma é ziin lo.

Wepélisiananu 2:19

Gakelebale tɛrɛ si yé é a kɛlɛ tɛrɛlawinu valé lagi mianénu nya, yé é da wo faa nya gɔnézan va, dé é dan wo laa lɛ fɛan zo, yé é a gi dɔɔ, yé tɔ lé gɔnézan a pa fɛ yuɛmale faa ma, yé é vo wo tɔ nya.

Wepélisiananu 3:22

Bale, Gakelebale léé: Ka a yé loo? Mi kɛlɛ bélé kaa va mi do zo yé é wezin valé wenyané vasina dɔɔ. Naa, kaa mibéliyili poro sole yi ga a lee, dé é da ’bɛ ble yé é vo é yuɛma lɛɛfaama, ’té ’bɛ glɛ ’ka dɔa lo.

Wepélisiananu 5:1

Adam kulunu lé sɛbɛ lé ke ’ko. Bale mi kɛlɛ aan wo, é a kɛlɛ é bɔmazan nya.

Wepélisiananu 9:6

Dé mi do mi nyɛ zana, munu é dan ’bɛzan nyɛ zana lɛ é ziin; Kazambale mi kɛlɛ é dɔbɛ gi, azama.

JOB (Job) 35:10

Naa, mi do ’ka a fé léé: An Kɛlɛzan Bale lé Éé ginana lɛrɛ no an lɛ é béli,

JOB (Job) 39:11

I bli a alé plɛplɛ blɛn lɛɛ? Ilé nyanama bɛ paan a lee?

JOB (Job) 5:23

Naa, i dan i gi pa lɛ do bwi gi gɔlɛnu va, Yé bwigiwinu é dan vo lɛ i va drɔɔ.

Lɛrɛvɔ Sɛbɛ 100:3

Gakelebale ɛ ke Bale nya, ’ka we ’ko dɔɔ ma. Yee ɛ ko kɛlɛ, yé ko a azé nya; Ko a alé munu valé alé trubɛnu nya; éé ko tabin‐é.

Lɛrɛvɔ Sɛbɛ 149:2

Izraɛl munu gi ’é nana ’wo kɛlɛzan lé we ma ma. Siɔn munu gi ’é nana ’wo nwiinzan lé we ma fɔɔ té a glɛ é dɔ lo.

Bale Lé We Gifezan 7:29

Naa, we lé maa ye, yee lé ke léé, Kazambale munu kɛlɛ tegele, naa, wobozen zi bɛ kiɛre sia.

Wegɔné Ma Lɛrɛ 1:11

Ko dan bɔrɔmakyanbale kɛlɛ lɛ i lɛ, ’Té é a é vɔɔle gɔɔlifu nya. —

Ézai 45:18

Gakelebale, Lanu kɛlɛzan, Bale do kpen lé É tɛrɛ kɛlɛ yé é a dɔ gligli, ’Té é a kɛlɛ léé, té ana é vo é pla bɛ lo, ’Té é a kɛlɛ léé, munu éé nyanaan a ta bɛ, yee Gakelebale léma: Maa ɛ ke Gakelebale nya, Bale bɛ do kpen ’ka ana lo.

Ézai 6:8

Maa Mizan dére ’ma, ’té éé a fé léé: Maa dan mi kyɛn ɛ nwunvɔ lɛɛ? Yé de ɛ dan tawo lɛ kolé we gii? Yé maa a zi pa léé: Maa lo, ’i an nwunvɔ.

Ézai 64:8

Oo Gakelebale, té i bli fli yé é gié é glɛ la lo. Té kolé wenyané blɛn sele é dɔ i gi yifaama lo; bé gini do, ko faa a ilé munu nya.

Jérémi 27:6

Sin, an tɛrɛnu faa ’ko bɛ pa an wuozan Babilɔn nwiinzan blɛn Nébukanɛsaa lee, yé maa bwigiwinu bɛ pa a lee é ziin, léé, wo pla a wuo.

WENÉNÉ LE JAN A GYE (Évangile selon Jean) 14:23

Jézu lé a lɛ léé: Dé an sɔ mianzan lɛ, é dan tawo lɛ an dére ta, yé é dan sɔ lɛ an Ti lɛ, yé ko dan da lɛ a va, yé ko dan ko nyanana kɛlɛ lɛ a va.

WENÉNÉ LE JAN A GYE (Évangile selon Jean) 5:17

Naa, Jézu lé wo lɛ léé: An Ti a nyanama pana fɔɔ kyɔ; yé maa a anzé pana é ziin.

Kelewenu 17:20

Naa, givuruwe dɛrɛnu lé i ke a fena, é sɔ ko lɛ léé, ko wo gi ’ma.

Kelewenu 17:26

Bale a kɛlɛ léé, munu faa pun sina ’é kɛlɛ do, yé ’wo nyana tɛrɛ la fɛfaana. Yé é wo lɛɛnu glɛ dɔ, yé é munu nyanana glɛnu dɔ.

1 Korent munu 11:7

Kazambale gɔné kɛlɛ bélé ébozen zo, é tɔbɔfɛ nya, amalé é ’ka lé é é ’wuo ta yɔɔ lo. Naa, le a gɔné tɔbɔfɛ nya.

2 Korɛnt Munu 3:18

Yé sɔné ’ka ko yara lo amalé ko Mizan lé fuasan yé tegele bélé fɛan zo lé mi é ’é yara yé vlinvlin gi, a zo. ’Bɛ zo lé, Mizan Léli éé goo ko dɔbɛ nɔlale nya, ’té éé kolé fuasan taa paan, fɔɔ yé kolé fuasan é kɛlɛ bélé Mizan zé zo.

2 Korɛnt Munu 4:4

Wo bli ’ka we lɛ lo, bléyi ’ko vamunu lé bale wolé wedɔɔle san wo lee, amale Krist lé ke Kazambale bɔmazan nya, alé fua tɔbɔle lé Wenéné lé ke bélé kyɛsan zo, wo ’ka a dɔɔa lo.

Éfez munu 4:24

yé dɔbɛ dɛrɛ lé wa kɛlɛ Kazambale yɛrama tegele valé sauun, ’té éé sié webozen va bɛ, ’ka ’bɛ si.

Kolɔs munu 1:15

Jézu valé Bale lé, mi ’ka a yé lo, wo bɔ ékema, yé yee ɛ ke Bale kɛlɛfɛnu faa va né vinin nya.

Kolɔs munu 3:10

yé mi dɔbɛ dɛrɛ lé éé goo é tavɔɔle nya we dɔɔle gi ’é kɛlɛzan yɛrama bɛ, ’ka ’bɛ si.

SEBE LÉ JAK A GYE (Épitre de Jacques) 3:7

Bwigiwinu gɔnɔ faa koo, miané gɔnɔ faa koo, tawoplɛlawinu gɔnɔ faa koo, wɛyivawinu gɔnɔ faa koo, tɛrɛlamunu éé bɔalɛ léé, wo wo nɔla bélé fla trubɛ zo, yé wa kɛla a zo webozen nya;

SEBE LÉ JAK A GYE (Épitre de Jacques) 3:9

A nya lé kaa Mizambale, kaa Ti, drɔɔ voo; yé a nya lé kaa bale paan munu lé, Kazambale wo kɛlɛ ébozen zo, wo ma.

1 Jan 5:7

Mi yaa a mawe fé la gi: Ti koo, Dére koo, Léli Sauun koo, woo lé, yé woo mi yaa ’ko wa do.