Wepélisiananu 1:20 - Kazambale lé Sebe Sauunu 1979

²⁰ Kazambale léé: Wi yuɛmalenu ’é kɛlɛ ’yinu va di, yé mianénu ’é si tɛrɛ ta loru la worona.

Wepélisiananu 1:20 ပူးပေါင်းရင်းမြစ်များ

Wepélisiananu 1:14

Kazambale léé: Fɛnakinifɛnu ’é kɛlɛ fɛna pla lé wa laama la, a gi, tu valé béli kinile ékema we gi; ’wo kɛlɛ bléyinu koo, yinu koo, lɛɛnu koo, wo gɔɔnzannu nya ma.

Wepélisiananu 1:19

’Bɛ zo lé nyanadi kɛlɛ yé bladi kɛlɛ; ’bɛ ɛ ke a yi ziɛnzan nya.

Wepélisiananu 1:21

Yé Kazambale pɔ blɛnblɛnnu kɛlɛ, é valé wi yuɛmalenu faa lé woo giéan ’yi va, é wo kɛlɛ kiɛre wo dɔgɔnɔ yɛrama; yé mianénu faa lé wo bɛa ke, é wo kɛlɛ é ziin wo dɔgɔnɔ yɛrama. Kazambale a ye léé, ’bɛ a é zima.

Wepélisiananu 1:22

Kazambale wo drɔɔ vo yé é léé: ’Ka né yaa, ’ka kɛlɛ kiɛre, ’ka fan wɛyi va; yé mianénu ’é kɛlɛ kiɛre tɛrɛ la ma.

Wepélisiananu 1:30

Wi faa lé é ke tɛrɛ la koo, mianénu faa lé é ke la gi koo, fɛ faa lé éé giéan tɛrɛ la, ’té éé flin‐é, wo koo, maa lu drɔɔdrɔɔ faa nɔ wo lɛ wolé fɛblele nya. Yé ’bɛ kɛlɛ a zo.

Wepélisiananu 1:7

Yé ’yinu lé ke fɛna pla ta loru koo, ’yinu lé ke a wuo koo, Kazambale wo kini ékema yé é wo méléna vo é pla.

Wepélisiananu 2:19

Gakelebale tɛrɛ si yé é a kɛlɛ tɛrɛlawinu valé lagi mianénu nya, yé é da wo faa nya gɔnézan va, dé é dan wo laa lɛ fɛan zo, yé é a gi dɔɔ, yé tɔ lé gɔnézan a pa fɛ yuɛmale faa ma, yé é vo wo tɔ nya.

Wepélisiananu 7:21

Fɛnu faané lé éé kɔɔan tɛrɛ la, wo ga. Mianénu koo, flawinu valé bwigiwinu faa koo, winu faa lé woo tawoo ’wo plɛ la tɛrɛ la koo, munu faa koo, wo faa ga.

Wepélisiananu 8:17

Winu lé ke i va, ’i wo faa bɔra. Mianénu koo, flawinu koo, winu lé woo tawoo ’wo plɛ la tɛrɛ la koo, woo faa lé. ’Wo nwɛɛn tɛrɛ la ma. ’Wo né yaa ma, yé ’wo fan tɛrɛ la ma.

1 Minwiinzannu 4:33

É yilinu ma we fe, é sia Liban lé sɛdrɛyili ma fɔɔ yé é bɔ izopéyili lé éé bɔraan flagɔrɔ ma, a ta; winu koo, mianénu koo, ménénu koo, pɔnu koo, é wo ma we fe é ziin.

JOB (Job) 12:9

Wo vazan kyɛn ɛ ’ka a gi dɔɔa ébo ma léé, Gakelebale bɛ ɛ fɛnu faa kɛlɛ loo?

Lɛrɛvɔ Sɛbɛ 148:10

Bwiiwinu valé flawinu faa koo, Tawoo plɛlawinu valé simianénu koo,

Bale Lé We Gifezan 2:21

Naa, mi do nyanama pa wedɔɔle valé gikinile nya, yé a nyian wo a lɛ, yé é élé nyanama ’ko mafɛ vo, mi do lé ’bɛ ’ka a ma nyanama do kpen pa lɛ lo, ’bɛ lɛ. ’Bɛ a é ziin boawe valé wenaané blɛn nya.

Lévinu 11:42

Wi kénénénu faa lé woo giéan tɛrɛ va, dé wo tawo ’wo plɛ laoo, dé wo tawo ’wo mɛn ziɛn taoo, dé wo tawo ’wo mɛn kiɛre laoo, té ka wo do kpen ble lo; naa, ’ka wo ye fɛ naanénu nya.

Lévinu 11:43

Wi kénénénu lé woo giéan tɛrɛ va bɛ, té kabo kɛlɛ naané wo nya lo; té kabo gi sɛrɛ wo nya lo, té kabo tiri dɔ wo nya lo.

Kelewenu 17:25

Yee Bale ’ko mawe ’ka fɛ do kpen gi yé munu a kɛlɛ a lɛ wo bɛ nya lo. Vole é yuɛma koo, flinle koo, fɛ faa koo, yee ɛ wo no fɛ faa lɛ.