Wepélisiananu 1:16 - Kazambale lé Sebe Sauunu 1979

¹⁶ Kazambale fɛnakinifɛ blɛn kɛlɛ fié; é a blɛnzan kɛlɛ yiéyizan nya, yé é a kiénézan kɛlɛ bélizan nya; yé é monénénu kɛlɛ é ziin.

Wepélisiananu 1:16 ပူးပေါင်းရင်းမြစ်များ

Wepélisiananu 1:15

’Wo kɛlɛ fɛnakinifɛnu nya la gi, yé ’wo tɛrɛ ta kini. Yé ’bɛ kɛlɛ a zo.

JOB (Job) 31:26

Dé an yuɛ vɔ yiri yara, Dé an moné bile yéiyéi nagini,

JOB (Job) 38:7

Yé bladi monénénu faa ’wii lɛrɛvɔle ta ginanale nya, ’Té Kazambale benu faa éé siaan ginanale nyaa?

Lɛrɛvɔ Sɛbɛ 148:3

Yiri valé moné, ’ka a tɔ zin fe. ’Kaa monéné bilenu, ’ka a tɔ zin fe.

Lɛrɛvɔ Sɛbɛ 148:5

’Wo Gakelebale tɔ zin fe ma, Naa, é we fe, yé fɛnu kɛlɛ.

Lɛrɛvɔ Sɛbɛ 19:6

Yé yiri a bélé lesizan lé, éé bɔraan élé kɔn gi, a zo, Yé éé ’wiié vlan za kɛlɛle ta nyanazan lé ginanale nya;

Lɛrɛvɔ Sɛbɛ 74:16

Yiéyi a izé nya; béli a izé nya; Bii ɛ san valé yiri kɛlɛ.

Lɛrɛvɔ Sɛbɛ 8:3

Nunukénénénu valé liinénu lé wo ke nyɔ ma, I tɔbɔle éé sié wo ’léé, i mazannu lɔlu lɛ tanle we ma, I nyanézan valé munu lé woo nwaan i ma, wo tadɔle we ma.

Ézai 13:10

Naa, lagi monénénu valé pɔrɔ kunnu monénénu wo ’ka dan bi lɛ é dɛrɛ yé wo wo san ye lo. Dé yiri nwa tɔɔn, ’té gunu dɔra a ta yé moné ’ka dan bi lɛ é dɛrɛ lo.

Ézai 24:23

Yara é dan moné gyɛ lɛ, yaragyɛwe é dan bɔ lɛ yiri ma; naa, lai sunyanu lé Gakelebale é dan pla lɛ munu nwiin Siɔn gɔ la, Jérusalɛm, ’té alé fuasan éé bié planplan alé mi segelenu yuɛ va.

Ézai 40:26

’Ka yuɛ vɔ loru, ’ka nagini, Dé de ɛ fɛ ’konu kɛlɛɛ? De ɛ wo giéna gɔɔn wo lɛɛ? Éé wo faa laan wo tɔ nya; Alé se blɛn valé alé plɛplɛ baba lé we ma lé A do kpen ’ka sié é dɔna lo.

Ézai 45:7

Maa ɛ tu kinié yé maa ɛ gunu dɔraan; Maa ɛ mi vɔa a ma yé maa ɛ mi gya nyané nya; Maa Gakelebale, maa ɛ we ’konu faa kɛla.

Jérémi 31:35

Gakelebale lé, é yiri kɛlɛ yiéyi va‐kinifɛ nya, Yé é moné valé monénénu kɛlɛ léé, ’wo béli va kini bɛ, ’Té éé wɛyi nwaan yé ’té éé wɛyi nwalenu vun wé bɛ, Yee lé a tɔ ke lai sunyanu lé Gakelebale, é we fe.

Abaku 3:11

Ilé sawɔlɛnu lé wa bɔa, É valé ilé dinnu lé wo ta éé bié nyananyana, Wo san lé we ma lé yiri valé moné éé dɔa ’wolé zi ta.

Matio 24:29

Naa, ’bɛ nyanébleyi ’konu zuo tɔɔn, gunu é dan dɔra lɛ yiri yara, yé moné ’ka dan bi lɛ é dɛrɛ lo, yé monénénu é dan si lɛ la gi yé wo dia, yé lanu gi fɛ plɛplɛnu ma é dan nyɔɔn lɛ.

Matio 27:45

É sia yiéyi yiri ma, ’té gunu a é dɔrale tɛrɛ faa la fɔɔ yé é bɔ yiri tɛnlale plɛplɛ ma.

1 Korent munu 15:41

Yiri bile a é yɛrama, yé moné bile a é yɛrama; yé monéné bile a é yɛrama; yé é ziin monéné kenu bile a é yɛrama wo bɔlunu va.

Bélidɔwesɛbɛ Fiézan 4:19

Dé ka yara nwa lai zia, yiri koo, moné koo, monénénu koo, lagifɛ gbaunu bɛ, dé ka wo ye, té ’wo ka sia ana yé ka dia ka bli la wo ’lɛ yé ka wo bɔ lo; dé ka kɛlɛ, ’té ka kabo sɛrɛ. Gakelebale, kalé Bale fɛ ’konu kɛlɛ munu faa lé ke tɛrɛ la, wo faa zé nya.

Wegɔɔnle 21:23

Fla mawe ’ka yiri valé moné gi é ta kinile we gi lo, naa, Kazambale lé fuasan ɛ a ta kinié, yé ’Blané ɛ ke alé sona nya.