Wepélisiananu 1:14 - Kazambale lé Sebe Sauunu 1979

¹⁴ Kazambale léé: Fɛnakinifɛnu ’é kɛlɛ fɛna pla lé wa laama la, a gi, tu valé béli kinile ékema we gi; ’wo kɛlɛ bléyinu koo, yinu koo, lɛɛnu koo, wo gɔɔnzannu nya ma.

Wepélisiananu 1:14 ပူးပေါင်းရင်းမြစ်များ

Wepélisiananu 1:13

’Bɛ zo lé nyanadi kɛlɛ, yé bladi kɛlɛ; ’bɛ ɛ ke a yi yaazan nya.

Wepélisiananu 1:15

’Wo kɛlɛ fɛnakinifɛnu nya la gi, yé ’wo tɛrɛ ta kini. Yé ’bɛ kɛlɛ a zo.

Wepélisiananu 8:22

Fɛvɔbléyi valé fɛgyɛbléyi koo, dunu valé kyɛyee bléyi koo, fɛna ga bléyi valé lɛɛ da bléyi koo, yiéyi valé béli koo, dé tɛrɛ mɔn kaaoo, ’té wo ana, wo glɛ ’ka dɔa lo.

Wepélisiananu 9:13

maa anlé bɔmlɛ pla lati wuo, yé é dan kɛlɛ lɛ maa valé tɛrɛ gi pale do tɔmase nya.

JOB (Job) 25:3

Wo bɔa alé sunya palunu nɔnɔle lɛɛ? Mi kyɛn ta lé alé san ’ka bié loo?

JOB (Job) 25:5

Bé ye, moné boen ’ka bié a yuɛ gi lo, Yé monénénu gi ’ka é bɔle a yuɛ gi lo,

JOB (Job) 3:9

Alé tu kini bléyi va monénénu ta ’é yɔɔ ma, ’É fɛna fu lɛbɛn é pla ma, Té tu é kini a ta lo ma.

Lɛrɛvɔ Sɛbɛ 119:91

Ilé bélidɔwenu yɛrama fɛnu faa ana kyɔ, Naa, fɛnu faa a i wuo.

Lɛrɛvɔ Sɛbɛ 148:3

Yiri valé moné, ’ka a tɔ zin fe. ’Kaa monéné bilenu, ’ka a tɔ zin fe.

Lɛrɛvɔ Sɛbɛ 148:6

É wo dɔ gligli yifaama zé nya, a glɛ ’ka lo. É bélidɔwenu fe wo lɛ, yé é ’ka dan wo sɛrɛ lɛ pelo.

Lɛrɛvɔ Sɛbɛ 150:1

’Ka Gakelebale tɔ zin fe! ’Ka Bale tɔ zin fe alé fɛna sauun na ma. ’Ka a tɔ zin fe la gi, fɛ lé walé plɛplɛ yé na, ana.

Lɛrɛvɔ Sɛbɛ 81:3

’Ka lɛrɛ vɔ, ’ka poo gyɛ yé a dére ’é we, Kɔnɔ lé a dére ke néné, é valé gitaa, ’wo wo gyɛ ma.

Ézai 40:26

’Ka yuɛ vɔ loru, ’ka nagini, Dé de ɛ fɛ ’konu kɛlɛɛ? De ɛ wo giéna gɔɔn wo lɛɛ? Éé wo faa laan wo tɔ nya; Alé se blɛn valé alé plɛplɛ baba lé we ma lé A do kpen ’ka sié é dɔna lo.

Jérémi 10:2

Gakelebale léma: Té ka bɛnnu lé tawobɛ zuosona lo, Té ka lagi tɔmasenu kana pa lo Dɔlé ’té bɛnnu a kanana wo lee.

Jérémi 31:35

Gakelebale lé, é yiri kɛlɛ yiéyi va‐kinifɛ nya, Yé é moné valé monénénu kɛlɛ léé, ’wo béli va kini bɛ, ’Té éé wɛyi nwaan yé ’té éé wɛyi nwalenu vun wé bɛ, Yee lé a tɔ ke lai sunyanu lé Gakelebale, é we fe.

Jérémi 33:20

Gakelebale léma: We lé maa a fe yiéyi lɛ, é valé we lé maa a fe béli lɛ, dé ka bɔa ’bɛ sɛrɛle lɛ, yé té yiéyi valé béli ’ka kɛla é dɛrɛ lo,

Jérémi 33:25

Gakelebale léma: Dé é a kɔɔn lé maa ’ka we fe lɛ yiéyi valé béli lɛ lo, dé é a kɔɔn lé an ’ka lanu valé tɛrɛ béli dɔ lɛ lo,

Ézékiɛl 46:1

Mizan Gakelebale léma: Gɔrɔné ’léé lé ke yirinwanazia, a lɛ ’é vo é tanle nyanama payi suiɛdo nya. Naa, flinyi nya, wo dan a lɛ so lɛ, yé wo dan a lɛ so lɛ moné dɛrɛ bɔrayi nya é ziin.

Ézékiɛl 46:6

Moné dɛrɛ bɔrayi nya, diri boroné do lé, we do ’ka a ma lo, é dan a nɔ lɛ, yee valé ’blané suiɛdo valé ’blagɔné do lé we do ’ka a ma lo, a nya.

Joɛl 2:10

Tɛrɛ ma éé nyɔɔn‐an wo ’lɛ, Lanu ma éé nyɔɔn‐an, Gunu éé dɔraan yiri valé moné yara, Monénénu éé daan bile ma.

Joɛl 3:15

Gunu é dan dɔra lɛ yiri valé moné yara, Yé monénénu é dan daan lɛ bile ma.

Amɔs 5:8

É Pléiade valé Orion monénénu kɛlɛ; Éé gunu ti nɔlaan tukinile nya, Éé fɛnafu kɛla gunu nya béli tanle we gi; Éé wɛyi laan, Yé éé wo sɔɔlaan tɛrɛ la; A tɔ lé Gakelebale.

Amɔs 8:9

Mizan Gakelebale léma: ’Bɛ yi nya, maa dan yiri vɔ lɛ é yiéyi, yé gunu é dan dɔra lɛ tɛrɛ la yiéyi bléyi va;

Matio 2:2

yé wo léé: Né lé wa yaa Juifinu nwiinzan blɛn nya, é a kyɛɛn? Ko alé monéné ye yirinwanazia, amalé ko da a bɔ lɛ.

Matio 24:29

Naa, ’bɛ nyanébleyi ’konu zuo tɔɔn, gunu é dan dɔra lɛ yiri yara, yé moné ’ka dan bi lɛ é dɛrɛ lo, yé monénénu é dan si lɛ la gi yé wo dia, yé lanu gi fɛ plɛplɛnu ma é dan nyɔɔn lɛ.

Maak 13:24

Naa, ’bɛ yinu nya, nyanéblele zuo tɔɔn, gunu é dan dɔra lɛ yiri yara, yé moné ’ka dan bi lɛ é dɛrɛ lo,

WENÉNÉ LÉ LUK A GYE (Évangile selon Luc) 23:45

Yiri yɔɔ yé Balebangikɔn gi sɔ lé wa kɛlɛ kɔnmi nya, a fee bo é méléna.

Bélidɔwesɛbɛ Fiézan 4:19

Dé ka yara nwa lai zia, yiri koo, moné koo, monénénu koo, lagifɛ gbaunu bɛ, dé ka wo ye, té ’wo ka sia ana yé ka dia ka bli la wo ’lɛ yé ka wo bɔ lo; dé ka kɛlɛ, ’té ka kabo sɛrɛ. Gakelebale, kalé Bale fɛ ’konu kɛlɛ munu faa lé ke tɛrɛ la, wo faa zé nya.

Wegɔɔnle 6:12

É zɔrɔkaanyɔɔ suiɛdozan bɔi aan wo, maa a naginina, yé tɛrɛ manyɔɔn blɛn, yé yiri kɛlɛ é ti bélé wikyɛɛ bɔlɔ zo, yé moné yara faa kɛlɛ bélé nyɛ zo,

Wegɔɔnle 8:12

Lanje ziɛnzan béli fɛn yé é yiri fén yaazan diri yé é moné fén yaazan diri, yé é monéné yaa yaa va monéné do do diri, yé fɛna fu ta yuo vɔ sɛ, yé béli gunu taa dɔra.

Wegɔɔnle 9:2

yé é a lɛ so. Kyɛgoi nwa guru ’ko gi, bélé ’furu blɛn lé kyɛgoi zo; yiri valé lagi gunu dɔra guru gi kyɛgoi nya.