Wepélisiananu 1:11 - Kazambale lé Sebe Sauunu 1979

¹¹ ’Bɛ zuo Kazambale léé: Tɛrɛ ’é fɛ kɛlɛ; ziannu lé wo wɔlɛnu éé kɛla wo gi bɛ, wo koo, yilinu lé wo poro éé baan wo dɔgɔnɔ yɛrama, ’té wo wɔlɛ éé kɛla ’wo gi bɛ, wo koo, tɛrɛ ’é wo kɛlɛ. Yé ’bɛ kɛlɛ a zo.

Wepélisiananu 1:11 ပူးပေါင်းရင်းမြစ်များ

Wepélisiananu 1:12

Tɛrɛ fɛ kɛlɛ; ziannu lé wo wɔlɛ éé kɛla wo gi wo dɔbɛ gi, wo koo, yilinu lé woo poro baan, ’té wo wɔlɛ éé kɛla wo gi wobozen dɔbɛ gi, wo koo, tɛrɛ wo kɛlɛ. Yé Kazambale a ye léé, ’bɛ a é zima.

Wepélisiananu 1:29

Yé Kazambale léé: Ka yé loo? Zian faa lé é ke tɛrɛ la, ’té a wɔlɛ éé kɛla a gi, é valé yili faa lé wo poro éé baan, ’té a wɔlɛ éé kɛla a gi, maa a nɔ ka lɛ kalé fɛblele nya.

Wepélisiananu 2:16

Bale, Gakelebale é sɔnné gɔɔn mi lɛ ’ko zo: maa zi nɔ i lɛ léé, i féi yilinu faa poro ble;

Wepélisiananu 2:5

’té féifɛ do kpen ’ka tan tɛrɛ la lo, yé zian do kpen gɔn ’ka tan bɔ lɛ féi lo; Bale, Gakelebale ’ka tan lɛɛ vinin da lɛ tɛrɛ la lo, yé mi do kpen ’ka ana yé ’bɛ féi pa lo, azama.

Wepélisiananu 2:9

Yé Bale, Gakelebale yili gɔnɔ faa si tɛrɛ gi; yili nɔnɔmi lé wo poro ke blefɛ zimanu nya, wo gɔnɔ faa lé; mibéliyili a féi méléna, yé wezin valé wenyané vasiyili ana é ziin.

JOB (Job) 28:5

Tɛrɛ lé éé fɛ dɔa, Éé flian é gi bélé kyɛ lé.

Lɛrɛvɔ Sɛbɛ 1:3

É a bélé yili lé wa suru ’yi lé éé yoroan, a sɔnɔ, ’Té éé poro baan é poro baa bléyi va, ’Té a laanu ma ’ka yuruan monomono lo, a zo: We faa lé éé a kɛla, a nyian é dan wo lɛ a ma.

Lɛrɛvɔ Sɛbɛ 147:8

Yee ɛ la gi sɔɔlaan latinu nya, Yee ɛ lɛɛ dan tɛrɛ la, Yee ɛ lu gɔn bɔa gɔblɛnnu ta.

Ézai 61:11

Naa, tɛrɛ éé fɛ kɛla fɛan zo, Yé zian féi gɔn éé bɔa fɛan zo, A zo duo lé Mizan Gakelebale é dan silewegi valé tɔzinfele bɔra lɛ, Bɛnnu faa yuɛ va.

Jérémi 17:8

É a bélé yili lé wa suru ’yi sɔnɔ, ’Té a suninu éé goo ’yiyoro va, a zo. É ’ka yɛrɛgabléyi gi dɔɔa lo, Yé a laa drɔɔdrɔɔ ’ka nyaan lo. Dé lɛɛ ’ka da lɛ lɛɛan gi lo, é ’ka ’bɛ kana paan lo, Yé a poro baale ’ka sié a nwiin lo.

Matio 3:10

Wo zaa dɔ kɔɔn yili suni ma é kwakwa; bɛwemalé yili faa lé wo ’ka ’wo poro zima baan lo, woo wo bɔié yé woo wo vulian kyɛ va.

Matio 6:30

Bli paan tegele lo zannu. Dé Kazambale éé sɔ zén‐é féi lunu ta ’ko zo, ’té ’bɛnu ke ana kyɔ yé tɛlɛ wo ’bɛnu vulian ’furu gi, é ’ka dan kazé mini lɛ wozé ta loo?

Maak 4:28

Tɛrɛ éé fɛ dɔa é boan, é vinin a gɔn éé bɔa, ’bɛ zuo a nɛnɛ éé kɛla, yé a wɔlɛ éé kɛla a nɛnɛ gi.

1 Korent munu 15:38

yé kɔlɛ lé é sɔ Kazambale lɛ, yee lé éé a no fɛwɔlɛ faa do do lɛ, wo dɔbɛ yɛrama.

Ébrunu 6:7

Dé féi do a, yé lɛɛ da a ta gɔnɔ kiɛre nya, ’té éé wɔraan ana tɛrɛ nya, yé a pazannu tɔnɔ ye a ma di, ’té é a féi lé Kazambale bɛ zin a a ta, a nya.

SEBE LÉ JAK A GYE (Épitre de Jacques) 3:12

An bwenu, bɔrɔyili é bɔaléé, é ɔliviporo baa? Taa, dɔrɔyili é bɔaléé, é bɔrɔyiliporo baa? A zo duo lé ’yibɔna lé, wɛ ke alé ’yi ma, é ’ka bɔaléé, ’é ’yi néné kɛlɛ lo.