Wepélisiananu 1:1 - Kazambale lé Sebe Sauunu 1979

¹ Fɛkɛlɛle pélisia bléyi va, dé Kazambale la valé tɛrɛ kɛlɛ,

Wepélisiananu 1:1 ပူးပေါင်းရင်းမြစ်များ

2 Minwiinzannu 19:15

yé é bazoro Bale lɛ ’ko zo léé: Gakelebale, Izraɛl lé Bale lé é ke é nyanale sérubɛnnu méléna, bii ɛ ke tɛrɛ la bɛnnu faa lé Bale nya, bii do kpen; bii ɛ ke lanu valé tɛrɛ kɛlɛzan nya.

Minwiinzannu lé Wezuofe Sɛbɛ 16:26

Naa, munu lé balenu faa a miyilinu nya, Yé Gakelebale ɛ lanu kɛlɛ.

2 Minwiinmunu lé Wezuofe Sɛbɛ 2:11

Tii munu nwiinzan blɛn Uram a zi pa lɛtrɛ nya yé é a pa zia Salomɔn lɛ. É lé a lɛ léé: Gakelebale lé munu sɔ é lɛ, amalé é i dɔ wo nwiinzan nya.

Néémi 9:6

Bii Gakelebale, lanu koo, la zi lanu valé wolé sunyanu faa koo, tɛrɛ valé é tafɛnu faa koo, wɛyi valé é vafɛnu faa koo, bii do kpen ɛ wo kɛlɛ. Bii ɛ vole é yuɛma nɔ fɛnu ’ko faa lɛ, yé lagi sunyanu éé diaan bii ɛ ’lɛ.

JOB (Job) 26:13

Éé fu fɛɛan yé la é vo drɔɔ A bɛ é so wɛyi va wi blɛn zi.

JOB (Job) 38:4

Dé maa a tɛrɛ gane vɔna bléyian va, ’té i a kyɛɛn? Dé i gi a é kinile, ’bé fe an lɛ.

JOB (Job) 9:8

Éé la fwilaan é do, Éé tawoo wɛyi yuɛ la.

Lɛrɛvɔ Sɛbɛ 102:25

Maa léé: Anzé Bale, bii lé i yi ’léé ’ka lo, Té i an yinu bɔi a ta lo.

Lɛrɛvɔ Sɛbɛ 104:24

Oo Gakelebale, i panyanamanu a di. I wo faa kɛlɛ wedɔɔle nya, Tɛrɛ a é fanle i kɛlɛfɛ zinnu nya.

Lɛrɛvɔ Sɛbɛ 104:30

I flinle paan zia yé i wo kɛlɛ a nya, Yé i tɛrɛ yuɛla kɛla fɛ dɛrɛ nya é ziin.

Lɛrɛvɔ Sɛbɛ 115:15

Gakelebale lé, é la valé tɛrɛ kɛlɛ, ’É ka drɔɔ vo ma.

Lɛrɛvɔ Sɛbɛ 121:2

Mian é dan bɔ lɛ an va, Gakelebale lé, É la valé tɛrɛ kɛlɛ, yee lé.

Lɛrɛvɔ Sɛbɛ 124:8

Gakelebale tɔ éé bɔa ko va, Gakelebale ɛ la valé tɛrɛ kɛlɛ.

Lɛrɛvɔ Sɛbɛ 134:3

Gakelebale lé ke Siɔn, ’Té é la valé tɛrɛ kɛlɛ bɛ, ’é i drɔɔ vo ma.

Lɛrɛvɔ Sɛbɛ 136:5

Bale lé é lanu kɛlɛ gikinile nya, Naa, a nyanai éé zén‐é yifaama.

Lɛrɛvɔ Sɛbɛ 146:6

Yee ɛ la valé tɛrɛ kɛlɛ, Wɛyi valé é vafɛnu faa koo, yee ɛ wo kɛlɛ. Éé yara paan we la yifaama.

Lɛrɛvɔ Sɛbɛ 33:6

Gakelebale dére lanu kɛlɛ, É lagi sunyanu faa kɛlɛ é ’léé fu nya.

Lɛrɛvɔ Sɛbɛ 33:9

Naa, éé we fé, yé a we éé bɔa; Éé dére do fé, yé fɛ éé kɛla.

Lɛrɛvɔ Sɛbɛ 8:3

Nunukénénénu valé liinénu lé wo ke nyɔ ma, I tɔbɔle éé sié wo ’léé, i mazannu lɔlu lɛ tanle we ma, I nyanézan valé munu lé woo nwaan i ma, wo tadɔle we ma.

Lɛrɛvɔ Sɛbɛ 8:4

Lanu lé wo ke i bɛnu panyanama nya koo, Moné valé monénénu lé i wo kɛlɛ koo, dé an gi bɔrɔ wolé we ma,

Lɛrɛvɔ Sɛbɛ 90:2

Gɔblɛnnu bɔrale ’lɛ, ’Té i ’ka tan tɛrɛ valé é tafɛnu kɛlɛ lɛ lo, Lɛɛfaama a glɛ ’ka lo, ’té bii a Bale nya.

Lɛrɛvɔ Sɛbɛ 96:5

Naa, munu lé balenu faa a miyilinu nya, Yé Gakelebale ɛ lanu kɛlɛ.

Fwile 20:11

Lanu valé é gifɛnu koo, tɛrɛ valé é tafɛnu koo, wɛyi valé é vafɛnu koo, Gakelebale wo kɛlɛ yi suiɛdo wuo, yé é flin a yi sɔrafiézan nya; bɛwemalé Gakelebale flinyi drɔɔ vo yé é a pa é yɛrama.

Fwile 31:18

Gakelebale nyaa aan wo wefele nya Moizi lɛ Sinai gɔ nwiin, é wenayefɛ fié nɔ a lɛ, gɔlɛfén nya, ’té Kazambale sɛbɛ gyɛ wo ta ’é bɛnwɔlɛ nya.

Wegɔnévɔlenu 16:4

Gakelebale fɛnu faa kɛlɛ wean ma, é a dɔɔ; dé é a mi naané nyaoo, é ’bɛ kɛlɛ blikyɛdɔyi zé nya.

Wegɔnévɔlenu 3:19

Wedɔɔle nya lé Gakelebale tɛrɛ kɛlɛ, gikinile nya lé é lanu dɔ gligli.

Bale Lé We Gifezan 12:1

Pɛniɛzan, i gi ’é nana ilé pɛniɛ gyɛle gi, ’ibo nɔ ginanale lɛ ilé pɛniɛ la bléyi va, ’i tawo ilé blibɔmazi ta, fɛnu lé i yuɛ bɔ wo ma, ’i go wo zuo; naa, é a lé bé gi dɔɔ léé, Kazambale é dan i laa lɛ weblele i va we gi, we ’konu lé we ma.

Ézai 37:16

Lai sunyanu lé Gakelebale, Izraɛl lé Bale lé é ke é nyanale sérubɛnnu méléna, bii ɛ ke tɛrɛ faa la bɛnnu faa lé Bale nya, bii do kpen; bii ɛ ke lanu valé tɛrɛ kɛlɛzan nya.

Ézai 40:21

Ka ’ka a gi dɔɔa loo? Ka ’ka a gi ’ma lɛ loo? Wo ’ka we ’konu gɔɔn lɛ ka lɛ a pélisia bléyi va loo? Ka ’ka ka gi bɔrɔ lɛ tɛrɛ gane vɔle ma loo?

Ézai 40:26

’Ka yuɛ vɔ loru, ’ka nagini, Dé de ɛ fɛ ’konu kɛlɛɛ? De ɛ wo giéna gɔɔn wo lɛɛ? Éé wo faa laan wo tɔ nya; Alé se blɛn valé alé plɛplɛ baba lé we ma lé A do kpen ’ka sié é dɔna lo.

Ézai 40:28

I ’ka a gi dɔɔa loo? I ’ka a gi ’ma lɛ loo? Bale lé ke ana lɛɛfaama, Gakelebale, Yee ɛ fɛnu faa kɛlɛ fɔɔ tɛrɛ glɛ sina; A wɔlɛi ’ka nyaan a ma lo, yé koi ’ka a gya lo; Wo ’ka a gikinile gi maan lo.

Ézai 42:5

Bale, Gakelebale lé É lanu kɛlɛ, ’té éé wo sɔɔlaan, É tɛrɛ pla alé fɛnu dɔle we ma, É tɛrɛ tamunu vo é yuɛma Yé é flinle nɔ munu lé wo ke tawona tɛrɛ la, wo lɛ. É léma:

Ézai 44:24

I tabozan Gakelebale lé É i ma’lɛrɛle sia i yaabléyi va, é léma: Maa Gakelebale, maa fɛ faa kɛlɛ; Maa lanu fwila an do kpen, An tɛrɛ pla an do kpen.

Ézai 45:18

Gakelebale, Lanu kɛlɛzan, Bale do kpen lé É tɛrɛ kɛlɛ yé é a dɔ gligli, ’Té é a kɛlɛ léé, té ana é vo é pla bɛ lo, ’Té é a kɛlɛ léé, munu éé nyanaan a ta bɛ, yee Gakelebale léma: Maa ɛ ke Gakelebale nya, Bale bɛ do kpen ’ka ana lo.

Ézai 51:13

Yé Gakelebale lé é lanu fwila, ’té é tɛrɛ gane vɔ, ’Té é biibozen kɛlɛ, yé i gi é san ’bɛ maa? Yé yaamitazan lé ke kwa kulina léé, ’é i gyɛ, Mɛmalé i ma é vo nyɔɔnna ’bɛ lé bliflile lee yifaamaa? Yaamitazan lé bliflile a mɛ ɛ nyaa?

Ézai 51:16

Maa an dérenu paan i ’léé, Maa i tabuaan an bɛ furɔ nya. Maa ɛ lanu fwila yé maa ɛ tɛrɛ kɛlɛ, Yé maa ɛ fe Siɔn munu lɛ léé: Ka a anlé munu nya.

Ézai 65:17

Naa, maa dan la dɛrɛ valé tɛrɛ dɛrɛ kɛlɛ lɛ. We kyɛnnu lé wo gié bɛ, wo ’ka dan ’bɛ tɔ fe lɛ é dɛrɛ lo, yé a sele boen ’ka dan dɔ lɛ mi gi é dɛrɛ lo.

Jérémi 10:12

É tɛrɛ kɛlɛ é bɛ plɛplɛ nya; Alé wedɔɔle nya lé é tɛrɛ gane vɔ, É lanu fwila élé gikini nya.

Jérémi 32:17

Aa, Mizan Gakelebale, bé ye, i lanu valé tɛrɛ kɛlɛ ilé plɛplɛ blɛn valé i bɛ plɛplɛ nya; i givuruwe do kpen ’ka lo.

Jérémi 51:15

É tɛrɛ kɛlɛ é bɛ plɛplɛ nya; Alé wedɔɔle nya lé é tɛrɛ gane vɔ; É lanu fwila élé gikinile nya.

Zakari 12:1

Dére lé Gakelebale a fe Izraɛl ma, yee lé ke ’ko. Gakelebale lé é lanu fwila yé é tɛrɛ gane vɔ, yé é léli pa blami gi bɛ, é léma:

Matio 11:25

’Bɛ bléyi va, Jézu kun wefele ma yé é léé: An Ti, Lazan valé Tɛrɛzan, maa i tɔ zin fé léé, i we ’konu yɔɔ Wedɔɔzannu valé ’wuoatazannu ma, yé i wo nagɔɔn nénu lɛ.

Maak 13:19

Yi ’konu lé nyanéblele é dan kɛlɛ lɛ blɛn fɔɔ é sia Kazambale lé tɛrɛkɛlɛ?-?bléyi va fɔɔ é bɔ kyɔ ma, nyanéblele ’ko zoɛ ’ka tan bɔ lɛ lo, yé wo ’ka dan a zoɛ ye lɛ monomono lo.

Kelewenu 14:15

Éé, munu! Mɛmalé ka ke we ’ko zoɛ kɛlɛnaa? Ko é ziin, ko a blaminu nya bélé ka zo. Ko da wenéné ɛ fe lɛ ka lɛ. Ko da we pla lɛ ka lɛ léé, ’ka si fɛ pla ’konu zuo yé ’ka nɔla Bale yuɛmale va. ’Té la koo, tɛrɛ koo, wɛyi koo, fɛnu faa lé ke wo gi koo, é wo kɛlɛ bɛ, yee lé.

Kelewenu 17:24

Bale lé é tɛrɛ valé é tafɛnu faa kɛlɛ, é a Lazan valé Tɛrɛzan nya. É ’ka nyanaan kɔnnu lé mi a dɔa, wo gi lo.

Kelewenu 4:24

’Bɛnu a ’ma aan wo, wo faa ’wo dére bié Kazambale lɛ ékeva yé wo léma: Kozan, la koo, tɛrɛ koo, wɛyi koo, fɛ faa lé ke wo gi koo, bii ɛ wo kɛlɛ.

Rom munu 11:36

A va lé fɛnu faa éé sié; alé we ma lé fɛnu faa ke; yé fɛnu faa a azé nya. ’Wa tɔ bɔ lɛɛfaama, té a glɛ é dɔ lo ma. Amɛɛn.

1 Korent munu 8:6

Naa, duowo, dé é a kozé nya, Bale a do kpen, yee lé ke Tibale nya. A va lé fɛnu faa éé sié; yé kaa a azé nya. Mizan a do kpen, Jézu Krist lé. Alé we ma lé fɛnu faa ke; alé we ma lé kaa ke.

Éfez munu 3:9

yé we lé é ke é yɔɔle yifaama Kazambale lé, é fɛ faa bɔra, a bli gi, Kazambale é dan we ’ko kɛlɛle lɛ sɔɔ lɛ fɛan zo, yé maa wo bɔn‐in kini a nya;

Ébrunu 1:10

Yé é lé é ziin léé: Mizambale, a pélisiana bii ɛ tɛrɛ kɛlɛ, Yé lanu a i bɛ panyanama nya;

Ébrunu 1:2

Naa, sin, bléyi voéla ’ko gi, é we fe kaa lɛ é Be Jézu lɔlu nya. É fɛnu faa nɔ é Be Jézu lɛ ’bɛzé nya yé Jézu nya lé é fɛnu faa kɛlɛ.

Ébrunu 11:3

Blipale nya lé kaa a gi dɔɔ léé, Kazambale tɛrɛ kɛlɛ é dére nya, amalé fɛnu faa lé kaa yé kaa yuɛ nya ’ko, wo ’ka é kyɛn lo, naa, Bale dére ɛ wo bɔra.

Ébrunu 3:4

Dé é a kɔn‐o kɔn‐an nya, mi ɛ dɔ, naa, mian é fɛ faa kɛlɛ, yee lé é ke Kazambale nya.

2 Piɛri 3:5

Munu ’konu gi san we kenu ma wobo yuɛ va; yee lé ke léé, é vinin, lanu valé tɛrɛ ana; Kazambale wo kɛlɛ é dére nya, yé é wo si ’yi va yé é wo kɛlɛ ’yi nya;

1 Jan 1:1

Yee lé é ke ana a pélisia bléyi va fɔɔ kyɔ, yé ko a ’ma, yé ko a ye ko yuɛ nya, yé ko a nagini, yé ko bɛ mane a ma, yee ɛ lé we lé ko ke a fena. Mibélidére lé;

Wegɔɔnle 10:6

yé mi lé é ke é yuɛma lɛɛfaama ’té la valé é gifɛnu koo, tɛrɛ valé é tafɛnu koo, wɛyi valé é gifɛnu koo, ’té é wo kɛlɛ bɛ, é ’bɛzan ’nyɔɔn léé, yi bɛ dɔle ’ka é dɛrɛ lo;

Wegɔɔnle 14:7

É lé dére plɛplɛ nya léé: A bléyi bɔ! Kazambale é dan munu lé we ble lɛ, amalé ’ka kana Kazambale lee ma, yé ’ka a tɔ bɔ ma; la koo, tɛrɛ koo, wɛyi koo, ’yibɔnanu koo, ’ka dia ka bli la wo Kɛlɛzan ’lɛ ma.

Wegɔɔnle 21:6

É lé an lɛ léé: A kɛlɛle nyaa. Maa ɛ ke Alfa valé Oméga nya, we pélisiana valé we ’wuoplana nya. Mian ’yiminilɔrɔ ke a gyɛna, maa dan mivoéyuɛma ’yi’wuo?-?la’yi nɔ lɛ a lɛ é pla.

Wegɔɔnle 22:13

Maa lé ke Alfa valé Oméga nya, a vininzan valé a voélazan nya, we pélisiana valé we ’wuoplana nya.

Wegɔɔnle 3:14

’I sɛbɛ pa Laodisé léglizi lé lanje lɛ zia. ’Bé fe a lɛ léé: Mi lé ke Amɛɛn nya, yarapawela wenayezan bozen nya, Kazambale lé fɛ kɛlɛle pélisiale nya, a dére lé ke ’ko:

Wegɔɔnle 4:11

Kozan, kozé Bale, i fɛnu faa kɛlɛ; ilé blibɔmale nya lé wo ke, yé wa é kɛlɛle, amalé kɛlɛle blɛn koo, tɔbɔle koo, plɛplɛ koo, ilé wo ye yara lé.