Weblezannu 9:15 - Kazambale lé Sebe Sauunu 1979

¹⁵ Léliyiliné a zi pa yilinu lɛ léé: Dé ka bli tegele nya lé é sɔ ka lɛ léé, ka nyɔnɔ zén an nwiin ka nwiinzan nya, ’ka da, ’ka ta yɔɔ an furɔ va; dé ’bɛ kaan lo, kyɛ é dan bɔra lɛ léliyiliné gi yé é Liban lé sɛdrɛyilinu ble.

Weblezannu 9:15 ပူးပေါင်းရင်းမြစ်များ

2 Minwiinzannu 14:9

Yé Izraɛl nwiinzan blɛn Joas we pa Juda nwiinzan blɛn Amasia lɛ zia léé: Liban léliyili we pa Liban lé sɛdrɛyili lɛ zia léé: ’I i lu nɔ an be lɛ a na nya. Yé bwigiwinu lé ke Liban, wo gié yé wo léliyili yéli wo gane nya.

Lɛrɛvɔ Sɛbɛ 104:16

Gakelebale lé yilinu kan ’yi nya, Sɛdrɛyilinu lé é wo suru Liban tɛrɛ la, wo lé.

Lɛrɛvɔ Sɛbɛ 29:5

Gakelebale dére éé sɛdrɛyilinu yélié, Gakelebale dére éé Liban tɛrɛla sɛdrɛyilinu yélié.

Ézai 1:31

Mi plɛplɛ é dan kɛlɛ lɛ bélé ’sapɛɛ zo, yé alé nyanama é dan kɛlɛ lɛ bélé kyɛ flɛnné zo. Wo fiénu kyɛ é dan ble lɛ ékeva yé a dirizan ’ka dan kɛlɛ lɛ ana lo.

Ézai 2:13

Sɛdrɛyilinu faa lé wo ke Liban tɛrɛ la, ’té wo ke é torole é baba, wo koo, sɛnéyilinu faa lé wo ke Bazan tɛrɛ la koo,

Ézai 30:2

Woo goo Éjipiti tɛrɛ la, ’té woo ’ka zi laan an lee lo, vɔle Faraɔn zi we ma, léé, ’é kɛlɛ wo tabinzan nya, yé woo yɔɔna ginian Éjipitimunu bɛ wuo.

Ézai 37:24

I wuozannu dére nya lé i Mizan sɔnɔ Yé bii léé: Anlé goro kiɛre nya lé Maa gɔnu gié Yé an bɔ Liban gɔnu nwiin; Alé sɛdrɛyili grɔgrɔnu koo, Alé siprɛyili nɔnɔmi koo, maa dan wo vɔ lɛ, An dan bɔ lɛ a gɔ voélazan nwiin, An dan bɔ lɛ alé pɔrɔ wɔlɛ gi;

Jérémi Lé Wuvɔ Sɛbɛ 4:20

Mi lé Gakelebale nyɔnɔ zén a nwiin, a pli zi lé ko voo é yuɛma, É vɔ wolé séli gi, Mi lé alé we ma lé ko fé léé: Ko voo é yuɛma a furɔ wuo bɛnnu méléna, yee lé.

Ézékiɛl 19:14

Kyɛ si a kwɛɛ va, Yé é a poronu ble. A bɛ plɛplɛ ’ka é dɛrɛ Yé wo minwiinzan blɛn lé plaminwiin yili kɛlɛ a nya lo. Gyɛbodére lé ke bɛ, yé dére ’ko nya lé wo dan gyɛ bo lɛ.

Ézékiɛl 31:3

Bé ye, Asiri a bélé Liban tɛrɛ la sɛdrɛyili zo; A bɛnu a é nɔnɔmi; A kwɛɛ a é vɔle, a bo a é torole, Yé a zɔ a é torole a bɛ kiɛre méléna.

Daniɛl 4:12

A kwɛɛnu a é nɔnɔmi yé a poronu a di. Munu faa lé fɛblele éé yé a va. Bwigiwinu éé yiaan a furɔ va, yé lagi mianénu ’wo kɔn dɔa a bɛnu ta, yé fɛ yuɛmalénu faa wolé fɛblele yé a va.

OZÉ (Osée) 14:7

Munu é dan nyana lɛ a furɔ va, Yé wo dan ’sa gyɛ lɛ di. Wo gi é dan gyɛ lɛ bélé dɔrɔyili zo, Yé wo tɔ é dan bɔ lɛ bélé Liban nwɛ zo.

Mi Nɔnɔle 21:28

Naa, kyɛ do si Esibɔn, Kyɛnɛnɛ si Sioni lé fla; É Aa‐Moab ble, Munu lé woo nyanaan Aanɔn yuu gɔ torole nwiin, é wo ble.

Matio 13:32

A wɔlɛ kiéné mini fɛwɔlɛ faa ta, naa, dé é toro é a blɛn é mini zianyilinu ta, yé éé kinin‐é yili nya yé mianénu éé dan ’wo kɔn dɔ lɛ a bɛnu ta.

Weblezannu 9:14

Yé yilinu faa lé léliyiliné lɛ léé: ’I da, bii, ’i pla ko nwiin.

Weblezannu 9:16

Sin, ka bli zin valé ka bli tegele nya léé, ka Abimélɛk dɔ ka nwiinzan nyaa? Ka wezin kɛlɛ Jérubaal valé élé kɔngimunu lɛɛ? Wezin lé é a kɛlɛ ka lɛ, ka we kɛlɛ a lɛ ’bɛ yɛramaa?

Weblezannu 9:20

Dé ’bɛ kaan lo, kyɛ ’é si Abimélɛk gi yé é Sisɛm munu valé Milo munu ble ma, yé kyɛ ’é si Sisɛm munu valé Milo lé kɔn gi yé ’é Abimélɛk ble ma.

Weblezannu 9:44

Abimélɛk valé élé palu go zi ’lɛ yé wo dɔ flagɔrɔ ’léé; palu fié baa munu lé ke féi, wo ta, yé wo guli dan wo va.

Weblezannu 9:49

Yé wo faa yilibɛ bɔi do do yé wo go Abimélɛk zuo; wo yilibɛnu pla kɔn plɛplɛ ma yé wa kyɛ ble, yee valé a gi munu nya. ’Bɛ zo lé Sisɛm lé kɔn torole gi munu zamaga wo. Wo mi wuru soru bɔa, gɔné valé lomu nya.