Weblezannu 8:27 - Kazambale lé Sebe Sauunu 1979

²⁷ Jédéɔn éfɔdi do kɛlɛ a nya yé é a pla élé fla, Ofra, ana lé é kinin Izraɛl faa lé pɛnpɛnnégyɛfɛ nya; yé é kɛlɛ Jédéɔn valé élé kɔngimunu kunsan nya.

Weblezannu 8:27 ပူးပေါင်းရင်းမြစ်များ

Lɛrɛvɔ Sɛbɛ 106:35

Wo vɔɔ ’bɛnu nya, Yé ’bɛnu kɛlɛwenu vɔ wo lee.

Lɛrɛvɔ Sɛbɛ 106:39

A zo lé wo ’wobozen tiri dɔ ’wo kɛlɛwenu nya, Yé wo kɛlɛwenu kɛlɛ bélé bɔrɔdɛ le kɛlɛwe zo.

Lɛrɛvɔ Sɛbɛ 73:27

Naa, bé ye, munu lé woo sié i ma baa, woo zamaga woo; Wo faa lé woo sié i va, i dan wo si lɛ ana tata.

Fwile 23:33

Wo ’ka dan nyana lɛ ilé tɛrɛ la lo, dé wo da i nyunu léé, i wenyané kɛlɛ an ma; naa, dé i wolé balenu bɔ é dan kɛlɛ lɛ i kunsan nya.

Fwile 32:4

É wo si wo lee yé é wo zén folibofɛ gi yé é sele yé é wo kɛlɛ diriné nya. Yé wo léé: Izraɛl, ilé bale lé é i fwi Éjipiti tɛrɛ la, yee lo.

Fwile 34:16

dé ka da wo lunu si ka benu nanu nya, yé wo lunu lé woo goo wolé balenu zuo bélé bɔrɔdɛ le éé goo gɔnénu zuo fɛan zo, a zo, dé wo da ka benu sia ana yé wo go wolé balenu zuo, bɔrɔdɛ le éé goo gɔnénu zuo fɛan zo, a zo.

Ézai 8:20

’Ka go bélidɔwe valé wenayedére va, dé ’bɛ ’ka a fe lɛ a zo lo, ’té munu ’ko va ’ka é kinile lo.

Ézékiɛl 7:20

Wo ’wobo tɔ bɔ wo ’lɛrɛfɛ zimanu lé we ma, yé wo ’wolé bozo miyilinu kɛlɛ wo nya, amalé maa dan wo ’lɛrɛfɛnu kɛlɛ lɛ serelebomafɛ nya wo lɛ.

OZÉ (Osée) 2:2

Juda munu valé Izraɛl munu é dan zén lɛ ékeva, yé wo dan ’wo nwiinzan dɔ lɛ, yé wo dan si lɛ luu gi. Jizréɛl lé yi é dan kɛlɛ lɛ yi blɛn nya.

OZÉ (Osée) 3:4

Izraɛlnu é dan mɔn lɛ bééé, ’té wo nwiinzan blɛn ’ka lo, ’té wo ’lɛzan ’ka lo, ’té wo ’ka saraka boo lo, ’té wolé yofoto ’ka lo, ’té wolé éfɔdi ’ka lo, ’té wolé miyilinu ’ka lo.

Bélidɔwesɛbɛ Fiézan 12:5

’Ka a nagini é nyanana, fɛna do lé Gakelebale, kalé Bale é dan a si lɛ ézé nya ka bɛnnu faa va, yé é tɔ pa a ma, ’ka go yee ɛ na.

Bélidɔwesɛbɛ Fiézan 7:16

Bɛnnu faa lé Gakelebale, kalé Bale é dan wo pa lɛ ka lee, ’ka wo gyɛ; té ka nyanai zén wo ta lo, té ka wolé balenu bɔ lo, naa, é dan kɛlɛ lɛ ka kunsan nya, ’bɛzama.

Bélidɔwesɛbɛ Fiézan 7:25

Wolé miyilinu lé ke wolé balenu nya, ka dan wo kyɛ ble lɛ. Té ka bli é bɔ wo ma gɔɔlifu valé wo ma kyan ma lo, té ka a si lo, dé é da kɛlɛ ka kunsan nya; wa bélé bo zo Gakelebale, kalé Bale yuɛ gi.

Weblezannu 17:5

Bale lé kɔn do a Mika ’ko lee. É éfɔdi valé térafimnu kɛlɛ yé é be do pa é yɛrama yé ’bɛ kɛlɛ a lɛ balebanzan nya.

Weblezannu 18:14

Yé gɔné soru lé wo go Lais tɛrɛ nagini lɛ é vinin bɛ, wo lé ’wo bwenu lɛ léé: Ka gi dɔɔ léé, éfɔdi koo, térafim koo, miyili nyaale koo, miyili folile koo, wa kɔnnu ’ko gii? We lé é a lé ka kɛlɛ, ka ye sin.

Weblezannu 18:17

Bléyian va lé balebanzan a kɔn ’léé munu wuru yaa lé gulidanfɛnu ke wo lee, wo va, gɔné soru lé wo go tɛrɛ nagini lɛ é vinin bɛ, wo go yé wo wɔra kɔn gi; miyili nyaale koo, éfɔdi koo, térafim koo, miyili folile koo, wo wo si.

Weblezannu 2:2

yé ’kaa, té ka gi pa do tɛrɛ ’ko la munu va lo, ka dan wolé yobannu zana lɛ. Naa, ka ’ka an dére lɛdɔ lɛ a ma lo. Mɛmalé ka kɛlɛ ’bɛ zoo?

Weblezannu 2:3

Amalé maa lé é ziin léé, maa ’ka dan wo bin lɛ ka ’lɛ lo. Naa, wo dan vo lɛ ka punma yé wolé balenu é dan kɛlɛ lɛ ka kunsan nya.

Weblezannu 6:11

Yé Gakelebale lé lanje da, yé é nyana Ofra térébɛnt yili wuo, ’té ’bɛ ke Abiézɛɛ gɔnɔlazan Joas lé fɛna nya. ’Té a be Jédéɔn a ’sa sunwona dɔrɔ borona, a yɔɔle Madiannu lee we ma.

Weblezannu 6:24

Jédéɔn Gakelebale banna kɛlɛ ’bɛna, yé é a tɔ pa mivodrɔɔ Gakelebale; yé é ana tan kyɔ Ofra, fla lé ke Abiézɛɛ gɔnɔlamunu zé nya, ana.

Weblezannu 8:26

Bɛmakyan lé Jédéɔn a laa, a bɛn kɛlɛ kyansikla wuru sɔraa yɔ soru nya, ’té kyanmoné fotonu koo, tɔnémakyannu koo, sɔ drɔndrɔnnu lé Madian minwiinzannu a zén‐é ’wo ta koo, wo ’ka wo pa lɛ a va lo, yé wolé nyɔgɔmé bɔrɔmafɛnu é ziin, wo ’ka wo pa lɛ a va lo.

Weblezannu 8:28

Izraɛl lé nénu Madiannu tua yé wo ’ka wo ’wuo nwa lɛ é dɛrɛ lo. Yé tɛrɛ vo drɔɔ lɛɛ yɔ fié wuo, Jédéɔn lé tɛrɛla faa gi.