Weblezannu 8:10 - Kazambale lé Sebe Sauunu 1979

¹⁰ Zébak valé Salmuna a Kaakɔɔ yé wolé sunyanu a wo va, wo mi baa sɔrafié mi wuru soru bɔa, wo saa ɛ vo yirinwanazia munu lé sunyanu faa méléna; guli gwɔun soimunu baa yɔ yaa gyɛ.

Weblezannu 8:10 ပူးပေါင်းရင်းမြစ်များ

2 Minwiinzannu 3:26

Moab minwiinzan a ye léé, guli bɛ mini ’é lɛ, é gwɔun soi munu si wuru yaa yɔ soru yé é kwa kuli léé, wo zi pla ’é ’lɛ yé é go Édom minwiinzan va tegele; naa, é ’ka bɔ lɛ a lɛ lo.

2 Minwiinmunu lé Wezuofe Sɛbɛ 13:17

Guliwuo vo Abija valé élé munu lɛ, yé Izraɛl munu va mi kprakpranu baa wurudo yɔ fié wɔlɛ vu ga.

2 Minwiinmunu lé Wezuofe Sɛbɛ 28:6

Rémalia be Pékas mi gyɛ Juda tɛrɛ la yi do kpen nya mi baa yɔ yaa. Wo faa a nyanazannu nya. Wo sɔn vɔ Gakelebale, wo tranu lé Bale ma, azama.

2 Minwiinmunu lé Wezuofe Sɛbɛ 28:8

Izraɛl munu ’wo bwenu mi baa yɔ soru kɛlɛ lunu nya; lomu koo, négɔnénu valé nélomu koo, gulizarafɛ kiɛre koo, wo wo si yé wo go wo nya Samari.

Ézai 37:36

’Bɛ béli duo nya, Gakelebale lé lanje da yé é munu gyɛ Asiri munu lé sɔkɔn dɔna mi baa yɔ ziɛn wɔlɛ vu ta fié, é ta lé mi wuru soru. Munu nwa bladi aan wo, bé ye, migalenu saa lé.

Ézai 9:4

Naa, guli ma sawala faa koo, Guli ma varɔ faa lé wa burula nyɛ va koo, Wo dan wo vɔ lɛ kyɛ va, Yé kyɛ é wo ble.

Weblezannu 20:15

Bɛnjamɛn munu lé wo wo nɔnɔ yi ’ko nya, wa gɔnénu baa vu ta yaa, ’té wa gwɔun dunzannu nya; ’té wo ’ka Gibéa munu vabole wuru yaa yɔ soru nɔnɔ lɛ wo va lo.

Weblezannu 20:17

Wo Izraɛlmunu nɔnɔ é ziin, ’té Bɛnjamɛn munu ’ka wo va lo, yé wa mi baa wuru do, ’té wa gwɔun dunzannu nya, ’té wo faa a gulidanmunu nya.

Weblezannu 20:2

Munu faa nwiinmunu, Izraɛl bɛnnu faa nwiinmunu, wo bɔra a gi Bale lé munu zénle ékeva méléna, mi baa wuru do nya, ’té gwɔun a wo lee.

Weblezannu 20:25

A yi duo nya Bɛnjamɛn munu si Gibéa yé wo da kee lɛ wo nya yé wo Izraɛl mi baa sɔraziɛn dia tɛrɛ la é ziin, ’té wa gwɔunzannu nya.

Weblezannu 20:35

Gakelebale Bɛnjamɛn gyɛ Izraɛl ’lɛ yé Izraɛl munu Bɛnjamɛn munu gyɛ mi baa vu ta fié, mi wuru soru yɔ soru yi ’ko nya, ’té wo faa a gwɔun dunzannu nya.

Weblezannu 20:46

Bɛnjamɛn munu faa lé wo zamaga wo yi ’ko la, wa mi baa vu ta fié mi wuru soru, gwɔun dunzannu nya, nyanazannu nya.

Weblezannu 6:5

Naa, wo da ’wolé trubɛnu valé sɔkɔnnu nya, wo da bélé flɛflɛ zo kiɛre, wo valé ’wolé nyɔgɔménu lé wo ’ka bɔa wo nɔnɔle lɛ lo, wo nya; wo da tɛrɛ sɛrɛle tata we ma.

Weblezannu 7:12

Madiannu koo, Amalɛknu koo, yirinwanazia munu koo, wa é nwɛɛnle gɔ worona bélé gangan gbau zo, yé wolé nyɔgɔménu a bélé wɛyi gɔɔn ma nyéné lé mi ’ka bɔa a nɔnɔle lɛ lo, a zo.

Weblezannu 7:13

Jédéɔn bɔ, yé bé ye, ’té mi do é nyɛgyɛle zuo fé é bɔluzan lɛ. É léé: An nyɛ gyɛ, yé bé ye, sɔnmlén buru do burula Madian lé sɔkɔndɔna; é zun sɔkɔn ma, yé é zana yé é go burulale nya a nya.

Weblezannu 7:22

Mi wuru do yɔ soru béli fɛn é ziin; yé Gakelebale a kɛlɛ léé, wo gwɔun so a gi wo ke ma sɔkɔn gɔrɔ faa gi. Sɔkɔn gi munu fwila fɔɔ Bɛt‐Sita, Séréra vazia, fɔɔ Abɛl‐Méola, Tabat sɔnɔ.

Weblezannu 8:11

Jédéɔn go munu lé woo nyanaan sɔkɔnnu gi, wolé zi ta, Nobas valé Jogbéa yirinwanazia, yé sunyanu lé wo gi a é sanle ’wobo ma, é wo gyɛ.