Weblezannu 7:2 - Kazambale lé Sebe Sauunu 1979

² Gakelebale lé Jédéɔn lɛ léé: I vamunu a kiɛre anlé Madian pale wo lee ma; Izraɛl é dan an tɔ zin fele si lɛ a fele nya léé, ’é bɛ ɛ ’é si we gi.

Weblezannu 7:2 ပူးပေါင်းရင်းမြစ်များ

Wepélisiananu 46:2

Kazambale we fe Izraɛl lɛ nyɛ fla é béli yé é léé: Jakɔb! Jakɔb! Izraɛl lé a lɛ léé: Maa lo.

2 Minwiinmunu lé Wezuofe Sɛbɛ 14:11

Gakelebale Étiopinu gyɛ Azanu valé Judanu ’lɛ, yé Étiopinu vɔ fli gi.

Ézai 10:13

Naa, é léé: An bɛ plɛplɛ nya lé an we kɛlɛ; anlé wedɔɔle nya lé maa a kɛlɛ, naa, maa a ’wuoatazan nya. Maa munu nyanana tɛrɛ fɔnɔ, yé maa wolé fɛwezannu si gla nya, maa minwiinzannu si wolé webleblinnu ta gla nya bélé nyanazan zo;

Ézai 2:11

Mi lé éé mi naginian é yuɛ zuo glan‐un, Bale é dan ’bɛzan ta zana lɛ yé Bale é dan boblɛnzan kɛlɛ lɛ kiéné. ’Bɛ yi la Gakelebale do kpen ɛ dan kɛlɛ lɛ blɛn.

Ézai 2:17

Boblɛnzan é dan kɛlɛ lɛ kiéné yé mi gini é yuɛzuozan ta é dan zana lɛ. ’Bɛ yi la Gakelebale do kpen ɛ dan kɛlɛ lɛ blɛn.

Jérémi 9:23

Gakelebale léma: Té wedɔɔzan ébo tɔ bɔ élé wedɔɔle gi lo; Té mi plɛplɛ ébo tɔ bɔ élé plɛplɛ gi lo; Té fuablezan ébo tɔ bɔ élé fuafɛnu gi lo;

Ézékiɛl 28:17

I nɔnɔmi pli zi i blii boblɛn nya. I zevɔle ilé wedɔɔle gi sɛrɛ, maa i vuli tɛrɛ va, maa i nɔ minwiinzan blɛnnu lɛ, léé, ’wo i sɛrɛle ye.

Ézékiɛl 28:2

Blami be, bé fe Tii nwiinzan lɛ léma: Mizan Gakelebale léma: Ibo kɛlɛ blɛn yé i léé: Maa lé ke Bale nya; maa a é nyanale Bale nyanala blin ta, wɛyi méléna. Naa bii, i a blami nya; i ’ka Bale nya lo, yé ibo lé blibɔmawe yé Bale lé blibɔmawe nya.

Daniɛl 4:30

minwiinzan blɛn we fe yé é léé: Babilɔn blɛn lé maa a pa yé maa anlé fuakɔn dɔ ana anlé gla valé anlé plɛplɛ nya, anlé fua zevɔle we ma, yeean ke ’ko loo?

Abaku 1:16

Amalé éé saraka boo élé séli lɛ, yé éé lasikɔrɔ kyɛ blé élé duɛnu lɛ. Naa, wolé we ma lé éé fɛ nyɔnɔzan blé, ’té alé fɛ a néné.

Zakari 12:7

Gakelebale é dan Juda munu si lɛ we gi é vinin, léé, David lé munu koo, Jérusalɛm munu koo, té wo tɔbɔle mini Juda munu zé ta lo.

Zakari 4:6

Yé é lé an lɛ léé: Dére lé Gakelebale a fe Zorobabɛl lɛ, yee lé ke ’ko: Gakelebale léma: Mi lé plɛplɛ valé mi lé glawe ’ka we kɛla lo; naa, an Léli ɛ we kɛla.

Mi Nɔnɔle 31:4

’Ka mi wuru soru soru si sunya nya Izraɛl bɛnnu faa do do gi.

Rom munu 11:18

té ibo fila vɔ yilibɛnu va lo. Dé i a ibo fila vɔna, ’i we ’ko dɔɔ ma: biian i suni kɛla lo, suni ɛ bii kɛla.

Rom munu 3:27

Bɛwemalé, mibozen tɔbɔwe a kyɛɛn? É ’ka lo. Bélidɔwe kyɛn ma lé é ’ka loo? Bélidɔwe lé mi a kɛla, ’bɛ léé? Gba. Blipale lé bélidɔwe ma lé é ’ka lo.

2 Korɛnt Munu 4:7

Fɛwezan ’ko, é a ko tɛrɛbɔnu gi, léé, munu a gi dɔɔ léé, plɛplɛ boen ’ko éé sié Kazambale va; é ’ka sié ko va lo.

Éfez munu 2:9

Mi ’ka sié we gi é kɛlɛwenu ma monomono lo, té mi do kpen ébo ze vɔ lo we gi.

Bélidɔwesɛbɛ Fiézan 32:27

Naa, an kanaan nyanézan lé sɔnɔ lee, An kanaan léé, dé wo nyanézannu é da ’wo lɔlu plɛn an ma, Yé wa fe léé, ko bɛ a plɛplɛ, Yé ’té Gakelebale an, ’bɛ we ’konu faa kɛlɛ lo.

Bélidɔwesɛbɛ Fiézan 8:17

Té ka fe ka bli gi léé, ’wolé plɛplɛ valé ’wo bɛ plɛplɛ ma lé ’wo fua ’ko ble lo.

Bélidɔwesɛbɛ Fiézan 8:18

Gakelebale, kalé Bale sele é dɔ ka gi ma; naa, yee ɛ pa ka ta yé ka kɛlɛ fuablezannu nya. É a kɛlɛ, gipawe lé é a kɛlɛ ébo ’nyɔɔnle nya ka tranu lɛ, a dɔle gligli we ma, fɛan zo lé é a kɛlɛ kyɔ ’ko, a zo.

SEBE LÉ JAK A GYE (Épitre de Jacques) 4:6

Naa, Kazambale éé zin taa kɛla kaa lɛ, bɛwemalé Kazambale lé sɛbɛ léé: Kazambale éé dɔa boblɛnmunu ma plɛplɛ; Naa, éé zin kɛla bokiénémunu lɛ.

1 Samuɛl 14:6

Jonatan lé pɛniɛ lé éé alé gulidanfɛnu kɔné sié, a lɛ léé: ’I da ’ko go fɔɔ yé ko bɔ ganedɔlozannu ’konu lé gulimabɛnna. Dé Gakelebale é dan pa lɛ ko vaa? Naa, dé munu a kiɛreoo, dé munu ’ka kiɛre looo, Gakelebale é bɔalɛ yé é munu si we gi wo nya.