Weblezannu 7:11 - Kazambale lé Sebe Sauunu 1979

¹¹ We lé wo dan a fe lɛ i dan a ’ma lɛ yé ’bɛ zuo i bɛ é dan dɔ lɛ plɛplɛ, amalé ’i zun sɔkɔndɔna. É zun é wuozan Pura nya é va fɔɔ yé é bɔ sɔkɔn vinin ma.

Weblezannu 7:11 ပူးပေါင်းရင်းမြစ်များ

Wepélisiananu 24:14

Dé maa fe blɛnzan‐an lɛ léé, ilé zanté, ’ilé ’yibɔ tua yé maa ’yi mini, yé é a zi pa léé, ’i ’yi mini yé maa dan ’yi nɔ lɛ é ziin ilé nyɔgɔménu lɛ, ’bɛ blɛnzan ’é kɛlɛ blɛn lé bé si a va i wuozan Izak zé nya, a nya. ’Bɛ nya lé maa dan a gi dɔɔ lɛ léé, i wezin kɛlɛ anzan lɛ.

Ezidras 6:22

Yi sɔrafié wuo, buru lé lévɛn ’ka a va lo, walé fɛti kɛlɛ yé wo gi nana. Naa, Gakelebale wo fan ginanale nya é baba; é Asirinu nwiinzan blɛn kɛlɛ wo ma é zima, yé é bɔ wo va Izraɛlnu lé Bale lé kɔn dɔ nyanama nya.

Néémi 6:9

Munu ’ko a a va léé, wo kana zén ko gi, yé wa fena léé, wo fuu é dan si lɛ wo ta, yé wo ’ka dan nyanama ’ko lɛ sɔɔ lɛ é dɛrɛ lo. Sin, oo Bale, ’i plɛplɛ nɔ an lɛ.

Fwile 13:18

Naa, Kazambale go wo nya bwi gi zia, Wɛyi Sɔɔn vazia. Izraɛl lé nénu si Éjipiti tɛrɛ la gulidanfɛnu nya wo lee.

Éfez munu 3:16

’é Léli wɔra kabozen nya bélé nyɔnɔbɔ zo, yé ka dɔ gligli boenwo alé fuasan yɛrama ma;

Éfez munu 6:10

We pɔné lé é ke ’ko: ’ka dɔ gligli Mizan gi, alé plɛplɛ lé a glɛ ’ka lo, a nya.

Filip munu 4:13

Krist lé é an dɔ plɛplɛ, an bɔa we faa kɛlɛle lɛ alé plɛplɛ nya.

Weblezannu 7:10

Dé i a kanana zunle ma, ’ka go i wuozan Pura nya.

1 Samuɛl 14:12

Yé gulimabɛnna munu lé Jonatan valé élé gulidanfɛnu kɔné sizan lɛ léé: ’Ka da loru ko va, yé ko we do nagɔɔn ka lɛ. Jonatan lé élé gulidanfɛnu kɔné sizan lɛ léé: ’I da an zuo, naa Gakelebale wo pa Izraɛl lee.

1 Samuɛl 23:16

Saul be Jonatan nwa yé é go David va pɔrɔ gi. É ’bɛlé bli pale Bale gi taa gi gyɛ,

1 Samuɛl 26:6

David we fe Éti mi Asimélɛk valé Joab zuan Séruja be Abisai lɛ, yé é léé: É sɔ mi kyɛn lɛ léé, é go an va tɛrɛ zia Saul lé sɔkɔn dɔnaa? Yé Abisai léé: Maa lé, maa dan go lɛ i va.