Weblezannu 7:1 - Kazambale lé Sebe Sauunu 1979

¹ Jérubaal lé ke Jédéɔn nya, é nwa bladi tutu, yee valé é vamunu faa nya, yé wo sɔkɔnnu dɔ Arod ’yibɔna sɔnɔ. ’Té Madian lé sɔkɔnnu a é dɔle Jédéɔn lé yirinwana bɛbolazia, Moré gɔ vazia, gɔ worona.

Weblezannu 7:1 ပူးပေါင်းရင်းမြစ်များ

Wepélisiananu 12:6

Abram gié ana tɛrɛ la fɔɔ yé é bɔ fɛ lé wana tɔ laama Sisɛm, ana, fɔɔ fɛna dégélé lé wana tɔ laama Moré, ana. Kanaan munu ana ’bɛ bléyi va yee tɛrɛ ’ko la.

Wepélisiananu 22:3

Abraam nwa bladi tutu, é nyanatafɛ pla élé sokofale punu yé é ’é wuomunu fié valé é be Izak si. É kyɛ fén gyɛ balebanwi kyɛblele we ma yé wo nwa yé wo go fɛ lé Kazambale a fe a lɛ, ana.

2 Samuɛl 23:25

Arod mi Saama a do. Arod mi Élika a do.

Lɛrɛvɔ Sɛbɛ 83:9

Asirinu é ziin, wo pa wo va, Woo ’wo bɛ bɔa Lɔt lé nénu va. Ka ye do.

Bale Lé We Gifezan 9:10

Nyanama faa lé i wo yé, ’i wo pa ilé plɛplɛ nya; naa, i a gona fɛana, migalenu nyanana bɛ, wekɛlɛle koo, ’wuo gi bɔrɔle koo, gikinile koo, wedɔɔle koo, wo ’ka ana lo.

Bélidɔwesɛbɛ Fiézan 11:30

Gɔ ’konu a Juudɛn yuu zi, zi lé é go yirivɔnazia, a zuo. Kanaan munu lé woo nyanaan fɛna pɛblɛɛna, Gilgal yara, sɛnéyilinu lé ke Moré, wo sɔnɔ, wa wolé tɛrɛ la.

Jozué 3:1

Jozué nwa bladi tutu yé yee valé Izraɛl lé nénu faa si Sitim. Wo bɔ Juudɛn yuu ma, yé wo nyana ana fɔɔ yé wa kini.

Jozué 6:12

Jozué nwa bladi tutu, yé Balebanzannu go Gakelebale lé gipakɛsu nya.

Weblezannu 6:32

Yi ’ko nya wo tɔ pa Jédéɔn ma Jérubaal, ’bɛ gi léé, Baal ’ébo zé fe ma, é a banna sɛrɛ, azama.

Weblezannu 6:33

Madiannu faa koo, Amalɛknu koo, yirinwanazia munu koo, wo faa zén ékeva; wo Juudɛn kini yé wo sɔkɔnnu dɔ Jizréɛl gɔ worona.

Weblezannu 6:40

Yé Bale a kɛlɛ ’bɛ zo é béli ’ko nya. ’Blakyɛɛ do kpen vo é gale yé fli vɔ tɛrɛ faa ta.

Weblezannu 8:29

Joas be Jérubaal go ’wo va yé é nyana élé kɔn gi.

1 Samuɛl 12:11

Yé Jérubaal koo, Bédan koo, Jɛfeté koo, Samuɛl koo, Gakelebale wo pa zia, yé é ka si ka nyanézannu lee yé ka vo drɔɔ.

1 Samuɛl 29:1

Filisitinu wolé sunyanu zén ékeva Afɛk yé Izraɛl nyana Jizréɛl ’yibɔna sɔnɔ.