Weblezannu 6:5 - Kazambale lé Sebe Sauunu 1979

⁵ Naa, wo da ’wolé trubɛnu valé sɔkɔnnu nya, wo da bélé flɛflɛ zo kiɛre, wo valé ’wolé nyɔgɔménu lé wo ’ka bɔa wo nɔnɔle lɛ lo, wo nya; wo da tɛrɛ sɛrɛle tata we ma.

Weblezannu 6:5 ပူးပေါင်းရင်းမြစ်များ

Wegɔné Ma Lɛrɛ 1:5

Jérusalɛm lomu, maa a é ti, naa, duowo maa a é nɔnɔmi Bélé Kédaa lé sɔkɔnnu zo, bélé Salomɔn nyanawuo furɔ zo.

Ézai 13:20

Mi ’ka dan nyana lɛ ana é dɛrɛ monomono lo. Munu ’ka dan kɛlɛ lɛ ana é dɛrɛ monomono lo. Arabunu ’ka dan wolé sɔkɔnnu dɔ lɛ ana lo. ’Blatabinmunu ’ka dan ’wolé trubɛnu yii lɛ ana lo.

Ézai 60:6

Nyɔgɔmé kiɛre é dan kɛlɛ lɛ ilé tɛrɛ la, Nyɔgɔménu lé wo si Madian valé Éfa, woo lé. Wo dan si lɛ Séba tɛrɛ la, Wo ta kɔné lé ke kyan valé lasikɔrɔpo nya. Yé wo dan Gakelebale tɔ ma gyɛ lɛ.

Jérémi 46:23

Gakelebale léma: Wa alé pɔrɔ gi yilinu vɔna, Dɔlé ’té a gi gunu a; Naa, wo ’léé éé giéan gangannu ta, Wo ’ka bɔa wo nɔnɔle lɛ lo.

Jérémi 49:29

Wo dan wolé sɔkɔnnu valé wolé trubɛnu si lɛ, yé wolé sɔkɔnnu koo, wolé nyɔgɔménu koo, wo dan wo si lɛ yé wo dan siaa lɛ wo zi fɛfaana, yé siaalenu ’ko é dan wo zuru va nyɛ kini lɛ.

Jérémi 49:32

Wolé nyɔgɔménu é dan kɛlɛ lɛ gulizara nya, yé wolé trubɛ kiɛrenu é dan kɛlɛ lɛ ’wiiatafɛ nya. Munu lé woo puomagun boo é sun nya, maa dan wo faa kini lɛ ékema, yé maa dan wo nyanézannu bɔra lɛ wo zi fɛfaana, yé wo dan wolé fla vo lɛ é ’bin nya. Maa Gakelebale ɛ ke a fena.

Jérémi 51:14

Lai sunyanu lé Gakelebale ébo ’nyɔɔn léé: Iin, maa dan i nyanézannu fan lɛ bélé gangannu zo, yé wo dan nwa lɛ i ma gulidan siaalenu nya.

Bélidɔwesɛbɛ Fiézan 28:33

Bɛn lé ka ’ka wo dɔɔa lo, wo dan kalé féifɛnu ble lɛ yé wo dan ka panyanama faa mafɛ ble lɛ, yé wo dan yaa lɛ ka ta yé wo dan ka zɔn lɛ yifaama.

Weblezannu 7:12

Madiannu koo, Amalɛknu koo, yirinwanazia munu koo, wa é nwɛɛnle gɔ worona bélé gangan gbau zo, yé wolé nyɔgɔménu a bélé wɛyi gɔɔn ma nyéné lé mi ’ka bɔa a nɔnɔle lɛ lo, a zo.

Weblezannu 8:10

Zébak valé Salmuna a Kaakɔɔ yé wolé sunyanu a wo va, wo mi baa sɔrafié mi wuru soru bɔa, wo saa ɛ vo yirinwanazia munu lé sunyanu faa méléna; guli gwɔun soimunu baa yɔ yaa gyɛ.

Weblezannu 8:21

Zébak valé Salmuna léé: Biibozen é nwa yé ’i ko gyɛ. Naa, gɔné a fɛan zo, a zo lé alé plɛplɛ ke. Yé Jédéɔn nwa yé é Zébak valé Salmuna gyɛ. ’Bɛ zuo, kyanmoné foto lé ke wolé nyɔgɔménu bɔrɔ ma, é wo si.

1 Samuɛl 30:17

David wo gyɛle sia tu kini bléyi va fɔɔ ’bɛ é tu kini yiri vɔle nya, yé wo va mi do kpen ’ka si lɛ we gi lo, ’té dé é ’ka pɛniɛ wuru fié lé wo vɔ nyɔgɔménu punu yé wo vlan buru, wo nya lo.