Weblezannu 6:4 - Kazambale lé Sebe Sauunu 1979

⁴ Wo ’wolé sɔkɔnnu dɔ wolé fla ’lɛ, yé wo wolé féifɛnu sɛrɛ fɔɔ yé é bɔ Gaza, yé fɛblele koo, ’blanu koo, dirinu koo, sokofalenu koo, wo ’ka wo do kpen vo lɛ Izraɛlnu lee lo.

Weblezannu 6:4 ပူးပေါင်းရင်းမြစ်များ

Wepélisiananu 10:19

Kanaannu lé tɛrɛ glɛ pélisia Sidɔn, yé é gié Géraa vazia fɔɔ Gaza, yé a pélisia é ziin Sɔdɔm yé é gié Gɔmɔɔ koo, Adima koo, Séboim koo, wo vazia fɔɔ Lésa.

Wepélisiananu 13:10

Lɔt é yuɛ vɔ, yé é Juudɛn yuu lé fɛna pɛblɛɛ ye, ’té ’yi yoro ana di. ’Té Kazambale ’ka tan Sɔdɔm valé Gɔmɔɔ kyɛ ble lɛ lo; ana a bélé Gakelebale lé féi zo. É a bélé Éjipiti tɛrɛ la zo fɔɔ é bɔ Soaa.

Wegɔnévɔlenu 28:3

Nyanégyɛzan lé éé nyané paan tɔnanénu ta, é a bélé lɛɛ plɛplɛ lé éé fɛnu sɛra, a zo.

Jérémi 5:17

É dan kalé féifɛnu valé kalé buru ble lɛ; é dan ka benu valé ka lunu kulu ga lɛ; é dan kalé ’blanu valé kalé dirinu ble lɛ; é dan kalé dɔrɔféinu valé kalé bɔrɔféinu ble lɛ; yé kalé nyanamunu lé flanu lé ka ke é pale wo ta, wo dan wo sɛrɛ lɛ tata.

Lévinu 26:16

we lé maa dan a kɛlɛ lɛ ka lɛ, yee lé ke ’ko. Maa dan kana blɛn zén lɛ ka gi, yé maa dan ka gyɛ lɛ fuunégyɛ valé kɔlɛkyɛdɔgyɛ nya, yé ka yuɛi é dan zun lɛ yé ka boen é dan kle ble lɛ; ka dan fɛ vɔ lɛ kalé féi é pla; ka nyanézannu é dan a ble lɛ.

Abudias 1:5

Dé kyeenwozannu valé ’wiiéfɛtazannu da i va é béli, Fɛ lé é wozé bɔ, wo ’ka dan a si lɛ loo? Dé dɔrɔporo sozannu da ilé féi Wo ’ka dan a gɔ ma vo lɛ i lɛ loo? Wo nyanainyawe bɔ i ma ’lɛ.

Misé 6:15

Ka dan fɛ vɔ lɛ yé ka ’ka dan a gyɛ lɛ lo; ka dan ɔlivinyɔnɔ kɛlɛ lɛ yé ka ’ka dan nyɔnɔ gié lɛ ka ma lo. Ka dan dɔrɔ boro lɛ yé ka ’ka dan a ’yi mini lɛ lo.

Bélidɔwesɛbɛ Fiézan 28:33

Bɛn lé ka ’ka wo dɔɔa lo, wo dan kalé féifɛnu ble lɛ yé wo dan ka panyanama faa mafɛ ble lɛ, yé wo dan yaa lɛ ka ta yé wo dan ka zɔn lɛ yifaama.

Bélidɔwesɛbɛ Fiézan 28:51

Wo dan kalé trubɛnénu valé kalé féifɛnu ble lɛ ka lee fɔɔ yé ka kulu é ga; ’sa koo, dɔrɔ’yi vinin koo, nyɔnɔ koo, dirinu valé ’blanu valé bolinu fanle koo, wo ’ka dan a do kpen vo lɛ ka lee lo, fɔɔ yé ka zamaga wo.

Weblezannu 6:3

Dé Izraɛl ’sa vɔ faa, Madian koo, Amalɛk koo, yirinwanazia munu koo, wo nwa yé wo da guli dan lɛ Izraɛl va.