Weblezannu 6:34 - Kazambale lé Sebe Sauunu 1979

³⁴ Gakelebale Léli a é zénle Jédéɔn ta bélé sɔ zo; é béli fɛn yé Abiézɛɛnu da a zuo.

Weblezannu 6:34 ပူးပေါင်းရင်းမြစ်များ

Minwiinzannu lé Wezuofe Sɛbɛ 12:18

Amasai lé ke sunyanu nwiinzan blɛn do nya, Léli a kun yé é léé: David, ko a izé nya, Izai be, ko a i va. ’I vo drɔɔoo, ’i vo drɔɔ, yé munu lé wo bɔ i va, ’wo vo drɔɔ, naa, ilé Bale bɔ i va. Yé David wo si yé é wo pa sunyanu nwiinzannu va.

Minwiinzannu lé Wezuofe Sɛbɛ 12:19

Manasé munu pa David va, bléyian va lé é a gona gulidanna Saul va, yee valé Filisitinu nya, ’bɛ bléyi va. Naa, wo ’ka bɔ lɛ Filisitinu va lo; naa, Filisitinu va mi blɛnnu wo ke va we ble, yé wo David diéra a fele nya léé: Ko ’wuo nya‐an é dan é péli vɔ lɛ ézan va é ziin loo?

2 Minwiinmunu lé Wezuofe Sɛbɛ 24:20

Bale Léli Balebanzan Jéojada be Zakari kun; yé é bɔra a gi munu ’lɛ yé é lé wo lɛ léé: Kazambale léma: Mɛmalé ka Gakelebale lé bélidɔwe sɛrɛɛ? Kalé we va ’ka dan gyɛ lɛ lo; naa, ka sɔn vɔ Gakelebale ma, yé é dan ’é sɔn vɔ lɛ ka ma.

Lɛrɛvɔ Sɛbɛ 51:11

’I anlé wenyanénu si ana, ’I anlé weplenu faa fwi.

Mi Nɔnɔle 10:3

Dé wo béli fɛn bléyian va, é a lé munu faa ’é zén ékeva i punma, zén‐ékevasɔkɔn ’léé.

Rom munu 13:14

Naa, ’ka nɔla Mizan Jézu Krist nya brɔkɔɔ; té ’ka ka dɔbɛ kyɛn lé gibɔrɔ pa lo, alé blibɔmawenu kɛlɛle we gi lo.

Galasi munu 3:27

Ka faa lé wo ka batizéwo Krist gi, ka Krist zén ka ta sɔ zo.

Jozué 17:2

Wo Manasé benu koɛnu zé nɔ ’munnu zunle nya, wo gɔnɔla ma gɔnɔla ma; Abiézɛɛ benu koo, Élɛk benu koo, Azriɛl benu koo, Sisɛm benu koo, Éfɛɛ benu koo, Sémida benu koo, wa nɔ wo ɛ lɛ. Jozɛfu be Manasé lé négɔnénu lé ke bɛ, wo gɔnɔla ma gɔnɔla ma.

Weblezannu 13:25

Yé Gakelebale Léli kun we kɛlɛle ma a nya Masané‐Dan, Soréa valé Esitaol méléna.

Weblezannu 14:19

Gakelebale Léli a kun yé é go tɛrɛ zia Azkalɔn. É mi yɔ do wɔlɛ vu gyɛ ana yé é wo poro yé é wolé sɔnu nɔ munu lé wo alé tɔraléé gi fe, wo lɛ. A bli fli, yé é go loru é ti lé kɔn ’léé.

Weblezannu 15:14

Wo bɔ Lési aan wo, Filisitinu da a si lɛ zia siaale nya. Yé Gakelebale Léli a kun. Balenu lé ke a bɛ ma, wo kɛlɛ bélé wa kyɛ ble, a zo, yé wo si a bɛ ma yé wo dia.

Weblezannu 3:10

Gakelebale Léli a a ta. É kinin Izraɛl lé weblezan nya, yé é go guli dan lɛ. Gakelebale Mézopotami nwiinzan Kusan‐Riséataim pa a lee, yé a bɛ plɛplɛ mini Kusan‐Riséataim lɛ.

Weblezannu 3:27

É bɔ ’bɛna tɔɔn, é béli fɛn Éfraim gɔ ma. Yee valé Izraɛl lé nénu gɔ zun, ’té é a wo ’lɛ.

Weblezannu 6:11

Yé Gakelebale lé lanje da, yé é nyana Ofra térébɛnt yili wuo, ’té ’bɛ ke Abiézɛɛ gɔnɔlazan Joas lé fɛna nya. ’Té a be Jédéɔn a ’sa sunwona dɔrɔ borona, a yɔɔle Madiannu lee we ma.

Weblezannu 8:2

Jédéɔn a zi pa wo lɛ léé: Mɛ we lé maa a kɛla yé ’bɛ mini kazé taa? Éfraim lé ’sagɔi fila vɔle ’ka mini lɛ Abiézɛɛ lé ’sazun ta loo?

1 Samuɛl 10:6

Gakelebale Léli é dan i kun lɛ, i dan balelawe fe lɛ wo va, yé i dan nɔla lɛ mi bɛ nya.

1 Samuɛl 11:6

Saul we ’konu ’ma tɔɔn, Bale Léli a kun yé a bli fli é baba.

1 Samuɛl 13:3

Filisitinu sunyanu palu do lé ke Géba, Jonatan bɛ mini wo lɛ, yé Filisitinu a ’ma. Saul léé, ’wo béli fɛn tɛrɛ faa la, a fele nya léé: Ébrunu, ’ka tɔné dɔ ma.

1 Samuɛl 16:14

Gakelebale Léli si Saul ta yé léli naané do lé Bale a pa zia, é nyané pa Saul ta.