Weblezannu 6:2 - Kazambale lé Sebe Sauunu 1979

² Sole Madian lee lé we ma Izraɛl lé nénu go gɔmagurunu gi koo, gɔlɛkoronu gi koo, gɔlɛ plɛplɛnu koo, wo na.

Weblezannu 6:2 ပူးပေါင်းရင်းမြစ်များ

JOB (Job) 30:6

Woo nyanaan gɔworona naanénu na, ’Bɛ valé gɔmaguru valé gɔlɛkoronu gi;

Jérémi 41:9

Munu lé Ismaɛl wo gyɛ Gédalia sɔnɔ bɛ, é wo galenu faa vɔ ’yiguru do gi. Aza yee ’yiguru ’ko bo bléyian va lé é ke kana Izraɛl munu nwiinzan blɛn Baésa lee, a bléyi va. Yee ’yiguru lé Nétania be Ismaɛl a fan migalenu nya.

Jérémi 48:28

’Kaa Moab munu, ’ka sɔn vɔ flanu ma, yé ’ka nyana gɔlɛnu méléna; ’ka kɛlɛ bélé plalanu lé, woo ’wolé kɔnnu dɔa gɔlɛ worona gɔ ma, wo zo.

Lévinu 26:17

Maa dan dɔ lɛ ka ma yé ka nyanézannu é dan ka kele lɛ; ka zapamunu é dan pla lɛ ka nwiin, yé ka dan boavlan buru lɛ, ’té mi do kpen ’ka ka zuo lo.

Ébrunu 11:38

a yara ’ka tɛrɛlamunu yara léé, blipamunu ’é vo wo va lo; wo kɛlɛ nɔɔzannu nya bwinu gi valé gɔnu nwiin, wo vo gɔlɛkoronu valé gurunu gi.

Wegɔɔnle 6:15

Tɛrɛ la minwiinzannu koo, mi blɛnnu koo, sunyanwiinzannu koo, fuablezannu koo, vanu koo, luunu faa valé minénu koo, wo yɔɔ gɔmagurunu gi, é valé gɔlɛ blɛnblɛnnu méléna.

Weblezannu 10:8

Wo nyané pa Izraɛl lé nénu ta yé wo wo pun bo ’bɛ lɛɛ ’ko gi, yé wa kɛlɛ Izraɛl lé nénu faa lé ke Juudɛn zi, Amorénu lé Galaad tɛrɛ la, wo lɛ, lɛɛ vu ta sɔraa wuo.

Weblezannu 10:9

Amɔn benu Juudɛn kini guli danle we gi é ziin Judanu koo, Bɛnjamɛnnu koo, Éfraim munu koo, wo va. Yé Izraɛl kɛlɛ we tɔntɔn blɛn gi.

Weblezannu 6:3

Dé Izraɛl ’sa vɔ faa, Madian koo, Amalɛk koo, yirinwanazia munu koo, wo nwa yé wo da guli dan lɛ Izraɛl va.

1 Samuɛl 13:6

Wo wo tunu yé Izraɛl munu a ye léé, guli bɛ mini wo lɛ, yé wo yɔɔ gɔmagurunu gi koo, yilinénu kwɛɛ gi koo, gɔlɛnu méléna koo, zéiinnu gi koo, ’yigurunu gi koo, wona.

1 Samuɛl 14:11

Wo fiénu wobo ta bɔra Filisitinu lé gulimabɛnna yé Filisitinu léé: Ka yua, Ébrunu bɔra wo yɔɔna gurunu gi.