Weblezannu 6:12 - Kazambale lé Sebe Sauunu 1979

¹² Gakelebale lé lanje bɔra a va yé é léé: Gakelebale a bii, nyanazan baba, va.

Weblezannu 6:12 ပူးပေါင်းရင်းမြစ်များ

Fwile 3:12

Kazambale léé: Maa dan kɛlɛ lɛ i va; dé i munu si Éjipiti tɛrɛ la ka dan Kazambale bɔ lɛ gɔ ’ko nwiin; ’bɛ dan kɛlɛ lɛ tɔmase nya i lɛ léé, maa ɛ i nwunvɔ.

Matio 1:23

Bé ye, blɛn lé gɔné ’ka tan a dɔɔ lɛ le nya lo, é dan bɔn si lɛ yé é dan négɔné do yaa lɛ. Wo dan a tɔ pa lɛ Emanuɛl, ’bɛ gi léé, Bale a ko va.

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

WENÉNÉ LÉ LUK A GYE (Évangile selon Luc) 1:11

Yé Mizambale lé lanje do bɔra Zakari yuɛ va yé é dɔ fɛana lé lasikɔrɔ kyɛ éé blé, ana bɛyilazia.

WENÉNÉ LÉ LUK A GYE (Évangile selon Luc) 1:28

Lanje wɔra a va yé é léé: An we bii lé, Mizambale zin kɛlɛ i lɛ, i va. Mizambale a i va.

Bélidɔwesɛbɛ Fiézan 20:1

Dé ka guli dan ka nyanézannu va, yé ka wisoonu valé goronu ye, yé ka léé, wo kiɛre mini ’wo ta, té ka kana wo lee lo; naa, Gakelebale, kalé Bale lé é ka si Éjipiti tɛrɛ la, é a ka va, azama.

Jozué 1:5

Mi do kpen ’ka dan dɔ lɛ i’lɛ i yuɛma bléyi faa va lo. Maa dan kɛlɛ lɛ i va, fɛan zo lé maa kɛlɛ Moizi va, a zo; maa ’ka dan i vo lɛ i do lo, maa ’ka dan daan lɛ i ma lo.

Jozué 1:9

Maa ’ka a fe lɛ i lɛ léé, ’ibo dɔ gligli yé i bli ta dɔ plɛplɛ, loo? Té i kana lo; té i gi nyɛ ’é kini lo, naa, Gakelebale, ilé Bale a i va, we faa lé i dan a kɛlɛle pélisia lɛ, a gi.

Weblezannu 11:1

Galaadzan Jɛfeté a blitaplɛplɛ nyanazan nya. É a bɔrɔdɛ le be nya yé Galaad ɛ Jɛfeté yaa.

Weblezannu 13:3

Gakelebale lé lanje do bɔra lezan va yé é lé a lɛ léé: Bé ye, bii a sɔnzan nya yé ilé né ’ka lo; i dan bɔn si lɛ yé i dan né yaa lɛ gɔné nya.

Weblezannu 2:18

Dé Gakelebale weblezannu nwa, ’té Gakelebale a ’bɛ weblezan va yé é wo si wo nyanézannu lee weblezan yuɛma bléyi faa va; naa, Gakelebale nyanai é zén wo ta wolé dunnu lé wa wo klepawotazannu valé nyanépawotazannu lee, alé we ma.

Weblezannu 6:11

Yé Gakelebale lé lanje da, yé é nyana Ofra térébɛnt yili wuo, ’té ’bɛ ke Abiézɛɛ gɔnɔlazan Joas lé fɛna nya. ’Té a be Jédéɔn a ’sa sunwona dɔrɔ borona, a yɔɔle Madiannu lee we ma.

Weblezannu 6:13

Jédéɔn lé a lɛ léé: Aa! anzan, dé Gakelebale a ko va mɛmalé we ’konu faa bɔ ko maa? Ko tranu ’ka a fe lɛ ko lɛ léé, Gakelebale ’wo si Éjipiti tɛrɛ la loo? Yé gyɛzorowe faa lé ko tinu wo zuo fe ko lɛ, wa kyɛɛn? Sin, Gakelebale ko vo ko saa, yé é ko pa Madian lee!

RUT (Ruth) 2:4

Yé bé ye, Boaz si Bɛtléɛm yé é lé ’sagyɛmunu lɛ léé: Gakelebale ’é kɛlɛ ka va ma. Wa zi pa a lɛ léé: Gakelebale ’é i drɔɔ vo ma.

1 Samuɛl 10:7

Dé tɔmasenu ’ko lɛ sɔɔ i lɛ, dé wean dɔ i gi, bé kɛlɛ, naa, Bale a i va.