Weblezannu 6:10 - Kazambale lé Sebe Sauunu 1979

¹⁰ Maa lé ka lɛ léé, maa a Gakelebale, kazé Bale nya; Amorénu lé ka ke é nyanale wolé tɛrɛ la bɛ, té ka kana wolé balenu lee lo. Naa, ka ’ka an dére ’ma lɛ lo.

Weblezannu 6:10 ပူးပေါင်းရင်းမြစ်များ

2 Minwiinzannu 17:13

Gakelebale we pla Izraɛl valé Juda lɛ élé balelayezannu faa valé fɛnayezannu faa lɔlu nya, yé é lé wo lɛ léé: ’Ka si kalé zi naané ta, ’ka tawo anlé bélidɔwe yɛrama, ’ka an déretawe kɛlɛ, yé bélidɔwe lé maa a fe ka tranu lɛ yé maa a pa ka lɛ zia an wuozannu balelayezannu nya, ’ka a faa kɛlɛ tegele.

2 Minwiinzannu 17:33

’Bɛ zo lé woo kanaan Gakelebale lee, ’té woo ’wolé balenu bɔa a bléyi duo nya, bɛnnu lé wo si wo va, wo kɛlɛwe yɛrama.

2 Minwiinzannu 17:7

Gakelebale, Izraɛl munu lé Bale, lé é wo si Éjipiti tɛrɛ la, Éjipiti nwiinzan blɛn Faraɔn lee, Izraɛl munu wenyané kɛlɛ a ma yé wo kana bale bɛnu lee, amalé we ’ko bɔ.

Néémi 9:29

I we pla wo lɛ léé, ’wo da ilé bélidɔwe kɛlɛ é ziin, yé wo yara pa wolé boblɛn kɛlɛle ta. Wo ’ka wo tɔné dɔ lɛ ilé bélidɔwe sɔnnénu lɛ lo. Déretawenu lé, dé mian é tawo a ta é vo é yuɛma a nya bɛ, wo ’bɛ sɛrɛ, wo ’wo bɛapa nwa i ma, ’té woo ’wo bɔrɔ vɔɔan i ta, yé wo ’ka i lɛdɔ lɛ a ma monomono lo.

Fwile 34:12

Tɛrɛ lé i dan go lɛ ana bɛ, ’i yuɛ pa ibo va léé, té i gi pa do ana munu va lo, dé wo da kɛlɛ i kunsan nya.

Fwile 34:14

Té i dia i bli la bale bɛ do kpen ’lɛ lo; naa, Gakelebale tɔ lé Maabozan, iin, é a maabo Bale nya.

Wegɔnévɔlenu 5:13

É kɛlɛ kaa yé an ’ka anzannu dére ’ma lɛ lo, yé an ’ka tɔné dɔ lɛ munu lé wo we paa an gi, wo lɛ loo?

Jérémi 10:2

Gakelebale léma: Té ka bɛnnu lé tawobɛ zuosona lo, Té ka lagi tɔmasenu kana pa lo Dɔlé ’té bɛnnu a kanana wo lee.

Jérémi 17:23

Wo ’ka ’wo tɔné dɔ lɛ an lɛ lo; wo ’ka an ban lɛ ’wo tɔné nya lo. Wo kɛlɛ yuɛma plɛplɛzannu nya, léé, wo ’ka ’wo tɔné dɔa lo, té wo we paa ’wo gi lo.

Jérémi 3:13

I kɛlɛwe ple sele ’é dɔ i gi ma. A sele ’é dɔ i gi léé, i ’ka pla lɛ Gakelebale, ilé Bale wuo lo, yé i goo ’ko, yé i goo ’ko, bale bɛnu va yili drɔɔdrɔɔnu faa wuo, yé i ’ka i tɔné dɔ lɛ an dére lɛ lo. Maa Gakelebale ɛ ke a fena.

Jérémi 3:25

Kolé yaragyɛwe kɛlɛ bélé yialafɛ zo, yé nyɔnmɛ wɔra ko ta bélé sɔ zo. Naa, ko wenyané kɛlɛ Gakelebale kolé Bale ma, ko koo, ko tinu koo, é sia ko kiéné la bléyi va fɔɔ kyɔ. Yé ko ’ka ko tɔné dɔ lɛ Gakelebale kolé Bale lɛ lo.

Jérémi 42:21

Maa a fe ka lɛ kyɔ; naa, ka ’ka tɔné dɔa Gakelebale kalé Bale dére lɛ lo, yé we faa lé é a fe an lɛ léé, maa a fe ka lɛ, ka ’ka dan dɔ lɛ a ta lo.

Jérémi 43:4

Karéak be Jokanan koo, sunyanu ’lɛzannu faa koo, munu faa koo, Gakelebale wo béli dɔ léé, ’wo vo Juda tɛrɛ la, naa, wo ’ka a nyi si lɛ lo.

Jérémi 43:7

Wo go Éjipiti tɛrɛ la. Naa, wo ’ka Gakelebale lɛdɔ lɛ a ma lo, yé wo bɔ Tapanɛs.

Jérémi 9:13

Gakelebale léé: Wo sɔn vɔ anlé bélidɔwenu lé maa pla wo ’lɛ, wo ma, yé wo ’ka ’wo tɔné dɔ lɛ an dére lɛ yé wa ta tawo lo, azama.

Sofoni 3:2

É ’ka é tɔné dɔa dére do kpen lɛ lo; é ’ka a nyi sié léé, wo ’é drɔ lo; é ’ka paan Gakelebale ta lo; é ’ka biéan élé Bale sɔnɔ lo.

Rom munu 10:16

Naa, wo faa ’ka wenéné lɛdɔ lɛ a ma lo. É ziin, Ézai léé: Mizambale, we lé ko fe bɛ, de ɛ nyi sii?

Ébrunu 5:9

Gun si Bale Be ma aan wo, é kɛlɛ bélile lé a glɛ ’ka lo, a bɔrazan nya, munu lé wa lɛdɔama, wo lɛ.

Jozué 24:15

Yé dé ka ’ka Gakelebale bɔle yé we zin nya lo, dé é sɔ ka lɛ ka mian bɔ, kazé si a va kyɔ, dé balenu lé ka tinu a bɔ yuu zi, dé ’bɛnu léé, dé Amorénu lé ka nyanaan wolé tɛrɛ la bɛ, dé wozé balenu léé, naa, maa koo, anlé kɔngimunu koo, ko dan Gakelebale bɔ lɛ.

Weblezannu 2:2

yé ’kaa, té ka gi pa do tɛrɛ ’ko la munu va lo, ka dan wolé yobannu zana lɛ. Naa, ka ’ka an dére lɛdɔ lɛ a ma lo. Mɛmalé ka kɛlɛ ’bɛ zoo?

Weblezannu 6:9

Maa ka si Éjipitinu lee, é valé wo faa lé wo nyané pa ka ta, wo lee; maa wo bin ka ’lɛ yé maa wolé tɛrɛ nɔ ka lɛ.