Weblezannu 5:31 - Kazambale lé Sebe Sauunu 1979

³¹ Oo Gakelebale, ’ko zo lé i nyanézannu faa ’é zamaga wo ma. Munu lé woo i lɔrɔ paan, wa bélé yiri zo, ’Té dé é bi élé plɛplɛ faa nya. Tɛrɛ vo drɔɔ lɛɛ yɔ fié wuo.

Weblezannu 5:31 ပူးပေါင်းရင်းမြစ်များ

2 Samuɛl 18:31

Tɔɔn, Kusi bɔ. Yé é léé: Anzan minwiinzan ’é we néné ’ma ma. Kyɔ, Gakelebale ilé we yuɛ gi bo tegele yé munu faa lé wo nwa i ma, é i si wo lee.

2 Samuɛl 18:32

Minwiinzan lé Kusi lɛ léé: Pɛniɛ Abusalɔm a drɔɔ? Kusi a zi pa léé: Anzan minwiinzan nyanézannu valé munu faa lé wo nwa i ma wenyané kɛlɛle i lɛ we gi, wo faa lé we ’é kɛlɛ pɛniɛ ’ko zé zo ma.

2 Samuɛl 23:4

É a bélé bladi fɛna fu zo, ’té dé yiri a bina, ’Té lati ’ka la gi lo, a zo; A san éé fɛnu gɔn bɔa lɛɛ dale zuo.

Lɛrɛvɔ Sɛbɛ 19:6

Yé yiri a bélé lesizan lé, éé bɔraan élé kɔn gi, a zo, Yé éé ’wiié vlan za kɛlɛle ta nyanazan lé ginanale nya;

Lɛrɛvɔ Sɛbɛ 20:8

Munu ’ko, wa é pale wolé goronu ta, yé a koɛnu a é pale wolé wisoonu ta; Naa, ko ’ko, ko Gakelebale kolé Bale tɔ laan.

Lɛrɛvɔ Sɛbɛ 37:6

É dan ilé we tegelenu bɔra lɛ bélé san zo, É dan ilé we drɔle bɔra lɛ bélé é yiéyi yiri zo.

Lɛrɛvɔ Sɛbɛ 89:36

Maa an kɛlɛle sauun ’nyɔɔn ’naan, An dan vié wo lɛ David lɛɛ?

Lɛrɛvɔ Sɛbɛ 89:37

A kulu é dan vo lɛ ana yifaama; Alé plale mi nwiin é dan vo lɛ an ’lɛ bélé yiri zo,

Lɛrɛvɔ Sɛbɛ 91:14

Bale léma: An sɔ a lɛ, amalé maa dan a si lɛ munu lee; É an tɔ dɔɔ, amalé maa dan a takuun lɛ wo lee.

Lɛrɛvɔ Sɛbɛ 92:10

Oo Gakelebale, i nyanézannu éé zamaga woo; Munu faa lé woo wenaané kɛla, wa é kinile ékema.

Lɛrɛvɔ Sɛbɛ 92:9

Naa, bii Gakelebale, bii ɛ ke Loruzan nya, Lɛɛfaama, a glɛ ’ka lo.

Lɛrɛvɔ Sɛbɛ 97:10

Ka‐an, Gakelebale sɔ ka lɛ, ’ka wenaané za pa ma. Éé yuɛ paan élé yarapawetazannu boen va, Éé wo sié minyanénu lee.

Lɛrɛvɔ Sɛbɛ 97:8

Siɔn munu we ’ko ’ma, yé wo gi a nanana; Oo Gakelebale, ilé weblele zama Juda lomu gi a nanana ginanale blɛn nya.

Fwile 20:6

yé munu lé an sɔ wo lɛ, ’té woo anlé bélidɔwenu kɛla, an nyanai éé zén‐é wo ta fɔɔ wo kulu wuru soru nya.

Wegɔnévɔlenu 4:18

Mi tegelenu lé zi a bélé san lé éé bié nyananyana, a zo; a bile gi éé goo gyɛle nya fɔɔ yé yiéyi é pa.

Daniɛl 12:3

Wedɔɔzannu é dan bi lɛ bélé lagi fuasan zo, yé munu lé woo we tegele paan munu gi, wo dan bi lɛ bélé lagi monénénu zo, bléyi faa ma, ’bɛ glɛ ’ka dɔa lo.

OZÉ (Osée) 6:3

’Ko Gakelebale dɔɔ ma, ’ko kwa kuli léé, ’ko a dɔɔ ma; za ’ka a dale ta lo, bélé tu kinile zo. É dan da lɛ kolé we ma bélé lɛɛ zo, bélé lɛɛ vinin lé éé tɛrɛ ta blin‐an, a zo.

Matio 13:43

Yé mi tegelenu é dan bi lɛ nyananyana bélé yiri zo ’wo Ti Bale lé tɛrɛ la. Mi lé we ’ma tɔné ke a ’wuo ma, ’bɛzan a ’ma ma.

Rom munu 8:28

Yé kaa gi dɔɔ léé, munu lé Kazambale éé sɔa wo lɛ, ’té Bale wo laa ’é bɔn‐in danle yɛrama bɛ, we faa lé éé bɔa wo ma, Kazambale a nɔlaan wo ma wezin nya.

1 Korent munu 8:3

Naa, dé Kazambale sɔ mian lɛ, Kazambale ’bɛzan dɔɔ.

Éfez munu 6:24

Munu faa lé Kaazan Jézu Krist sɔ wo lɛ sɔlɛle bozen nya, Bale ’é zin kɛlɛ wo lɛ ma.

Bélidɔwesɛbɛ Fiézan 6:5

’Ka Gakelebale, kalé Bale lɔrɔ pa, ka bli faa koo, kaboen faa koo, kalé plɛplɛ faa koo, wo nya.

Bélidɔwesɛbɛ Fiézan 7:9

Amalé, ka gi dɔɔ léé, Gakelebale, kalé Bale ɛ ke Bale nya; yarapawela Bale ’ko, munu lé é sɔ wo lɛ, ’té wo alé bélidɔwenu kɛla, éé dɔa élé gipawe ta, yé a nyanai éé zén‐é wo ta fɔɔ yé é bɔ wo kulu wuru soruzan ma.

SEBE LÉ JAK A GYE (Épitre de Jacques) 1:12

Mian éé dɔa é gidanwenu wuo bli tiéé nya, azé a néné. Naa, a gi danle zuo, wo dan vole é yuɛma nɔ lɛ a lɛ bélé tɔkoro zo; tɔkoro lé Mizan a ma blivolɛdére fe munu lé, Mizan sɔ wo lɛ, wo lɛ bɛ, wo dan a nɔ lɛ a lɛ.

SEBE LÉ JAK A GYE (Épitre de Jacques) 2:5

’Kaa an bwenu lé ka sɔ an lɛ, ’ka tɔné dɔ. Munu lé wo ke nyanégyɛzannu nya tɛrɛlamunu yuɛ gi, Kazambale ’ka wo si lɛ léé, ’wo kɛlɛ fua nya blipale gi loo? yé wo kɛlɛ tɔnɔblezannu nya fuatɛrɛ lé é a ma blivolɛdére fe munu lé é sɔ wo lɛ, wo lɛ bɛ, a ta loo?

1 Piɛri 1:8

Ka ’ka tan Jézu ye lɛ lo, yé é sɔ ka lɛ duowo; ka bli a a lɛ, dɔlé ’té ka ’ka tan a ye lɛ lo, yé ka gi a é nanale, gi nanale blɛn lé a gifedére ’ka lo, ’té é gié é glɛ la, a nya,

Wegɔɔnle 1:16

Monéné sɔrafié a a bɛyi lee. Gwɔun ’léé fié sorosoro bɔra a ’léé; yé a yara a bélé yiri lé é ke bina plɛplɛ, a zo.

Wegɔɔnle 18:20

La, i gi ’é nana a sɛrɛle lé we ma ma. Yé ’kaa Kazambale lé munu koo, nwunvɔmunu koo, balelayemunu koo, ka gi ’é nana é ziin ma. Kazambale alé we nyaa a zo, amalé é we tegele kɛlɛ ka lɛ.

Wegɔɔnle 6:10

Wo siaa dére plɛplɛ nya yé wo léé: Mizan bozen sauun, i a mɔnna; bléyi kyɛn nya lé i dan munu lé we ble lɛ yé i ko nyɛ lɛgi pa tɛrɛlamunu maa?

Weblezannu 3:11

Tɛrɛ flin lɛɛ yɔ fié. Yé Kénazi be Otiniɛl ga.

Weblezannu 3:30

Yi ’ko la Moabmunu tua Izraɛlnu lee. Yé tɛrɛ vo drɔɔ lɛɛ yɔ ziɛn.