Weblezannu 5:23 - Kazambale lé Sebe Sauunu 1979

²³ Gakelebale lé lanje léé: ’Ka bale pa Méroz ma, ’Ka bale pa, ’ka bale pa alé munu ma. Naa, wo ’ka da lɛ bɔ lɛ Gakelebale va lo, Wo ’ka pa lɛ nyanazannu va, yé wo bɔ Gakelebale va lo.

Weblezannu 5:23 ပူးပေါင်းရင်းမြစ်များ

Néémi 3:5

Tékoa munu lé wo ’ka plaan wozannu wuo lo, wo gɔrɔ bo ’bɛnu zé ’léé.

Lɛrɛvɔ Sɛbɛ 94:16

De ɛ dan nwa lɛ an nyanézannu ma an lɛɛ? De ɛ dan an kun lɛ kli wenaanékɛkɛmunu maa?

Jérémi 48:10

Mian éé Gakelebale lé nyanama paan yuɛgi blan nya, ’wo bale pa a ma ma; Mian é léé, té élé gwɔun é mi gyɛ lo, ’wo bale pa ’bɛzan ma ma.

Matio 25:41

A zuo an dan a fe lɛ an bɛbolazannu lɛ léé: Balepamazannu, ’ka si an va; ’ka go kyɛ lé é ’ka dirian monomono lo, ’té wa kɛlɛ yonufaatagɔné valé élé yonu zé nya bɛ, a va.

Rom munu 15:18

Naa, wenu lé Jézu Krist a kɛlɛ maa nya, yé bɛn bɛnu ’é kɛlɛ a lɛdɔmazannu nya, ’bɛ we saa lé maa a fé, maa ’ka we bɛ fé lo. An dére valé an kɛlɛwenu koo,

1 Korent munu 16:22

Dé Mizan ’ka sɔa mian lɛ lo, ’wo bale pa ’bɛzan ma ma. Mara?-?na‐ta, ’bɛ gi léé, Mizan, ’i da.

1 Korent munu 3:9

Naa, konu valé Kazambale éé nyanama paan ékeva. Ka a Kazambale lé féi nya; ka a Kazambale lé kɔn nya.

2 Korɛnt Munu 6:1

Ko a Kazambale va nyanamapa béénu nya, bɛwemalé ko we plaan ka lɛ léé, Kazambale lé zin lé ka ye, té é vo ka ma é pla lo.

Weblezannu 13:3

Gakelebale lé lanje do bɔra lezan va yé é lé a lɛ léé: Bé ye, bii a sɔnzan nya yé ilé né ’ka lo; i dan bɔn si lɛ yé i dan né yaa lɛ gɔné nya.

Weblezannu 2:1

Gakelebale lé lanje do si Gilgal yé é go loru zia Bokim yé é léma: Maa ka si Éjipiti tɛrɛ la yé maa da ka nya, tɛrɛ lé anbo ’nyɔɔn ka tranu lɛ léé, maa dan a nɔ lɛ wo lɛ, a ta. Maa léé, maa ’ka dan anlé gipawe sɛrɛ lɛ ka va monomono lo;

Weblezannu 21:5

Izraɛl munu léé: Izraɛl lé bɛnnu faa va mi kyɛn ɛ ’ka da lɛ zén lɛ ékeva Gakelebale ’lɛ loo? Naa, dé miomian ’ka da lɛ Gakelebale va Misipa lo, wo bale pa a ma é kyɛn; wo lé é kyɛn léé, wo ga dɔ a nwiin.

Weblezannu 21:8

Amalé wa fe kɔɔn léé, Izraɛl bɛnnu va mi do ’ka da lɛ Gakelebale va Misipa loo? Yé bé ye, mi do kpen ’ka si lɛ Jabɛs, Galaad tɛrɛ la, yé é da sɔkɔndɔna, munu lé zén‐ékevana lo.

Weblezannu 4:6

É mi nwunvɔ Kédɛs‐Néfitalizan Abinoam be Barak laana, yé é lé a lɛ léé: We lé Gakelebale Izraɛl lé Bale a fe i lɛ, yeean ke ’ko loo? ’I go, ’i drɔ Tabɔɔ gɔ nwiin zia, yé ’i mi baa soru si Néfitali munu valé Zabulɔn munu va yé ’ka go wo nya.

Weblezannu 5:13

Yé munu lé wo vo, wo pla mi plɛplɛnu nwiin, Gakelebale guli ’wuo nɔ an lɛ nyanazannu va.

Weblezannu 6:11

Yé Gakelebale lé lanje da, yé é nyana Ofra térébɛnt yili wuo, ’té ’bɛ ke Abiézɛɛ gɔnɔlazan Joas lé fɛna nya. ’Té a be Jédéɔn a ’sa sunwona dɔrɔ borona, a yɔɔle Madiannu lee we ma.

Weblezannu 8:5

É lé Sukɔt munu lɛ léé: Kalé zanté, ’ka buru nɔ an vamunu lɛ, naa, wo wɔlɛ gi nyaa wo ma yé maa a Madiannu nwiinzannu Zébak valé Salmuna zuo binna.

Weblezannu 8:6

Sukɔt nwiinmunu a zi pa léé: I Zébak valé Salmuna kele tɛkɛ yé ko buru nɔ ilé sunyanu lɛɛ?

Weblezannu 8:8

É si ’bɛna yé é go loru Pénuɛl yé é yee fɛ duo laa Pénuɛl munu lee. Yé wa zi pa a lɛ fɛan zo lé Sukɔt munu a zi pa a lɛ, a zo.

1 Samuɛl 17:47

Yé mi gbau ’ko faa é dan a gi dɔɔ lɛ léé, Gakelebale ’ka mi sié we gi gwɔun valé din nya lo. Guliwuo éé voo Gakelebale lɛ. Yé é dan ka pa lɛ ko lee.

1 Samuɛl 18:17

Saul lé David lɛ léé: Bé ye, maa dan an lu vininzan Mérab nɔ lɛ i lɛ; naa, ’i nyanama pa an va nyanabli nya é wo, yé ’i Gakelebale lé gulinu dan. Naa, Saul lé ébo lɛ léé: Maa ’ka a va léé, maa bɛ mané a ma lo, naa, Filisitinu lé, ’bɛnu a gyɛ.

1 Samuɛl 25:28

Ilé zanté, ’i wuo le ma we vo, naa, Gakelebale é dan anzan lé kɔn dɔ lɛ gligli; ilé zanté, naa, anzan Gakelebale lé gulinu daan, yé wo ’ka dan we ple ye lɛ i gi monomono lo.

1 Samuɛl 26:19

Naa sin, minwiinzan, anzan, ’i tɔné dɔ i wuozan dére lɛ ma; dé Gakelebale ɛ i nwa an ma, ’é é banfɛ gin si ma; naa, dé we ’ko si munu ɛ va, ’wo bale pa wo ma Gakelebale yara ma; wa an binna kyɔ an sile Gakelebale lé zarafɛ va we ma yé wo léé, ’an go bale bɛnu bɔ, azama.