Weblezannu 3:7 - Kazambale lé Sebe Sauunu 1979

⁷ We lé é ’ka sɔ lɛ Gakelebale lɛ lo, Izraɛl lé nénu a kɛlɛ; wo gi san Gakelebale ma, yé wo Baalnu valé miyilinu bɔ.

Weblezannu 3:7 ပူးပေါင်းရင်းမြစ်များ

1 Minwiinzannu 16:33

Akab Gakelebale, Izraɛl lé Bale blifliwe kɛlɛ é mini Izraɛl nwiinzannu faa lé ke a ’lɛ, wozé ta.

1 Minwiinzannu 18:19

Sin, ’i Izraɛl faa zén ékeva an va, Kaamɛl gɔ nwiin, Baal lé balelayezannu wuru fié yɔ fié wɔlɛ vu valé Asataté lé balelayezannu wuru fié lé woo fɛ blé Jézabɛl lé tablé ta, woo koo é ziin.

2 Minwiinzannu 23:14

Jozias miyilinu yéli yé é yo’wuo ’wii, yé fɛana lé wo ke, é ana fan miwɔlɛnu nya.

2 Minwiinzannu 23:6

É Asataté miyili bɔra Gakelebale lé kɔn gi, yé é go a nya Jérusalɛm gini ma Sédrɔn yuu ma; é a kyɛ ble Sédrɔn yuu gɔ la yé a yee bo yé é a yee nwɛɛn mi vunnu ta.

2 Minwiinmunu lé Wezuofe Sɛbɛ 15:16

Minwiinzan blɛn Aza naa Maaka miyili kɛlɛ Asataté zé nya, amalé é kɛlɛle mi nwiin le nya se si a lee. Aza alé miyili sɛrɛ, yé é a pun bo, yé é a kyɛ ble Sédrɔn yuu yorole plɛplɛ sɔnɔ.

2 Minwiinmunu lé Wezuofe Sɛbɛ 24:18

Yé wo sɔn vɔ Gakelebale, wo tranu lé Bale lé kɔn ma yé wo miyilinu valé yofotonu ban. Gakelebale bli fli Juda munu valé Jérusalɛm munu ma. We ’ko kɛlɛle ma lé we dɔ wo nwiin.

2 Minwiinmunu lé Wezuofe Sɛbɛ 33:19

Alé bazorole koo, fɛan zo lé Bale alé bazoro dére ’ma koo, alé wenyanénu koo, alé yuɛ gi blanlenu koo, fɛnu lé é gɔ nwiin yobannanu kɛlɛ wona yé é miyilinu valé yofotonu dɔ ana alé bo kɛlɛle kiéné ’lɛ, wonu koo, ’bɛ a é gyɛle Ozai lé sɛbɛ gi.

2 Minwiinmunu lé Wezuofe Sɛbɛ 33:3

Gɔ nwiin yobannanu lé a ti Ézékia a zana a gi, é wo dɔ ana é ziin; é Baalnu bannanu kɛlɛ; é miyilinu dɔ Asataté zé nya, yé é dia é bli la lagifɛnu faa ’lɛ, yé é wo bɔ.

2 Minwiinmunu lé Wezuofe Sɛbɛ 34:3

Jozias plale mi nwiin lɛɛ sɔraazan nya, bléyian va lé é a tan mi boroné nya, é kun é tra David lé Bale naginile ma; yé a plale mi nwiin lɛɛ vu ta fiézan nya é kun gɔ nwiin yobannanu koo, miyilinu koo, yofotonu koo, fɛfoto serelenu koo, wo sile ma Juda tɛrɛ la valé Jérusalɛm, ana kɛlɛle tegele we ma.

2 Minwiinmunu lé Wezuofe Sɛbɛ 34:7

É yobannanu zana a gi; é miyilinu valé fɛfotonu wii yé é wo pun bo, yé yofotonu lé ke yiri zé nya, é wo ’wii Izraɛl tɛrɛ faa la. ’Bɛ zuo yé é go é pa gi Jérusalɛm.

Lɛrɛvɔ Sɛbɛ 106:35

Wo vɔɔ ’bɛnu nya, Yé ’bɛnu kɛlɛwenu vɔ wo lee.

Lɛrɛvɔ Sɛbɛ 106:36

Wo ’bɛnu lé miyilinu bɔ, Yé ’bɛ kɛlɛ wo kunsan nya;

Lɛrɛvɔ Sɛbɛ 106:7

Bléyian va lé ko tranu ke Éjipiti tɛrɛ la, wo ’ka ilé gyɛzorowenu gi ’ma lɛ lo, Ilé zin kiɛre sele ’ka dɔ lɛ wo gi lo, Naa, wo nwa i ma Wɛyi sɔnɔ, Wɛyi Sɔɔn sɔnɔ.

Fwile 34:13

Ka dan wolé balebannanu yara bua lɛ, ka dan wolé yofotonu ’wii lɛ yé ka dan wolé miyilinu yéli lɛ.

Jérémi 23:27

É dɔ wo gi léé, ’wo an tɔ saan anlé munu gi, nyɛnu lé wa gi fé wo bɔlunu lɛ bɛ, wo nya, bélé fɛan zo lé wo tranu gi san an tɔ ma Baal lé we ma, a zo.

Bélidɔwesɛbɛ Fiézan 16:21

Bale banna lé ka dan a kɛlɛ lɛ Gakelebale, kalé Bale zé nya, té ka miyili dɔ a sɔnɔ lo.

Bélidɔwesɛbɛ Fiézan 4:9

Naa, we do ana. ’Ka yuɛ pa kabo va. ’Ka yuɛ pa kabozen va é zima kalé tɛrɛla faa gi, wenu lé ka wo ye ka yuɛ nya, té ka gi é san wo do kpen ma lo, té ’wo si ka bli gi lo; ’ka wo paa kalé nénu valé ka nénénu gi.

Bélidɔwesɛbɛ Fiézan 8:11

’Ka yuɛ pa kabozen va, té ka gi é san Gakelebale, kalé Bale ma lo, yé a sɔnnénu valé ka gɔnɔlawenu valé alé bélidɔwenu lé maa wo gɔɔn ka lɛ kyɔ yé ka ’ka wo ta tawo lo lo.

Bélidɔwesɛbɛ Fiézan 8:14

’ka yuɛ pa kabozen va, té ka kabo kɛlɛ blɛn lo; Gakelebale, kalé Bale lé é ka si luu gi yé é ka si Éjipiti tɛrɛ la, té ka gi é san a ma lo.

Bélidɔwesɛbɛ Fiézan 8:18

Gakelebale, kalé Bale sele é dɔ ka gi ma; naa, yee ɛ pa ka ta yé ka kɛlɛ fuablezannu nya. É a kɛlɛ, gipawe lé é a kɛlɛ ébo ’nyɔɔnle nya ka tranu lɛ, a dɔle gligli we ma, fɛan zo lé é a kɛlɛ kyɔ ’ko, a zo.

Weblezannu 3:12

We lé é ’ka sɔ lɛ Gakelebale lɛ lo, Izraɛl lé nénu a kɛlɛ é ziin; Gakelebale plɛplɛ nɔ Moab nwiinzan Églɔn lɛ Izraɛl ma; we lé é ’ka sɔ lɛ Gakelebale lɛ lo, wa kɛlɛ, azama.

Weblezannu 3:8

Bɛwemalé Gakelebale bli fli Izraɛl ma, yé é wo dan Mézopotami nwiinzan Kusan‐Riséataim lee. Yé Izraɛl lé nénu vo é plale Kusan‐Riséataim wuo lɛɛ sɔraa.

Weblezannu 6:25

Alé béli duo nya, Gakelebale lé Jédéɔn lɛ léé: ’I ti lé dirigɔné boroné si, é valé dirigɔné fiézan lé a lɛɛ ke sɔrafié, a nya. Yé Baal banna lé ke i ti zé nya bɛ, bé zana, yé miyili lé ke a ta loru bɛ, bé sɛrɛ.

Weblezannu 8:33

Jédéɔn gale zuo Izraɛl lé nénu kun pɛnpɛnnégyɛle ma Baalnu va é ziin, yé wo Baal‐Bérit si wolé bale nya.

Weblezannu 8:34

Gakelebale, wolé Bale lé é wo si wo nyanézannu faa lé ke wo zi, wo lee, a sele ’ka dɔ lɛ Izraɛl lé nénu gi é dɛrɛ lo.

1 Samuɛl 12:10

Wo siaa é ziin Gakelebale lɛ yé wo léé: Ko Gakelebale vo yé ko Baalnu valé Asataténu bɔ, amalé ko wenyané kɛlɛ; sin, ’i ko si ko nyanézannu lee, yé ko dan i bɔ lɛ.

1 Samuɛl 12:9

Naa, wo gi san Gakelebale wolé Bale ma; yé é wo dan Asɔɔ sunyanu nwiinzan Sizéra koo, Filisitinu koo, Moab nwiinzan koo, wo lee, yé wo guli dan wo nya.