Weblezannu 20:26 - Kazambale lé Sebe Sauunu 1979

²⁶ Izraɛl munu faa nwa yé wo go Bétɛl; wo wuvɔ yé wo vo mi Gakelebale ’lɛ; wo yiri vɔ lɔrɔsɔnle nya, yé wo Gakelebale ban, wi lé wa kyɛ blé, a nya, yé wo bɔvɔ sarakanu bo a lɛ.

Weblezannu 20:26 ပူးပေါင်းရင်းမြစ်များ

Wepélisiananu 28:19

É fɛkona tɔ pa Bétɛl; é kyɛn wo fla ’ko tɔ laama Luz.

2 Samuɛl 3:35

Yé munu faa Abinɛɛ wuvɔ é ziin. Munu faa da David va fɛblele nɔle a lɛ we ma yuɛi fu va, naa, David bale ’nyɔɔn a fele nya léé: Dé é a buru nyaoo, dé é a fɛofɛan nyaoo, dé maa a lɛdan yiri vɔle ’lɛ, Bale ’é we kɛlɛ an lɛ élé plɛplɛ faa nya ma.

2 Minwiinmunu lé Wezuofe Sɛbɛ 20:3

Jozafat kana, yé é ’é ma’lɛrɛ Gakelebale naginile we ma, yé é zana dɔɔ léé, Juda munu faa ’é lɔrɔ sɔn.

Ezidras 8:21

Aava yuu sɔnɔ bɛ, an mibo kɛlɛ kiéné lɔrɔsɔnle zana dɔɔ kolé Bale ’lɛ, léé, ko zanté vɔ a lɛ léé, ’é bɛ zin pa ko ta kolé tawole gi, ko koo, kolé nénu koo, fɛnu faa lé wo ke ko lee koo, ko ta.

Jérémi 36:9

Juda munu nwiinzan blɛn Jozias be Jojakim plale mi nwiin lɛɛ soruzan nya, a moné sɔraziɛnzan nya, wa zana dɔɔ léé, Jérusalɛm munu faa koo, Juda munu faa lé wo si ’wolé flanu ta yé wo da Jérusalɛm, wo koo, ’wo lɔrɔ sɔn Gakelebale lɛ.

Joɛl 1:14

’Ka lɔrɔsɔnle valé zén‐ékeva plɛplɛ zana dɔɔ. ’Ka mi segelenu valé tɛrɛ ’ko la munu faa zén ékeva Gakelebale, kalé Bale lé kɔn gi, Yé ’ka siaa Gakelebale lɛ.

Jozué 24:1

Jozué Izraɛl bɛnnu faa zén ékeva Sisɛm, yé Izraɛl lé mi segelenu koo, a nwiinmunu koo, alé weblezannu koo, alé kominu koo, é wo laa. Yé wo da Bale ’lɛ.

Jozué 7:6

Jozué élé sɔ fia, yé é dia é bli la Gakelebale lé gipakɛsu ’lɛ, yé é yiri vɔ ana, yee valé Izraɛl mi segelenu nya, yé wo vun zén ’wo nwiin.

Weblezannu 20:18

Yé Izraɛlnu nwa yé wo go loru zia Bétɛl yé wo we zuo laa Bale lee léé: Ko va mi kyɛn ɛ dan go lɛ é vinin gulidanle we gi Bɛnjamɛn kulunu vaa? Gakelebale a zi pa léé: Juda ɛ go é vinin.

Weblezannu 20:23

Yé Izraɛl lé nénu nwa yé wo yiri vɔ wuvɔle nya Gakelebale lɛ; wo we laa Gakelebale lee léé: É a lé an bié an ’lɛ é ziin mi, gulidanle we gi an bwe Bɛnjamɛn vaa? Gakelebale a zi pa léé: ’Ka nwa a ma.

Weblezannu 20:25

A yi duo nya Bɛnjamɛn munu si Gibéa yé wo da kee lɛ wo nya yé wo Izraɛl mi baa sɔraziɛn dia tɛrɛ la é ziin, ’té wa gwɔunzannu nya.

Weblezannu 21:2

Munu da Bétɛl yé wo yiri vɔ ana Bale ’lɛ. Wo dére wuo vɔ yé wo yuɛyi yoro kiɛre yé wo léé:

Weblezannu 21:4

’Bɛ é tu kini munu nwa bladi tutu; wo balebanna do dɔ yé wo winu kyɛ ble a ta yé wo bɔvɔ sarakanu bo.

1 Samuɛl 11:4

Nwunvɔzannu bɔ Saul lé Gibéa yé wo we ’konu fe munu lɛ. Yé munu faa siaa wu nya.

1 Samuɛl 7:6

Wo ’yi tɔ yé wa zana Gakelebale ’lɛ yé wo lɔrɔ sɔn yi ’ko nya a fele nya léé: Ko wenyané kɛlɛ Gakelebale ma. Samuɛl Izraɛl lé nénu lé wenu ble Misipa.