Weblezannu 20:13 - Kazambale lé Sebe Sauunu 1979

¹³ Munu vɔnle lé wo ke Gibéa, ’ka wo pa ko lee sin, yé ko wo gyɛ, yé ko wenaané si Izraɛl tɛrɛ la. Naa, Bɛnjamɛn munu ’ka a va léé, ’wo tɔné dɔ ’wo bwenu, Izraɛlnu dére lɛ lo.

Weblezannu 20:13 ပူးပေါင်းရင်းမြစ်များ

2 Samuɛl 20:1

Mi ple do ana bɛ, Bɛnjamɛn mi Bikri be lé wa laama Sééba, yee lé. É béli fɛn yé é léé: Kozé ’ka David va lo, kolé zarafɛ ’ka Izai benu va lo! Izraɛlmunu, ’ka faa é go kalé sɔkɔn ’léé.

2 Samuɛl 23:6

Naa, wenyanékɛlɛmunu faa a bélé lélinu lé mi éé wo vulian, ’Té wo ’ka wo sian wo bɛ gi bɛ lo, wo zo;

1 Minwiinzannu 21:13

mi naané fié da yé wo dɔ a yara yé wo we fe munu lɛ Nabɔt ma ’ko zo léé: Nabɔt bale pa Bale valé minwiinzan blɛn ma. A zuo, wo goan flagini ma yé wo gɔlɛ vuli a va yé é ga.

2 Minwiinmunu lé Wezuofe Sɛbɛ 13:7

Mi planu, boazannu, wo zén ékeva yé wo goan Salomɔn be Réboam ma. Réboam a mi boroné nya, kanazan nya, yé é ’ka bɔa dɔle lɛ wo ma lo.

2 Minwiinmunu lé Wezuofe Sɛbɛ 25:16

É a tan wefena tɔɔn, Amasia lé a lɛ léé: Ko i dɔ léé, i we pla minwiinzan blɛn lɛɛ? ’I gyɛ i zuo. Mɛmalé ibo bɔra i blale lɛɛ? Balelayezan si ana, ’té é a fé léé: Maa a gi dɔɔ léé, é a Bale bli gi léé, é dan i gyɛ lɛ. I we ’ko kɛlɛ yé i ’ka tɔné dɔ lɛ anlé weplale lɛ lo, azama.

2 Minwiinmunu lé Wezuofe Sɛbɛ 25:20

Naa, Amasia ’ka é tɔné dɔ lɛ a lɛ lo. É a Bale bli gi léé, ’é dan a nɔ lɛ a nyanézannu lɛ. É Édom lé yonu si ézé nya, azama.

Wegɔnévɔlenu 29:1

Mi lé a yara a lé, wo we pla a lɛ, yé é ’ka é ’wuo dɔa a wuo lo, wo dan a ’wii lɛ za ma, té a lia ’ka lo.

OZÉ (Osée) 10:9

’Kaa Izraɛlnu, é sia we lé é bɔ yi la Gibéa, a ma, ka wenyané kɛla, yé ka a yifaama ka dɔbɛ gi. Guli lé é bɔ yi la Gibéa, é ’ka wenyanékɛlɛmunu gyɛ lɛ loo?

OZÉ (Osée) 9:9

Wa é vɔnle bélé we lé é bɔ Gibéa yi la, a zo; wolé weple sele é dan dɔ lɛ Gakelebale gi, yé é dan we lɛdɔ lɛ wo gi wolé wenyanénu ma.

Rom munu 1:32

Kazambale léé, munu lé woo we ’ko zoɛnu kɛla, a yara lé ’wo ga, wo ’bɛ gi dɔɔoo, ’té wa kɛla duowo, yé dé wo mi bɛnu ye a kɛlɛna, wo léé, ’bɛ a é zima.

2 Korɛnt Munu 6:15

Krist valé Bélial dére éé sɔa doo? Mi lé a bli ’ka é pale lo, ’bɛ éé dɔa blipazan lé we gii?

Bélidɔwesɛbɛ Fiézan 13:13

mi sɛrɛlenu nwa wo méléna, yé wo flamunu ’wuo sɛrɛ a fele nya léé, kaa go, kaa bale bɛnu bɔ, ’té ka ’ka ’bɛ balenu dɔɔa lo,

Bélidɔwesɛbɛ Fiézan 13:5

Ka ’bɛ balelayezan valé ’bɛ nyɛgyɛzan gyɛ, naa, é a ka nwana Gakelebale, kalé Bale lé é ka si luu gi Éjipiti tɛrɛ la, a ma, yé zi lé Gakelebale, kalé Bale a gɔɔn ka lɛ, é a a va léé, ’é ka si ’bɛ zi ta. ’Ka a gyɛ yé ’bɛ zo lé wenaané si ka méléna.

Bélidɔwesɛbɛ Fiézan 13:6

Dé i bu lé négɔné léé, dé i be léé, dé i lu léé, i na lé ka yiaan a nya saa do la, dé ’bɛ léé, i béé lé é sɔ i lɛ bélé ibozen zo, dé ’bɛ léé, dé wo va mi do da kyeen gi yé é lé i lɛ léé, kaa go, kaa bale bɛ bɔ, dé é a bale lé bii valé i tinu ’ka a dɔɔa é kyɛn lo, a nya,

Bélidɔwesɛbɛ Fiézan 17:12

Balebanzan lé Gakelebale, kalé Bale a dɔ Gakelebale bɔle we gi, dé mi do ébo kɛla blɛn yé é ’ka ’é tɔné dɔa ’bɛzan dére lɛ lo, dé é ’ka ’é tɔné dɔa weblezan dére lɛ lo, ’wo ga dɔ a nwiin.

Bélidɔwesɛbɛ Fiézan 17:7

Wenayezannu ’é nwa fɛ vulile nya é vinin, yé ’bɛ zuo mi pɔnénu faa zén a gyɛle va. ’Bɛ zo lé ka dan wenaané si lɛ ka méléna.

Bélidɔwesɛbɛ Fiézan 19:19

dé é dɔ a gi léé, é dan a kɛlɛ lɛ é bwe lɛ kɔɔn fɛan zo, é a lé ’ka kɛlɛ a lɛ a zo. ’Bɛ zo lé ka dan wenaané si lɛ ka méléna.

Bélidɔwesɛbɛ Fiézan 21:21

Yé alé flamunu faa é dan gɔlɛ vuli lɛ a va yé é ga. ’Bɛ zo lé ka wenaané si ka méléna, Izraɛl munu faa lé a ’male valé kanale we gi.

Bélidɔwesɛbɛ Fiézan 22:21

wo dan go lɛ blɛnzan nya a ti lé kɔn ’léé; flamunu é dan gɔlɛ vuli lɛ a va yé é dan ga lɛ, é we lɛrɛlɛrɛ kɛlɛ Izraɛl, azama, yé é kɛlɛ bɔrɔdɛ nya é ti lé kɔn gi. ’Bɛ zo lé ka dan wenaané si lɛ ka méléna.

Bélidɔwesɛbɛ Fiézan 22:24

’ka da wo fiénu nya flagɔrɔ ’léé yé ’ka gɔlɛ vuli wo va yé ’wo ga; blɛnzan a fla yé é ’ka siaa lɛ lo, azama; gɔnézan é bɔluzan na sɛrɛ, azama. ’Bɛ zo lé ka dan wenaané si lɛ ka méléna.

Bélidɔwesɛbɛ Fiézan 24:7

Dé mi do é bwe Izraɛl lé mi do kyeen wo, dé é a kɛlɛ élé luu nyaoo, dé é a dan‐oo, dé wa ye wo dan we lɛdɔ lɛ kyeenzan ’ko gi a gale nya. ’Bɛ zo lé ka dan wenaané si lɛ ka méléna.

Weblezannu 19:22

Wo gi a é nanale bléyian va, bé ye, flamunu, mi vɔnlenu, wo kɔn zi lɛ sɔɔ yé wo duoli gyɛ, yé wo lé kɔnzan, gɔné kwa, lɛ léé: Gɔnézan lé é da i va, bé bɔra ’ko, kolé a dɔɔle gɔné nya we gi.

Weblezannu 20:12

Izraɛlnu munu nwunvɔ Bɛnjamɛn gɔnɔlamunu faa lɛ, a fele we gi léé: Mɛ zoɛ wenyané lé wa kɛlɛ ka vaa?

Weblezannu 20:14

Bɛnjamɛn munu si ’wolé fla nuu, yé wo zén ékeva Gibéa, guli danle Izraɛl lé nénu va we gi.

1 Samuɛl 2:25

Dé mi do wenyané kɛlɛ mi bɛ lɛ, Bale é dan a we ble lɛ; naa, dé mi wenyané kɛlɛ Gakelebale lɛ, de ɛ dan dɔ lɛ a zuoo? Yé wo ’ka wo tɔné dɔ lɛ wo ti dére lɛ lo, Gakelebale a a va léé, é wo gyɛ, azama.

1 Samuɛl 30:22

Mi plenu valé gi nyanézannu lé wo go David zuo, wo faa kun wefele ma léé: Munu ’ko ’ka go lɛ ko zuo lo, amalé gulizarafɛnu lé ko a si bɛ, ko ’ka dan a do kpen nɔ lɛ wo lɛ lo, ’té dé é ’ka wo nanu valé wolé nénu nya lo; ’wo wo si yé ’wo goan.