Weblezannu 2:19 - Kazambale lé Sebe Sauunu 1979

¹⁹ Naa, dé weblezan ga, ’té wolé we sɛrɛ é ziin é mini wo tinu zé la, ’té woo tawoo bale bɛnu zuo, ’té woo wo bɔa, ’té woo wo ’wuo tuaan wo lɛ, yé wo yara pa ’wo kɛlɛwenu valé ’wo tɔnéiyuyu kɛlɛle ta tegele.

Weblezannu 2:19 ပူးပေါင်းရင်းမြစ်များ

Wepélisiananu 6:11

Tɛrɛ sɛrɛ Gakelebale yuɛ gi, yé glawe kɛlɛle sɔɔla tɛrɛ faa la.

Néémi 9:28

Dé wo flinle ye, wo kun wenaané kɛlɛle ma i yuɛ gi é ziin. Yé i wo pa wo nyanézannu lee, ’té ’bɛnu éé plaan wo nwiin. Naa, wo siaa i lɛ é ziin, yé bii, i wolé siaalenu ’ma la gi loru, yé ilé nyanai zénle blɛn gi i wo si we gi gɔnɔ kiɛre.

Lɛrɛvɔ Sɛbɛ 78:8

Léé, té wo kɛlɛ bɛn lé woo mi lɛgaan a ma, yé wo tɔné gi ke plɛplɛ bélé wo tinu zé zo, wo nya lo, Bɛn lé wo bli ta ’ka é dɔle plɛplɛ lo, Yé wo léli fuu ’ka é ta Bale lé we gi lo, té wo kɛlɛ ’bɛ nya lo.

Fwile 32:7

Gakelebale lé Moizi lɛ léé: ’I go, ’i zun; naa, ilé munu lé i wo fwi Éjipiti tɛrɛ la, wobo gyɛ sɛrɛ a gi.

Jérémi 16:12

Yé ’kaa, kalé wenaané kɛlɛle mini ka tranu zé ta, yé ka faa do do, ka we kɛla ka bligiwe naané yɛrama, ’té ka ’ka ka tɔné dɔa an lɛ pelo.

Jérémi 23:17

Munu lé woo nyé yélié an ma, wo lé ’bɛnu lɛ léma: Gakelebale léma: Ka dan vo lɛ drɔɔ. Yé munu faa lé woo tawoo wolé blibɔmawe zuo, wo lé ’bɛnu lɛ léé: Wenaané do kpen ’ka dan bɔ lɛ ka ma lo.

Jérémi 3:17

’Be bléyi va, wo dan Jérusalɛm laa lɛ, Gakelebale lé webleblin; bɛngɔnɔ faa é dan zén lɛ ékeva Jérusalɛm Gakelebale tɔ nya yé wo ’ka dan tawo lɛ ’wolé blibɔmawe naané zuo é dɛrɛ lo.

Ézékiɛl 20:30

Bɛwemalé, bé fe Izraɛl munu lɛ léma: Gakelebale léma: Ka ’ka kabo tiri dɔna bélé fɛan zo lé ka tranu a kɛlɛ, a zo bɛ loo? Yé ka ’ka gona wolé bozowenu zuo bélé gɔné gini le zo bɛ loo?

Matio 23:32

’Ka ka tranu kɛlɛwe pɔné lɛ sɔɔ ma.

Bélidɔwesɛbɛ Fiézan 31:29

Naa, maa a gi dɔɔ léé, an gale zuo, ka dan kabo sɛrɛ lɛ; yé tawobɛ lé maa a gɔɔn ka lɛ, ka dan si lɛ ’bɛ zuo; we lé ke naané Gakelebale yuɛ gi, dé ka ’bɛ kɛlɛ fɔɔ yé ka Bale bli fli ka bɛ kɛlɛfɛnu nya, é dan nyaa lɛ wenaané bɔle nya ka ma.

Jozué 24:31

Izraɛl Gakelebale bɔ Jozué lé tɛrɛla faa gi, é valé mi segelenu lé wo vo é yuɛma Jozué zuo, ’té we faa lé Gakelebale a kɛlɛ Izraɛl pli zi, wa gi dɔɔ, wolé tɛrɛla gi.

Weblezannu 10:13

Naa, ’kaa, ka an vo yé ka bale bɛnu bɔ. Bɛwemalé maa ’ka dan ka vo lɛ kabo ma é dɛrɛ lo.

Weblezannu 2:18

Dé Gakelebale weblezannu nwa, ’té Gakelebale a ’bɛ weblezan va yé é wo si wo nyanézannu lee weblezan yuɛma bléyi faa va; naa, Gakelebale nyanai é zén wo ta wolé dunnu lé wa wo klepawotazannu valé nyanépawotazannu lee, alé we ma.

Weblezannu 2:20

Yé Gakelebale bli fli Izraɛl ma, yé é léma: Bɛn ’ko, gipawe lé maa a kɛlɛ wo tranu va, wa sɛrɛ yé wo ’ka an dére lɛdɔ lɛ a ma lo, bɛwemalé bɛn bɛnu lé Jozué wo vo yé é ga,

Weblezannu 2:7

Munu Gakelebale bɔ Jozué zé bléyi va, yé mi segelenu lé wo mɔnle mini Jozué ta yé we blɛnnu faa lé Gakelebale a kɛlɛ Izraɛl lé we ma, wa ye, munu Gakelebale bɔ ’bɛnu zé bléyi va é ziin.

Weblezannu 4:1

We lé é ’ka sɔ lɛ Gakelebale lɛ lo, Izraɛl lé nénu a kɛlɛ é ziin Éud gale zuo.

Weblezannu 8:33

Jédéɔn gale zuo Izraɛl lé nénu kun pɛnpɛnnégyɛle ma Baalnu va é ziin, yé wo Baal‐Bérit si wolé bale nya.

1 Samuɛl 15:23

Naa, lɛgamale a bélé ’moné dɔle zo, yé dɔle mi ma plɛplɛ a bélé yobanle valé miyilinu zo. I sɔn vɔ Gakelebale dére ma, amalé é sɔn vɔ i kɛlɛle minwiinzan nya ma é ziin.