Weblezannu 2:17 - Kazambale lé Sebe Sauunu 1979

¹⁷ Yé wo ’ka tɔné dɔ lɛ wolé weblezannu lɛ lo, naa, wobo nɔ bale bɛnu bɔle lɛ bélé gɔnégini le zo, yé wo ’wuo tua wo lɛ. Zi lé wo tinu tawo a ta, wo si a ta é kele, yé wo ’ka Gakelebale lé bélidɔwenu lɛdɔ lɛ a ma, fɛan zo lé ’bɛnu a kɛlɛ, a zo lo.

Weblezannu 2:17 ပူးပေါင်းရင်းမြစ်များ

Lɛrɛvɔ Sɛbɛ 106:39

A zo lé wo ’wobozen tiri dɔ ’wo kɛlɛwenu nya, Yé wo kɛlɛwenu kɛlɛ bélé bɔrɔdɛ le kɛlɛwe zo.

Lɛrɛvɔ Sɛbɛ 106:43

Bale wo si we gi gɔnɔ kiɛre nya, Naa, wa é nwale a ma ’wo bli gi. Yé wolé weple lé we ma lé wo kɛlɛ wenaanébɔmazannu nya.

Lɛrɛvɔ Sɛbɛ 73:27

Naa, bé ye, munu lé woo sié i ma baa, woo zamaga woo; Wo faa lé woo sié i va, i dan wo si lɛ ana tata.

Fwile 32:8

Zi lé maa a gɔɔn wo lɛ, wa saan é kele; wo diriné selele kɛlɛ ’wobo lɛ, yé wo dia ’wo bli la a lɛ; wo sarakanu bo a lɛ, yé wo léé: Izraɛl, ilé bale lé é i fwi Éjipiti tɛrɛ la, yee lo.

Jérémi 3:6

Minwiinzan blɛn Jozias bléyi va Gakelebale lé an lɛ léé: Izraɛlnu ’ka plaan an wuo lo. I a yé loo? Wo go gɔ torole faa nwiin, yé wo go yili drɔɔdrɔɔnu faa wuo, yé ’bɛna lé wo go bale bɛnu zuo bélé gɔnégini le zo.

Jérémi 6:16

Gakelebale léma: ’Ka dɔ zinu ta, ’ka a nagini yé ’ka a ma laa léé: Zi kyɛnnu ɛ ke zi kwanu nyaa? Zi kyɛn ɛ ke zi zin nyaa? ’Ka tawo a ’léé yé ka dan flinle ye lɛ kabozen zé nya. Naa, wa zi pa léé: Ko ’ka dan tawo lɛ a ’léé lo.

OZÉ (Osée) 2:2

Juda munu valé Izraɛl munu é dan zén lɛ ékeva, yé wo dan ’wo nwiinzan dɔ lɛ, yé wo dan si lɛ luu gi. Jizréɛl lé yi é dan kɛlɛ lɛ yi blɛn nya.

Lévinu 17:7

Yonu lé wo go wo zuo bélé bɔrɔdɛ le zo, té ’wo wo ban é dɛrɛ lo. É a bélidɔwe lé a glɛ ’ka lo, a nya, wo valé ’wo kulunu zé nya.

Amɔs 2:4

Gakelebale léma: Juda munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo. Wo serele bo Gakelebale lé bélidɔwe ma, yé wo ’ka a sɔnnénu pa lɛ lo, yé viémiyilinu lé wo tranu tawo wo zuo, ’bɛnu wo saan, ’bɛzama.

Galasi munu 1:6

Mian é ka laa Krist lé zin nya, an gi vuru ka diérale ’bɛzan zuo é kele we ma, ka gole wenéné bɛ zuo we ma.

Bélidɔwesɛbɛ Fiézan 31:16

Gakelebale lé Moizi lɛ léé: Bé gini, i dan yi gyɛ lɛ i tranu va. Yé munu ’ko é dan nwa lɛ yé bɔrɔdɛ le éé goo gɔnénu zuo fɛan zo, wo dan go lɛ bale bɛnu zuo a zo, tɛrɛ lé wo dan bɔ lɛ a ta, ana. Wo dan sɔn vɔ lɛ an ma, yé anlé gipawe lé maa a kɛlɛ wo va, wo dan a sɛrɛ lɛ.

Bélidɔwesɛbɛ Fiézan 31:18

Maa dan an yara si lɛ wo ta ’bɛ yi ’ko la, wenyané faa lé wa kɛlɛ gole nya bale bɛnu zuo, a we ma.

Bélidɔwesɛbɛ Fiézan 9:12

Gakelebale lé an lɛ léé, ’maa nwa, ’maa zun é kele; naa, anlé munu lé maa wo si Éjipiti tɛrɛ la, wo ’wobo sɛrɛ. Zi lé yee a gɔɔn wo lɛ, wo si a ta tɛkɛ; wo fɛ selele foto kɛlɛ.

Bélidɔwesɛbɛ Fiézan 9:16

Maa nagini, ’té ka wenyané kɛlɛ Gakelebale, kalé Bale ma, yé ka kyan sele diriné foto nya, yé zi lé Gakelebale a gɔɔn ka lɛ, yé ka si a ta é kele.

Jozué 24:24

Munu lé Jozué lɛ léé: Ko dan Gakelebale, kolé Bale bɔ lɛ yé ko dan a dére lɛdɔ lɛ a ma.

Jozué 24:31

Izraɛl Gakelebale bɔ Jozué lé tɛrɛla faa gi, é valé mi segelenu lé wo vo é yuɛma Jozué zuo, ’té we faa lé Gakelebale a kɛlɛ Izraɛl pli zi, wa gi dɔɔ, wolé tɛrɛla gi.

Weblezannu 2:7

Munu Gakelebale bɔ Jozué zé bléyi va, yé mi segelenu lé wo mɔnle mini Jozué ta yé we blɛnnu faa lé Gakelebale a kɛlɛ Izraɛl lé we ma, wa ye, munu Gakelebale bɔ ’bɛnu zé bléyi va é ziin.

Weblezannu 8:33

Jédéɔn gale zuo Izraɛl lé nénu kun pɛnpɛnnégyɛle ma Baalnu va é ziin, yé wo Baal‐Bérit si wolé bale nya.

1 Samuɛl 12:12

’Bɛ zuo, ka a ye léé, Amɔnnu minwiinzan Nakas da ka ma yé ka lé an lɛ léé: Gba, naa, mi do é dan pla lɛ ko nwiin, dɔlé ’té Gakelebale, kalé Bale a ka nwiinzan nya.

1 Samuɛl 12:17

Buruwɔlɛ gyɛbléyian ke ’ko loo? Maa dan Gakelebale laa lɛ yé é dan zagelenu ban lɛ yé é lɛɛ pa zia, kalé a gi dɔɔle we gi léé, ka wenyané kɛlɛ Gakelebale ma ka nwiinzan ma laale nya.

1 Samuɛl 12:19

Munu faa lé Samuɛl lɛ léé: ’I bazoro Gakelebale, ilé Bale lɛ i wuozannu lé we ma, té ko ga lo we gi; naa, ko kolé wenyanénu taa pa ko nwiinzan ma laale nya.