Weblezannu 2:14 - Kazambale lé Sebe Sauunu 1979

¹⁴ Gakelebale bli fli Izraɛl ma. É wo pa gulizarafɛ sizannu lee, yé ’bɛnu gulizarafɛnu si wo lee. É wo dan wo nyanézannu lé wo ke wo zi, wo lee, yé wo ’ka bɔa lɛ yé wo dɔ wo nyanézannu ’lɛ é dɛrɛ lo.

Weblezannu 2:14 ပူးပေါင်းရင်းမြစ်များ

2 Samuɛl 24:1

Gakelebale bli fli é ziin Izraɛl ma, yé é David nwa wo ma a fele nya léé: ’I go, ’i Izraɛl valé Juda munu nɔnɔ.

2 Samuɛl 7:11

bélé bléyian va lé maa anlé munu Izraɛl taweblezannu dɔ ’bɛ bléyi zo lo. Maa flinle nɔ i lɛ, i sile i nyanémunu lee nya. Yé Gakelebale lé i lɛ léé, ’é dan i fan lɛ.

2 Minwiinzannu 13:3

Gakelebale bli fli Izraɛlnu ma, yé é wo pa Siri nwiinzan Azaɛl valé Azaɛl be Bɛn‐Adad lee, minwiinzan ’konu lé tɛrɛla faa gi.

2 Minwiinzannu 17:20

Gakelebale sɔn vɔ Izraɛl bɛn faa ma; é wo gyɛ yara nya yé é wo pa ’wiiéwotamunu lee, yé é a ’wuo pla wo binle nya é yara baa.

2 Minwiinmunu lé Wezuofe Sɛbɛ 15:5

’Bɛ bléyi va, munu lé woo goo ’té woo dan, wo ’ka wobo ma duaa lo. Naa, we tɔntɔn blɛnblɛnnu bɔ ana tɛrɛ la munu ma.

2 Minwiinmunu lé Wezuofe Sɛbɛ 28:5

Gakelebale alé Bale a pa Sirinu nwiinzan blɛn lee. Sirinu lé gulibɛ dia a ta yé wo mi kiɛre kɛlɛ luunu nya. Wo go wo nya Damas. É wo pa é ziin Izraɛl nwiinzan blɛn lee, yé ’bɛ wo kele tata.

2 Minwiinmunu lé Wezuofe Sɛbɛ 36:16

Naa, wo Bale lé nwunvɔzannu ma we nana; wo lɔlu plɛn ’bɛnu dérenu ma, yé wo yéri si alé balelayezannu ma, fɔɔ, yé Gakelebale lé bliflile élé munu ma gié é glɛ la.

Néémi 9:27

Yé i wo vo wo nyanézannu lee, ’té ’bɛnu éé yaan wo ta. Naa, wolé kle ble bléyi va, wo siaa i lɛ, yé bii, i wolé siaalenu ’ma i nyanana la gi loru. Yé ilé nyanai zénle blɛn gi i wo tawe kɛlɛzannu nɔ wo lɛ yé ’bɛnu wo si wo nyanézannu lee.

Lɛrɛvɔ Sɛbɛ 44:11

Bé kɛlɛ léé, ko vo vlan buruna ko nyanézannu lee, ’Té ko zapamunu éé kolé fɛnu sié.

Lɛrɛvɔ Sɛbɛ 44:12

I ko paan wo lee bélé ’blanu lé woo wo blé, wo zo. I ko sɔlaan bɛnnu méléna.

Ézai 42:24

De ɛ Jakɔb nɔ léé, wo ’wii alé fɛ taa? De ɛ Izraɛl pa ’wiiéfɛtazannu lee? Gakelebale kaan loo? Ko wenyané kɛlɛ a ma. É ’ka sɔ lɛ ko lɛ léé, ko alé zi ta tawo lo, Ko ’ka tɔné dɔ lɛ alé bélidɔwe lɛ lo.

Ézai 50:1

Gakelebale léma: Lebɔrasɛbɛ lé maa gyɛ yé maa ka bu bɔra a nya, é kaa? Taa, an ma vɛɛn pazan kyɛn lɛ lé maa ka nɔ anlé vɛɛn ban laa? Ka ye, kalé weplenu ma lé maa ka dan, Yé kalé wenyanénu lé we ma lé an ka bu bɔra.

Jérémi 37:10

Yé dé ka Kaldé sunyanu faa gyɛoo, dé tuomunu saa ɛ vo ana, wo faa é dan nwa lɛ wolé sɔkɔnnu gi do do yé wo dan fla ’ko kyɛ ble lɛ.

Lévinu 26:17

Maa dan dɔ lɛ ka ma yé ka nyanézannu é dan ka kele lɛ; ka zapamunu é dan pla lɛ ka nwiin, yé ka dan boavlan buru lɛ, ’té mi do kpen ’ka ka zuo lo.

Lévinu 26:28

maa dan dɔ lɛ ka ma é ziin bliflile blɛn nya yé maa dan we lɛdɔ lɛ ka gi taawo gɔnɔ sɔrafié kalé wenyanénu ma.

Lévinu 26:37

Wo dan zana lɛ wo ke gi, bélé gwɔun lé mi gyɛle zo, ’té mi do kpen ’ka wo zuo binna lo. Ka ’ka dan dɔ lɛ ka nyanézannu ’lɛ lo;

Mi Nɔnɔle 32:13

Gakelebale bli fli Izraɛlnu ma yé wo vo nɔɔna bwi gi lɛɛ yɔ fié wuo, fɔɔ yé munu ’konu lé wo wenaané kɛlɛ Gakelebale yuɛ gi yé é wo kulu ga.

Mi Nɔnɔle 32:14

Yé ka ye, ka dɔ ka tranu pa gi wenyanékɛlɛzannu nya, yé ka dan Gakelebale bli flile Izraɛlnu ma taa pa lɛ.

Bélidɔwesɛbɛ Fiézan 28:20

We faa lé ka a kɛlɛle pélisia, bale pale koo, di kinié migiwe koo, wenyané lɛ kinile ka lɛ koo, Gakelebale é dan wo faa kɛlɛ lɛ ka lɛ a gi, fɔɔ yé ka kulu é ga yé ka zamaga wo, kalé weple kɛlɛle lé wo ka kun yé ka sɔn vɔ maa, Gakelebale ma, wolé we ma.

Bélidɔwesɛbɛ Fiézan 28:25

Gakelebale é dan zi nɔ lɛ ka nyanézannu lɛ léé, ’wo ka gyɛ; ka gozi é dan ye lɛ gulidanle wo va we ma, yé ka dazi ’ka dan ye lɛ lo; we lé é bɔ ka ma, é dan di kini lɛ tɛrɛ la bɛnnu faa gi.

Bélidɔwesɛbɛ Fiézan 28:58

Bélidɔwe ’konu faa lé maa wo gyɛ sɛbɛ ’ko gi, dé ka ’ka wo lɛdɔama yé ka wo ta tawo lo, dé ka ’ka kanaan Gakelebale, kalé Bale tɔ blɛn lé é ke kanamatɔ nya, a lee lo,

Bélidɔwesɛbɛ Fiézan 32:30

Dé wolé Gɔlɛ ’ka wo dan lɛ lo ’naan, Dé Gakelebale ’ka é bɛ si lɛ wo wuo lo ’naan, É kɛlɛ kaa yé mi do éé mi wuru soru zuo bin‐éé? É kɛlɛ kaa yé mi fié éé mi baa soru bin‐éé?

Jozué 23:16

Gipawe lé Gakelebale, kalé Bale, a kɛlɛ ka va, dé ka a sɛrɛ, dé ka bale bɛnu bɔ yé ka dia wo ’lɛ, Gakelebale lé bliflile é dan nwa lɛ ka ma yé ka dan zamaga wo lɛ é nya do, tɛrɛ zin lé é a nɔ ka lɛ, a ta.

Weblezannu 1:19

Gakelebale a Judanu va; yé wo gɔ si, naa, wo ’ka bɔ lɛ fɛna pɛblɛɛna munu binle lɛ lo, ’bɛnu lé foliɛwɔlɛ goronu a, ’bɛzama.

Weblezannu 1:34

Amorénu Dan lé munu nyunu é ziin gɔ gi, yé wo ’ka wo vo lɛ wo zun fɛna pɛblɛɛna lo.

Weblezannu 10:7

Gakelebale bli fli Izraɛl ma yé é wo dan Filisitinu valé Amɔn benu lee.

Weblezannu 2:20

Yé Gakelebale bli fli Izraɛl ma, yé é léma: Bɛn ’ko, gipawe lé maa a kɛlɛ wo tranu va, wa sɛrɛ yé wo ’ka an dére lɛdɔ lɛ a ma lo, bɛwemalé bɛn bɛnu lé Jozué wo vo yé é ga,

Weblezannu 3:12

We lé é ’ka sɔ lɛ Gakelebale lɛ lo, Izraɛl lé nénu a kɛlɛ é ziin; Gakelebale plɛplɛ nɔ Moab nwiinzan Églɔn lɛ Izraɛl ma; we lé é ’ka sɔ lɛ Gakelebale lɛ lo, wa kɛlɛ, azama.

Weblezannu 4:2

Gakelebale wo dan Kanaan nwiinzan Jabɛn lé é pla munu nwiin Asɔɔ, a lee. Alé sunyanu nwiinzan a Sizéra nya, yé é nyana Arosɛt‐Goim.