Weblezannu 2:11 - Kazambale lé Sebe Sauunu 1979

¹¹ We lé é ’ka sɔ lɛ Gakelebale lɛ lo, Izraɛl lé nénu a kɛlɛ, yé wo Baalnu bɔ.

Weblezannu 2:11 ပူးပေါင်းရင်းမြစ်များ

Wepélisiananu 13:13

Sɔdɔm munu a nyané, yé woo wenyané blɛnblɛn kɛla Gakelebale ma.

Wepélisiananu 38:7

Juda lé né vininzan Eɛ a mi nyané nya Gakelebale yuɛ gi, yé Gakelebale a gyɛ yé é ga.

1 Minwiinzannu 11:5

Salomɔn go Sidɔn munu lé baleda Asataté valé Amɔn munu lé bozo bale Milkɔm zuo.

1 Minwiinzannu 18:18

Éli a zi pa léé: Maa‐an maa we tɔntɔn bɔ Izraɛl ma lo, bii valé i ti lé munu lé; ka Gakelebale lé bélidɔwe vo yé i go Baalnu zuo, ’bɛzama.

1 Minwiinzannu 22:53

We lé ke é naané Gakelebale yuɛ gi, yee lé é a kɛlɛ, yé é tawo é ti valé é bu koo, Nébat be Jéroboam lé é Izraɛl kɛlɛ wenyané kɛlɛzannu nya koo, wo gane pa gi.

2 Minwiinmunu lé Wezuofe Sɛbɛ 28:2

É tawo Izraɛl nwiinzan blɛnnu lé tawobɛ yɛrama; yé ’bɛ ta loru é Baal foto serelenu kɛlɛ.

2 Minwiinmunu lé Wezuofe Sɛbɛ 28:3

É lasikɔrɔ kyɛ ble Inom munu lé pɛnguru gi, yé é é benu kyɛ ble, bɛngɔnɔnu lé Gakelebale wo bin Izraɛl munu ’lɛ, wolé bozowe kɛlɛbɛ gi.

2 Minwiinmunu lé Wezuofe Sɛbɛ 33:6

É é benu kyɛ ble Inom benu lé pɛngurunu gi; éé ’moné dɔa latinu valé ménénu nya wena yele we ma, é ébo nɔ yokɛlɛle lɛ, yé é munu dɔ miléli laamunu nya, ’té woo tɛlɛ tɛlama we fé. We lé é ke é naané Gakelebale yuɛ gi, Manasé a kɛlɛle gi gyɛ, Gakelebale bli flile we ma.

Ezidras 8:12

Azgad kulunu va, Akatan be Jokanan, ’té gɔné yɔ soru wɔlɛ vu a ’bɛ va;

Néémi 9:26

Naa, duowo, wo péli vɔ i ma yé wo nwa i ma. Wo ilé bélidɔwe vo ’wo bɛ zuo; ilé balelayezannu lé woo we plaan munu lɛ léé, ’wo da i va é ziin, wo wo gyɛ, yé wo i gɔɔn é naané.

Lɛrɛvɔ Sɛbɛ 78:56

Naa, wo Loruzan Bale gi dan, yé wo nwa a ma, Wo ’ka tawo lɛ a dére yɛrama lo,

Jérémi 11:10

Wo nɔla wo tranu vininnu lé wo sɔn vɔ tɔné dɔle ma an dérenu lɛ, wolé weplenu zuo, yé wo go bale bɛnu zuo yé wo ’bɛnu bɔ; anlé gipawe lé maa a kɛlɛ wo tranu va bɛ, Izraɛl munu valé Juda munu a sɛrɛ.

Jérémi 16:11

Yé bé zi pa wo lɛ léma: Gakelebale léma: Ka tranu sɔn vɔ an ma, ’té woo goo bale bɛnu zuo, yé wo wo bɔ yé wo dia wo bli la wo ’lɛ; wo sɔn vɔ an ma yé wo ’ka tawo lɛ anlé bélidɔwe ta lo.

Jérémi 2:20

Ana mɔn ka ka bɔrɔ ma luubale kini Yé ka si luu gi, Yé ka léé: Ko ’ka a va léé, ko vo mi wuozannu nya é dɛrɛ lo; Naa, ka go gɔpanénu faa nwiin Yé ka go yili drɔɔdrɔɔnu faa wuo Yé ka yia wona bélé gɔnégini le zo.

Jérémi 2:23

É kɛlɛ kaa yé ka léé: Ko ’ka ko tiri dɔ lɛ lo, Ko ’ka go lɛ Baalnu zuo loo? ’Ka ka gane paginu nagini gɔ worona, Ka wean kɛlɛ, ’ka bɔn‐in bɔrɔ ’bɛ ma do. Ka a bélé nyɔgɔmé tina lé éé vlan borowo plɛplɛ, ’té éé giéan fɛfaana, a zo.

Jérémi 32:23

Wo da, yé wo tɛrɛ ’ko si wozé nya, naa, wo ’ka i dére lɛdɔ lɛ a ma lo, yé wo ’ka ilé bélidɔwe tawe kɛlɛ lɛ monomono lo; we faa lé i wo béli dɔ a nya léé, ’wa kɛlɛ, wo ’ka a kɛlɛ lɛ lo. Amalé i we tɔntɔnnu faa ’ko bɔ wo ma.

Jérémi 9:14

Wo tawo wo bligiwenu yɛrama, wo go Baalnu zuo, wo tinu a paa wo gi fɛan zo, a yɛrama.

Mi Nɔnɔle 25:3

Izraɛlnu zén wolé bale lé wa laama Baal‐Péɔɔ, a zuo. Yé Gakelebale bli fli wo ma.

Bélidɔwesɛbɛ Fiézan 31:16

Gakelebale lé Moizi lɛ léé: Bé gini, i dan yi gyɛ lɛ i tranu va. Yé munu ’ko é dan nwa lɛ yé bɔrɔdɛ le éé goo gɔnénu zuo fɛan zo, wo dan go lɛ bale bɛnu zuo a zo, tɛrɛ lé wo dan bɔ lɛ a ta, ana. Wo dan sɔn vɔ lɛ an ma, yé anlé gipawe lé maa a kɛlɛ wo va, wo dan a sɛrɛ lɛ.

Bélidɔwesɛbɛ Fiézan 4:25

Dé ka né yaa, dé kalé nénu é né yaa, dé ka mɔn ana tɛrɛ la, dé ka kabo sɛrɛ, dé ka miyili nyaa, dé ka fɛofɛan foto kɛlɛ, we lé ke é naané Gakelebale kalé Bale yuɛ gi, dé ka ’bɛ kɛlɛ yé ka a bli fli,

Weblezannu 10:10

Izraɛl lé nénu siaa Gakelebale lɛ, yé wo léé: Ko wenyané kɛlɛ i ma; ko kozé Bale vo yé ko Baalnu bɔ.

Weblezannu 10:6

Izraɛl lé nénu wo Gakelebale ’namawe kɛlɛ é ziin; Baalnu koo, Asataténu koo, Siri lé balenu koo, Sidɔn lé balenu koo, Moab lé balenu koo, Amɔn benu lé balenu koo, Filisitinu lé balenu koo, wo wo bɔ, yé wo Gakelebale vo, ’té wo ’ka a bɔa é dɛrɛ lo.

Weblezannu 13:1

Izraɛl lé nénu Gakelebale ’namawe kɛlɛ é ziin; yé Gakelebale wo pa Filisitinu lee, lɛɛ yɔ fié wuo.

Weblezannu 3:12

We lé é ’ka sɔ lɛ Gakelebale lɛ lo, Izraɛl lé nénu a kɛlɛ é ziin; Gakelebale plɛplɛ nɔ Moab nwiinzan Églɔn lɛ Izraɛl ma; we lé é ’ka sɔ lɛ Gakelebale lɛ lo, wa kɛlɛ, azama.

Weblezannu 3:7

We lé é ’ka sɔ lɛ Gakelebale lɛ lo, Izraɛl lé nénu a kɛlɛ; wo gi san Gakelebale ma, yé wo Baalnu valé miyilinu bɔ.

Weblezannu 4:1

We lé é ’ka sɔ lɛ Gakelebale lɛ lo, Izraɛl lé nénu a kɛlɛ é ziin Éud gale zuo.

Weblezannu 6:1

Izraɛl lé nénu wo Gakelebale ’namawe kɛlɛ; yé Gakelebale wo pa Madian lee lɛɛ sɔrafié.

Weblezannu 6:25

Alé béli duo nya, Gakelebale lé Jédéɔn lɛ léé: ’I ti lé dirigɔné boroné si, é valé dirigɔné fiézan lé a lɛɛ ke sɔrafié, a nya. Yé Baal banna lé ke i ti zé nya bɛ, bé zana, yé miyili lé ke a ta loru bɛ, bé sɛrɛ.

Weblezannu 8:33

Jédéɔn gale zuo Izraɛl lé nénu kun pɛnpɛnnégyɛle ma Baalnu va é ziin, yé wo Baal‐Bérit si wolé bale nya.

1 Samuɛl 12:10

Wo siaa é ziin Gakelebale lɛ yé wo léé: Ko Gakelebale vo yé ko Baalnu valé Asataténu bɔ, amalé ko wenyané kɛlɛ; sin, ’i ko si ko nyanézannu lee, yé ko dan i bɔ lɛ.

1 Samuɛl 7:3

Samuɛl lé Izraɛl munu faa lɛ léé: Dé ka bli faa nya lé ka da Gakelebale va é ziin, ’ka bɛnnu lé balenu valé Asataténu si ka méléna, ’ka bli drɔ Gakelebale vazia tegele yé ’ka yee do kpen ɛ bɔ; yé é dan ka si lɛ Filisitinu lee.

1 Samuɛl 7:4

Yé Izraɛl lé nénu Baalnu valé Asataténu si wo méléna yé wo Gakelebale do kpen ɛ bɔ.