Weblezannu 2:1 - Kazambale lé Sebe Sauunu 1979

¹ Gakelebale lé lanje do si Gilgal yé é go loru zia Bokim yé é léma: Maa ka si Éjipiti tɛrɛ la yé maa da ka nya, tɛrɛ lé anbo ’nyɔɔn ka tranu lɛ léé, maa dan a nɔ lɛ wo lɛ, a ta. Maa léé, maa ’ka dan anlé gipawe sɛrɛ lɛ ka va monomono lo;

Weblezannu 2:1 ပူးပေါင်းရင်းမြစ်များ

Wepélisiananu 12:7

Yé Gakelebale bɔra Abram va, yé é léé: Maa dan tɛrɛ ’ko nɔ lɛ i kulu é kulu lɛ. Yé Abram Gakelebale banna kɛlɛ, fɛana lé é bɔra a yuɛ va bɛ, ana.

Wepélisiananu 16:13

É léé: Bale lé an yele zuo, an ’ka fɛ do ye lɛ ’ko loo? Bɛwemalé Gakelebale lé ’bɛ we fe a lɛ bɛ, é a tɔ laa Ata‐El‐roi.

Wepélisiananu 48:16

’é valé lanje lé é an si wenaané faa gi, ’wo né ’konu drɔɔ vo ma. ’Wo wo laa an tɔ nya ma, ’é valé an tinu Abraam valé Izak tɔ nya ma. Yé ’wo fan, yé ’wo kɛlɛ di tɛrɛ ’ko la ma.

Lɛrɛvɔ Sɛbɛ 89:3

Naa, maa léé: Ilé zin a é dɔle gligli lɛɛfaama zé nya; I i yarapale we ta dɔ plɛplɛ la gi.

Lɛrɛvɔ Sɛbɛ 89:34

Naa, maa ’ka dan anlé zin si lɛ a lee lo, Yé maa ’ka dan an yara pale we ta nyané kɛlɛ lɛ a lɛ lo.

Fwile 14:14

Gakelebale é dan ka ta guli dan lɛ; yé ’kaa, ’ka vo é tadɔle.

Fwile 14:19

Kazambale lé lanje lé éé tawoo Izraɛl lé sɔkɔndɔna ’lɛ, é si ana yé é go wo zuo; yé lati pɔrɔlɔ lé éé goo wo ’lɛ, é si ana yé é dɔ wo zuo.

Fwile 20:2

Gakelebale, ilé Bale lé é i si luu gi Éjipiti tɛrɛ la, maa a a nya.

Fwile 23:20

Bé ye, maa lanje do nwunvɔ i ’lɛ, i takuunle zia we gi, gole we gi i nya fɛana lé maa a ma’lɛrɛ, ana.

Fwile 33:14

Gakelebale léé: Maabozen é dan go lɛ i va, yé maa dan flinle nɔ lɛ i lɛ.

Ézai 63:9

Wolé kleblele faa gi, lanje‐an wo si we gi lo; naa, Mizan boen ɛ wo tabo, élé sɔlɛle valé nyanaizénle gi é dɔ wo zuo yé é go wo nya yifaama, é li.

Jérémi 14:21

I tɔ lé we ma, té i nyé yéli ko ma lo; Té i tɛrɛ zén ilé webleblin tɔ ta lo. Gipawe lé kaa kɛlɛ bɛ, té i gi é san a ma lo, té bé sɛrɛ lo.

Lévinu 26:42

Gipawe lé maa a kɛlɛ Abraam va, a sele é dan dɔ lɛ an gi, yé gipawe lé maa kɛlɛ Izak va, a sele é dan dɔ lɛ an gi, yé gipawe lé maa a kɛlɛ Jakɔb va, a sele é dan dɔ lɛ an gi, yé tɛrɛ boen sele é dan dɔ lɛ an gi.

Lévinu 26:44

Naa, duowo, dé wa wo nyanézannu lé tɛrɛ la, maa ’ka dan sɔn vɔ lɛ wo ma lo, yé maa ’ka dan serele bo lɛ wo ma fɔɔ yé maa wo nyaa lo, fɔɔ yé maa anlé gipawe sɛrɛ wo va lo; maa a Gakelebale, wolé Bale nya, azama.

Zakari 11:10

Anlé ’blatabinyili lé maa a tɔ pa zin bɛ, maa ’bɛ si yé maa ’bɛ yéli; ’bɛ gi léé, an gi lé maa pa munu faa va bɛ, maa ’bɛ sɛrɛ.

Malasi 3:1

Ka ye, maa dan anlé nwunvɔzan pa lɛ zia; é dan zi ma’lɛrɛ lɛ an ’lɛ. Yé Mizan lé ka ke a naginina, é dan bɔra lɛ ka ma fiaa élé kɔn gi; gipawe dɛrɛ gizan lé ka bli bɔ a ma, yee lé é dan bɛoo bɛ; lai sunyanu lé Gakelebale ɛ fe.

Mi Nɔnɔle 14:34

Fɛan zo lé ka vo tɛrɛ naginina yi yɔ fié wuo, a zo duo lé ka dan lɛɛ yɔ fié kɛlɛ lɛ kalé weplenu ma, yi do lɛɛ do; yé dé ’é kɛlɛle ka va vuru ka ma, ka dan we ’ko dɔɔ lɛ.

Bélidɔwesɛbɛ Fiézan 1:8

É lé yi la léé, ’é tɛrɛ ’ko faa nɔ ka lɛ; ’ka go, tɛrɛ lé ’yee Gakelebale a fe ébo ’nyɔɔnle nya léé, é dan a nɔ lɛ ka tranu Abraam koo, Izak koo, Jakɔb koo, wo lɛ, wo valé ’wo kulunu lɛ, ’ka go a si kazé nya.

Bélidɔwesɛbɛ Fiézan 4:34

Bale do éé kwa kulian léé, ’é bɛn do sié bɛn do méléna bélé fɛan zo lé é ka sié ’ko, a zoo? yé wo kɛlɛ ézé nya, mi gidanle koo, tɔmasenu koo, gyɛzorowenu valé gulidanlenu koo, wo nya, ’té éé bɛ soian, ’té éé bɛ plɛplɛ nagɔɔn‐an, ’té éé di kinié mi gi wenu kɛla, fɛan zo lé Gakelebale, kalé Bale a kɛlɛ ka lɛ Éjipiti tɛrɛ la yé ka a ye ka yuɛ nya, a zoo?

Bélidɔwesɛbɛ Fiézan 7:9

Amalé, ka gi dɔɔ léé, Gakelebale, kalé Bale ɛ ke Bale nya; yarapawela Bale ’ko, munu lé é sɔ wo lɛ, ’té wo alé bélidɔwenu kɛla, éé dɔa élé gipawe ta, yé a nyanai éé zén‐é wo ta fɔɔ yé é bɔ wo kulu wuru soruzan ma.

Jozué 3:10

Jozué léma: Bale yuɛmale a ka méléna, yé Kanaannu koo, Étinu koo, Éévinu koo, Férézinu koo, Giigazinu koo, Amorénu koo, Jébusinu koo, é dan wo bin lɛ ka ’lɛ; ka dan ’bɛ gi dɔɔ lɛ ’ko zo:

Weblezannu 11:24

Fɛ lé izé bale Kémɔs a nɔ i lɛ izé nya, é ’ka dan kɛlɛ lɛ izé nya loo? Yé fɛ faa lé Gakelebale, kozé Bale a nɔ ko lɛ, é ’ka dan kɛlɛ lɛ kozé nya loo?

Weblezannu 13:2

Soréa mi do ana, Dan kululazan nya, wa laama Manoas. A na a sɔnzan nya yé é ’ka né yaa lɛ lo.

Weblezannu 13:3

Gakelebale lé lanje do bɔra lezan va yé é lé a lɛ léé: Bé ye, bii a sɔnzan nya yé ilé né ’ka lo; i dan bɔn si lɛ yé i dan né yaa lɛ gɔné nya.

Weblezannu 2:5

Wo fɛna ’ko tɔ pa Bokim, ’bɛ gi léé, wuvɔzannu, yé wo Gakelebale ban ana.

Weblezannu 6:8

Gakelebale balelayezan do pa Izraɛl lé nénu lɛ zia. É lé wo lɛ léma: Gakelebale, Izraɛl lé Bale léma: Maa ka bɔra Éjipiti tɛrɛ la yé maa ka si luubale gi.