Weblezannu 19:22 - Kazambale lé Sebe Sauunu 1979

²² Wo gi a é nanale bléyian va, bé ye, flamunu, mi vɔnlenu, wo kɔn zi lɛ sɔɔ yé wo duoli gyɛ, yé wo lé kɔnzan, gɔné kwa, lɛ léé: Gɔnézan lé é da i va, bé bɔra ’ko, kolé a dɔɔle gɔné nya we gi.

Weblezannu 19:22 ပူးပေါင်းရင်းမြစ်များ

1 Minwiinzannu 21:10

yé ’ka mi naané fié dɔ a yara yé ’wo we fe a ma léé, é bale pa Bale valé minwiinzan blɛn ma. A zuo ’ka go a nya béera, ’ka gɔlɛ vuli a va yé ’é ga.

Ézékiɛl 16:46

I buru segele lé ke i bɛbola, yee lé ke Samari valé é lunu nya; yé i zuan lezan lé ke i bɛyila, Sɔdɔm valé é lunu lé.

OZÉ (Osée) 10:9

’Kaa Izraɛlnu, é sia we lé é bɔ yi la Gibéa, a ma, ka wenyané kɛla, yé ka a yifaama ka dɔbɛ gi. Guli lé é bɔ yi la Gibéa, é ’ka wenyanékɛlɛmunu gyɛ lɛ loo?

OZÉ (Osée) 9:9

Wa é vɔnle bélé we lé é bɔ Gibéa yi la, a zo; wolé weple sele é dan dɔ lɛ Gakelebale gi, yé é dan we lɛdɔ lɛ wo gi wolé wenyanénu ma.

1 Korent munu 6:9

Ka ’ka a gi dɔɔa léé, mi plenu ’ka dan tɔnɔ ble lɛ Kazambale lé fuatɛrɛ la lo loo? Té ka saan we ’ko gi lo. Pɛnpɛnnégyɛzannu koo, miyilibɔzannu koo, le bɛ valé gɔné bɛ ginizannu koo, wizowe kɛlɛmunu koo, wevɔnle kɛlɛmunu koo,

2 Korɛnt Munu 6:15

Krist valé Bélial dére éé sɔa doo? Mi lé a bli ’ka é pale lo, ’bɛ éé dɔa blipazan lé we gii?

Bélidɔwesɛbɛ Fiézan 13:13

mi sɛrɛlenu nwa wo méléna, yé wo flamunu ’wuo sɛrɛ a fele nya léé, kaa go, kaa bale bɛnu bɔ, ’té ka ’ka ’bɛ balenu dɔɔa lo,

SEBE LÉ JUD A GYE (Épitre de Jude) 1:7

Yé Sɔdɔm koo, Gɔmɔɔ koo, wo sɔnɔ flanu koo, wolé we sele ’é dɔ ka gi é ziin. Wenyané lé lanjenu a kɛlɛ, wo yee wenyané duo kɛlɛ; gɔnénu go gɔnénu va, yé lomu go lomu va, ’té woo pɛnpɛnné gya; sin wo kyɛ a blena, kyɛ lé é ’ka dirian monomono lo, a va; Bale we ’ko kɛlɛ léé, dé munu wo ye, yé wo bɔn‐in ’é kini yé wo ’ka we kɛla bélé wozé zo lo. We ’ko sele ’é vo ka gi ma.

Weblezannu 16:25

Wo gi nanale zi wo léé, ’wo Samsɔn laa léé, ’é zana gyɛ ’wo lɛ. Wo Samsɔn si bokɔn gi yé é zana gyɛ wo lɛ. Wa dɔ kɔnwɛyili méléna.

Weblezannu 20:5

Gibéa munu nwa an ma, yé kɔn lé maa ke a gi, wa zi lɛ sɔɔ é béli. Wa a va léé, ’wo an gya, yé wo glawe kɛlɛ an na va yé é ga.

Weblezannu 20:6

Maa an na si yé maa a wi kini ékema, yé maa wo pa zia Izraɛl lé tɛrɛ faa la; wo wenyané kɛlɛ yé wo pɛnpɛnné gyɛ Izraɛl, azama.

1 Samuɛl 1:16

Té i an ye le vɔnle nya lo, naa, an bli kyɛ dɔle lé é gié é glɛ la valé yara lé an gyɛle ɛ bléyi ’ko bɔ an ma bazorona.

1 Samuɛl 10:27

Naa, mi vɔnlenu ana duowo, yé wo léé: I! ɛɛ, mi ’ko ɛ ko sié we gii? Yé wo nyé yéli a ma, yé wo ’ka da lɛ blɛfɛ nya a lɛ lo. Naa, Saul é tɔné sia ’bɛnu dére ta.

1 Samuɛl 2:12

Éli benu a mi vɔnlenu nya yé wo ’ka Gakelebale dɔɔa lo.

1 Samuɛl 25:25

Té anzan é mi ple, Nabal ’ko lé we pa é bli gi lo, naa, éé we kɛla bélé é tɔ zo; a tɔ lé Nabal yé ’tu a gyɛ. Yé maa, i wuo le, munu lé anzan a pa zia maa ’ka wo ye lɛ lo.