Weblezannu 18:2 - Kazambale lé Sebe Sauunu 1979

² Dan kulunu wo gɔnɔla nyanazannu soru si, yé wo wo pa zia, ’wo si Soréa valé Esitaol, giéle tɛrɛ la valé a naginile we gi. Wo lé wo lɛ léé: ’Ka go, ’ka tɛrɛ nagini. Wo bɔ Éfraim gɔ ma Mika lé kɔn ’léé yé wo yi gyɛ ’bɛna.

Weblezannu 18:2 ပူးပေါင်းရင်းမြစ်များ

Wepélisiananu 42:9

Nyɛnu lé Jozɛfu a gyɛ, ’té a bwenu lé we ke a gi, a sele dɔ a gi. Yé é lé wo lɛ léma: Mimavɔɔzannu lé ke ka nya. Fɛana lé tɛrɛ ke é tuale, ka da a nagini lɛ.

Wegɔnévɔlenu 20:18

’Wuogibɔrɔwenu lɛ éé sɔɔan weplale ɛ nya; ’i guli dan yuɛgi kinile nya.

Mi Nɔnɔle 13:17

Moizi wo nwunvɔ Kanaan tɛrɛ naginile we ma. É lé wo lɛ léé: ’Ka gié ’ko, yirinwana bɛyilazia, yé ’ka gɔ gié.

WENÉNÉ LÉ LUK A GYE (Évangile selon Luc) 14:31

Taa, minwiinzan kyɛn lé, dé é a gona guli dan lɛ minwiinzan bɛ va, é ’ka nyanaan yé é ’wuo gi bɔrɔ é vinin loo? Yé é léé, ’ézé munu a mi baa soru, yé mi lé é dan guli dan lɛ ’é va bɛ, azé munu a mi baa vu, dé ’é sɔa a nyaa?

Jozué 15:33

Fɛna pɛblɛɛna: Esitaol koo, Soréa koo, Asina koo,

Jozué 19:41

Wolé tɛrɛ glɛ si flanu lé ke Soréa koo, Esitaol koo, Ii‐Sémɛs koo,

Jozué 2:1

Wa Sitim, yé Nɛn be Jozué mimavɔɔzannu fié nwunvɔ kyeen gi yé é lé wo lɛ léé: ’Ka go, ’ka tɛrɛ nagini, naa, ’ka go Jériko bozen na. Wo go, yé wo bɔ bɔrɔdɛ le do lé wa laama Raab, alé kɔn ’léé, yé wo yi gyɛ ’bɛna.

Jozué 2:2

Jériko munu lé wo nwiinzan lɛ léé: Bé ye, Izraɛlnu da é béli ’ko, tɛrɛ naginile we gi.

Weblezannu 13:2

Soréa mi do ana, Dan kululazan nya, wa laama Manoas. A na a sɔnzan nya yé é ’ka né yaa lɛ lo.

Weblezannu 13:25

Yé Gakelebale Léli kun we kɛlɛle ma a nya Masané‐Dan, Soréa valé Esitaol méléna.

Weblezannu 16:31

A bwenu valé a ti lé kɔngimunu faa go tɛrɛ zia yé wa si yé wo goan. Wo go loru é ziin aan wo, wa pa Soréa valé Esitaol méléna, a ti Manoas lé mipana. É kɛlɛ Izraɛl ta weblezan nya lɛɛ yɔ do wuo.

Weblezannu 17:1

Mi do ana Éfraim gɔ ma, wa laama Mika.

Weblezannu 18:11

Dan kululazannu wuru yaa si Soréa valé Esitaol gulidanfɛnu nya wo lee.

Weblezannu 18:13

Wo si bɛ yé wo go Éfraim gɔ ma, yé wo bɔ Mika lé kɔn ’léé.

Weblezannu 18:3

Wo bɔ Mika lé kɔn sɔnɔ aan wo, wo Lévi mi boroné dére dɔɔ yé wo bié yé wo lé a lɛ léé: De ɛ da i nya ’koo? I a mɛ kɛlɛna fɛ ’konaa? Mɛ fɛ ɛ ke i lee ’koo?

Weblezannu 18:8

Wo nɔla wo bwenu va Soréa valé Esitaol yé wo bwenu lé wo lɛ léé: Ka sina nii?

Weblezannu 19:1

’Bɛ bléyi va ’té minwiinzan ’ka Izraɛl tɛrɛ la lo, Lévi mi do lé éé nyanaan Éfraim gɔ glɛ mun ma, é bwɛ ble le do va Bɛtléɛm, Juda tɛrɛ la.

Weblezannu 19:18

É a zi pa léé: Ko si Bɛtléɛm, Juda tɛrɛ la, yé ko a gona Éfraim gɔ glɛ mun ta; ana lé an si. An go Bɛtléɛm, Juda tɛrɛ la é vinin, yé sin maa a gona Gakelebale lé kɔn ’léé. Naa, mi do kpen ’ka an bɛn si lɛ lo.