Weblezannu 18:10 - Kazambale lé Sebe Sauunu 1979

¹⁰ Dé ka wɔra ana, ka dan bɔ lɛ munu lé wo gi ke é sanle wobo ma, wo ma. Tɛrɛ a blɛɛn yé Bale a pa ko lee; é a tɛrɛ lé, tɛrɛlafɛ do kpen ’ka vuruan a ma lo, a nya.

Weblezannu 18:10 ပူးပေါင်းရင်းမြစ်များ

Fwile 3:8

Maa zun wo sile Éjipiti munu lee we ma, wo sile tɛrɛ ’ko la yé ’wo go tɛrɛ blɛn zima ta we gi, wo gole tɛrɛ nyɔnɔzan ta we gi. Kanaannu koo, Étinu koo, Amorénu koo, Férézinu koo, Éévinu koo, Jébusinu koo, wa é nyanale tɛrɛ ’ko la.

Ézékiɛl 20:6

’Bɛ yi la, maa anbo ’nyɔɔn an bɛ nwale nya léé, maa dan wo si lɛ Éjipiti tɛrɛ la yé ’an go wo nya tɛrɛ do lé maa a si a va wozé nya, a ta; tɛrɛ nyɔnɔzan lé ke é zima é mini tɛrɛnu faa ta, yee lé.

Bélidɔwesɛbɛ Fiézan 2:29

Ézau lé nénu lé wo ke é nyanale Séii tɛrɛ la, a zo lé wa kɛlɛ ko lɛ, yé Moab munu lé wo ke é nyanale Aa, a zo lé wa kɛlɛ ko lɛ é ziin. ’Kaa é ziin, ’ka zi nɔ ko lɛ, fɔɔ yé ko Juudɛn yuu kini yé ko bɔ tɛrɛ lé Gakelebale, kolé Bale a nɔ ko lɛ, ana.

Bélidɔwesɛbɛ Fiézan 4:1

Sin, Izraɛl munu, bélidɔwenu valé gɔnɔlawenu lé maa a gona paana ka gi bɛ, ’ka tɔné dɔ wo lɛ. ’Ka wo ta tawo, ka vole é yuɛma we ma yé tɛrɛ lé Gakelebale, ka tranu lé Bale, a nɔ ka lɛ, yé ’é kɛlɛ kazé nya.

1 Timoté 6:17

Munu lé tɛrɛ ’ko la fɛnu ke wo lee, ’i we pla wo lɛ léé, té wo kɛlɛ boblɛnzannu nya lo, yé fuafɛnu lé woo giéan, té wo bli é vo ’bɛnu lɛ lo, naa, Kazambale lé éé fɛnu faa no kaa lɛ di, ’té kaa gi éé nanaan ’bɛnu lé we ma bɛ, wo bli ’é vo ’bɛ ɛ lɛ.

Jozué 2:23

Mi fié nɔla, yé wo gɔ zun, yé wo Juudɛn yuu kini. Wo go Nɛn be Jozué va, yé wo ’wo zuo faa fe a lɛ.

Jozué 2:24

Wo lé Jozué lɛ léé: Gakelebale tɛrɛ ’ko faa nɔ ko lɛ weboen nya. Yé gligli zén ana tɛrɛlamunu faa gi kolé we ma.

Jozué 6:16

A gɔnɔ sɔrafiézan nya, Balebanzannu béli fɛn aan wo, Jozué lé munu lɛ léé: ’Ka siaa plɛplɛ, naa, Gakelebale fla nɔ ka lɛ.

Weblezannu 18:11

Dan kululazannu wuru yaa si Soréa valé Esitaol gulidanfɛnu nya wo lee.

Weblezannu 18:27

’Bɛ zo lé, fɛ lé Mika a kɛlɛ, é valé balebanzan lé ke alé kɔn gi, wo wo si, yé wo baa Lais munu ta, munu drɔɔ lé wo gi ke é sanle wobo ma, wo baa wo ta; wo wo gyɛ gwɔun nya, yé wo fla kyɛ ble.

Weblezannu 18:7

Gɔné soru go yé wo bɔ Lais. Wo ana munu ye, ’té wa é nyanale duaa é pla, Sidɔn munu nyanabɛ gi, ’té wa drɔɔ, ’té wo gi a é sanle wobo ma; yé mi do kpen ’ka wolé tɛrɛ la yé ’bɛ é wenyané kiiéné kɛla wo lɛ yé ’bɛ é pla wo nwiin lo; wa Sidɔn munu ma baa, yé wo ’ka goo mi bɛnu va lo, yé mi bɛnu ’ka dan wo va lo.

Weblezannu 18:9

Yé wa zi pa léé: Kaa go, kaa nwa wo ma; naa, ko yee tɛrɛ ye, yé bé ye, é a é zima é baba. Mɛmalé ka ’ka wé loo? ’Ka zi sia é kele, kaa go tɛrɛ si kaazé nya.