Weblezannu 17:10 - Kazambale lé Sebe Sauunu 1979

¹⁰ Mika lé a lɛ léma: ’I vo an va; ’i kɛlɛ an ti valé anlé balebanzan nya yé maa gɔɔlifu sikla vu nɔ i lɛ lɛɛ do do gi, é valé sɔ lé i mawe ke a gi koo, fɛblele koo, wo nya. Yé Lévi mi wɔra a va.

Weblezannu 17:10 ပူးပေါင်းရင်းမြစ်များ

Wepélisiananu 45:8

Ka‐an ka an pa zia ’ko lo; naa, Kazambale ɛ kɛlɛ. É an kɛlɛ Faraɔn ti nya; é an kɛlɛ alé kɔngimunu faa zan nya, yé é an kɛlɛ é ziin Éjipiti tɛrɛ faa tere ta gbɔrɔnama nya.

2 Minwiinzannu 13:14

Élizé gyɛgyɛ vɔ ’é ma, yé Izraɛl nwiinzan blɛn Joas go a va yé é wuvɔ a yara, yé é léé: An tioo, an ti. Izraɛl lé goro valé alé wisootazannu!

2 Minwiinzannu 2:12

Élizé a naginina, ’té éé siaan: An tioo, an ti! Izraɛl lé goro valé alé wisoonu! Yé é ’ka a ye lɛ é dɛrɛ lo. É kun élé sɔnu ma yé é wo fia fié,

2 Minwiinzannu 6:21

Izraɛl minwiinzan wo ye aan wo, é lé Élizé lɛ léé: An ti, ’maa wo gyɛɛ? maa wo gyɛɛ?

JOB (Job) 29:16

Maa a nyanaizénlazannu ti nya, Yé maa mi planu lé we yuɛ gi bo;

Ézai 22:21

maa dan ilé varɔ zén lɛ a ta, yé maa dan ilé kyɛsidi dɔ lɛ a gyɛn. Maa dan ilé se kɛlɛle nɔ lɛ a lɛ; é dan kɛlɛ lɛ Jérusalɛm valé Juda munu ti nya.

Ézékiɛl 13:19

Ka an tɔ sɛra anlé munu va, sɔnmlén bɛ nya kenu valé buru kuru kenu yele we ma, ’té munu lé é ’ka lé wo ga lo, ’té ka wo gya, yé ’té munu lé é ’ka lé wo vo é yuɛma lo, ’té ka wo voo é yuɛma. ’Bɛ zo wenu kɛlɛle nya lé anlé munu lé woo tɔné dɔa viéwenu lɛ, ka wo saan.

Matio 26:15

Mɛ fɛ lé ka dan a nɔ lɛ an lɛ yé maa Jézu pa ka lee? Yé wo gɔɔlifu yɔ do wɔlɛ vu nɔ a lɛ.

WENÉNÉ LE JAN A GYE (Évangile selon Jean) 12:6

É ’ka kɛlɛ lɛ léé, nyanégyɛmunu lé we gi bɔrɔ a a ma, ’bɛ we ma lé é a fe lo; kyeenzan lé ke a nya; kolé gɔɔlipabala a yee ɛ lee, yé fɛ lé ko paan a gi, éé ’bɛ sié, bɛwemalé é a fena.

1 Timoté 6:10

Naa, bli bɔle gɔɔli ma a wenyanénu gɔnɔ faa suni do nya, yé mi kenu si Kazambale lé we gi bli bɔle gɔɔli ma we ma, yé wo ’wobozen vɔ nyané plɛplɛnu gi.

1 Piɛri 5:2

Kazambale lé trubɛnu lé é wo bɛ pa ka lee, ’ka wo pa é zima ma; té ka a kɛlɛ gla nya lo, ’ka kɛlɛ bli drɔɔ nya; té ka kɛlɛ fɛ yele wo nwiin we ma lo, naa, ’ka kɛlɛ wo sɔle ka lɛ we ma;

Weblezannu 17:11

’Bɛ zo lé é a nyi si léé, ’é nyana mi ’ko lé ’bɛ a si bélé é be do zo, a va.

Weblezannu 17:9

Mika lé a lɛ léé: I si kyɛɛn? É a zi pa a lɛ léé: Maa a Lévi mi nya, an si Bɛtléɛm, Juda tɛrɛ la, yé maa a gona fɛ lé ana sɔ an lɛ, a nagini lɛ, yé an nyana ana.

Weblezannu 18:4

É a zi pa wo lɛ léé: Mika éé we ’ko valé we ’ko kɛla an lɛ, éé an gooli paan yé maa kɛlɛ alé balebanzan nya.

1 Samuɛl 2:36

Yé dé i gɔnɔlazan‐oo zan‐an vo, é dan dia lɛ é yara a ’lɛ, gɔɔli wɔlɛ do valé buru kuru do yele we ma, yé é dan a fe lɛ léé: ’I Bale lé nyanama kiéné nɔ an lɛ, maa a pa, fɛblele kiéné yele we gi.