Weblezannu 16:25 - Kazambale lé Sebe Sauunu 1979

²⁵ Wo gi nanale zi wo léé, ’wo Samsɔn laa léé, ’é zana gyɛ ’wo lɛ. Wo Samsɔn si bokɔn gi yé é zana gyɛ wo lɛ. Wa dɔ kɔnwɛyili méléna.

Weblezannu 16:25 ပူးပေါင်းရင်းမြစ်များ

2 Samuɛl 13:28

Abusalɔm é wuomunu faa béli dɔ léé: ’Ka yuɛ pa Aminɔn va, yé dé a gi nana nwɛ minile ma, dé maa fe ka lɛ léé, ’ka Aminɔn gyɛ, ’ka gyɛ; té ka kana lo; maa‐an maa fe loo? ’Ka dɔ gligli yé ’ka gɔnéwe nagɔɔn.

1 Minwiinzannu 20:12

Bɛn‐Adad we zi pa dére ’ko ’ma bléyian va, ’té é a nwɛ minina minwiinzannu va sɔkɔnnu wuo, yé é lé é wuomunu lɛ léé: ’Ka ma’lɛrɛ! Kaa bɔra fla mi.

Esitɛɛ 1:10

Miblale sɔrafié ana, woo minwiinzan blɛn Asuérus lé nyanama paan. Méuman koo, Bizta koo, Aabona koo, Bigita koo, Abagita koo, Zétaa koo, Kaaka koo, woo lé. Minwiinzan blɛn dɔrɔ minile sia é bɔ a yi sɔrafiézan ma, ’té nwɛ a a gyɛna yé a gi nana.

Esitɛɛ 3:15

Vlanburuzannu go é kelekele minwiinzan blɛn dére ta. Wo bélidɔwe ’ko zana dɔɔ fla blɛn Suz na é ziin. Bléyian va lé minwiinzan blɛn valé Aman a nwɛ minina, ’bɛ bléyi va fla blɛn Suz dɔ é gane ta.

Lɛrɛvɔ Sɛbɛ 69:12

An bɔlɔ zén‐é an ta varɔ nya, Yé woo an ze vɔa an yuɛ ta é pla.

Lɛrɛvɔ Sɛbɛ 69:26

Wo nyanana ’é sɛrɛ tata ma, Té mi do kpen é kɛlɛ wolé kɔn gi é dɛrɛ lo.

Ézai 22:13

I yua, wa zanagyɛna, ’té wo gi éé nanaan, ’té woo dirinu bɔrɔ boo, ’té woo ’blanu gya, ’té woo wi blé, ’té woo nwɛ minian, yé wo léé: Kaa fɛ ble, kaa nwɛ mini, naa, tɛlɛ, kaa dan ga lɛ.

Matio 27:29

Wo lélinu vuru ékema yé wa wo a ’wuo ma alé tɔkoro nya, yé wo gyan do pa a bɛyi lee yé wo powuo zun a ’lɛ, yé wa ma we nana a fele nya léé: Juifinu nwiinzan blɛn, i nyɔn‐o.

Ébrunu 11:36

A kenu wo ’wuo dɔ ’wo ma we nanalenu koo, plén koo, gɔgɔbalenu koo, bokɔn koo, wo wuo.

Weblezannu 16:24

Munu Samsɔn ye aan wo, wo ’wolé bale bɔ a fele nya léé: Ko nyanézan lé é kolé tɛrɛ sɛrɛ yé é kolé mi kiɛre gyɛ, kolé bale a pa ko lee.

Weblezannu 16:26

Samsɔn lé pɛniɛ lé ’bɛ kun a bɛ ma, a lɛ léé: ’I daan an ma léé, an mane kɔnwɛyilinu lé kɔn ke wo ta, wo ma, yé maa tɛn wo ma.

Weblezannu 18:20

Balebanzan gi nana; éfɔdi koo, térafimnu koo, miyili nyaale koo, é wo si yé é go wo zuo.

Weblezannu 19:6

Yé wo nyana yé wo fiénu fɛ ble yé wo fɛ mini ékeva. A zuo le boroné ti lé a zana lɛ léé: ’I yii é ziin, yé i gi ’é nana.

Weblezannu 19:9

A lu zana nwa gole we gi é na valé é wuozan nya; naa, a na ti, le boroné ti lé a lɛ léé: Bé ye, nyanadi pa, yiri bɔ baa, amalé ’i yii; bé ye, yiri bɔ pɔrɔ la, ’i yii ’ko yé i gi ’é nana; tɛlɛ, ’ka nwa bladi tutu yé ’ka zi sia yé i go ilé sɔkɔn ’léé.

Weblezannu 9:27

Wo go féi yé wo ’wolé dɔrɔporo so, yé wa ’yi boro yé wobo nɔ gi nanale lɛ; wo go ’wolé bale lé kɔn gi, wo fɛ ble yé wo fɛ mini yé wo bale pa Abimélɛk ma.