Weblezannu 15:14 - Kazambale lé Sebe Sauunu 1979

¹⁴ Wo bɔ Lési aan wo, Filisitinu da a si lɛ zia siaale nya. Yé Gakelebale Léli a kun. Balenu lé ke a bɛ ma, wo kɛlɛ bélé wa kyɛ ble, a zo, yé wo si a bɛ ma yé wo dia.

Weblezannu 15:14 ပူးပေါင်းရင်းမြစ်များ

Lɛrɛvɔ Sɛbɛ 118:11

Wo an zi lɛ sɔɔ; wo diri an zi; Gakelebale tɔ nya, maa wo wi kinié ékema.

Lɛrɛvɔ Sɛbɛ 18:34

Éé an ganenu kɛla bélé ’kla zé zo, Yé éé an dɔa gligli gɔnu nwiin.

Fwile 14:3

Faraɔn é dan a fe lɛ Izraɛl lé nénu ma léé, wa é saanle ana tɛrɛ la; bwi wo zi lɛ sɔɔ.

Fwile 14:5

Wa fe Éjipiti mununwiinzan blɛn lɛ léé, munu vlan buru. Yé Faraɔn valé é wuomunu bli nɔla munu lé we ma. Wo léé: Mɛ ɛ kɛlɛ ko lɛ yé ko daan Izraɛl ma, wo go, yé wo ’ka kolé nyanama paan é dɛrɛ loo?

Misé 7:8

An nyanézan, té i gi é nana anlé we ma lo ma. Naa, dé an dia, an dan nwa lɛ. Dé maa a é nyanale gunutinu va, Gakelebale é dan kɛlɛ lɛ an vakinifɛ nya.

Zakari 4:6

Yé é lé an lɛ léé: Dére lé Gakelebale a fe Zorobabɛl lɛ, yee lé ke ’ko: Gakelebale léma: Mi lé plɛplɛ valé mi lé glawe ’ka we kɛla lo; naa, an Léli ɛ we kɛla.

Filip munu 4:3

Yé bii é ziin, an bɔluzan yarapawelazan, iin, ilé zanté, naa, lomu lé wo pa an va Wenéné fele lé guli danna bɛ, wo valé Kléman koo, an va nyanama pa béé bɛnu lé wo tɔ ke é gyɛle mi bélilenu tɔ gyɛlasɛbɛ gi koo, ’i bɔ wo va.

Weblezannu 14:19

Gakelebale Léli a kun yé é go tɛrɛ zia Azkalɔn. É mi yɔ do wɔlɛ vu gyɛ ana yé é wo poro yé é wolé sɔnu nɔ munu lé wo alé tɔraléé gi fe, wo lɛ. A bli fli, yé é go loru é ti lé kɔn ’léé.

Weblezannu 14:6

Gakelebale Léli Samsɔn kun; yé Samsɔn golizra wi kini ékema bélé fɛan zo lé woo boliné wi kinié ékema, a zo, ’té fɛ do kpen ’ka a lee lo. We lé é a kɛlɛ, é ’ka a fe lɛ é ti valé é bu lɛ lo.

Weblezannu 15:13

Wa zi pa a lɛ léé: Iin, ko ’ka dan i gyɛ lɛ lo. Ko a a va léé, ko i yere é pla yé ko i nɔ wo lɛ. Yé wa yere bawɔrɔ dɛrɛ fié nya, yé wa bɔra gɔlɛ gi.

Weblezannu 15:9

Yé Filisitinu go yé wo sɔkɔnnu dɔ Juda tɛrɛ la yé wo zanale sia fɔɔ yé é bɔ Lési.

Weblezannu 16:12

Délila bale dɛrɛnu si yé é Samsɔn yere wo nya. ’Bɛ zuo é lé a lɛ léé: Samsɔn, Filisitinu baa i ta! ’Té munu a é yɔɔle ana bɛ kɔnmi zi. É balenu kini é bɛnu nya bélé kununu bawɔrɔ nɛnɛle do zo.

Weblezannu 16:24

Munu Samsɔn ye aan wo, wo ’wolé bale bɔ a fele nya léé: Ko nyanézan lé é kolé tɛrɛ sɛrɛ yé é kolé mi kiɛre gyɛ, kolé bale a pa ko lee.

Weblezannu 16:9

’Té munu a é yɔɔle lezan va, kɔnmi zi. Délila lé a lɛ léé: Samsɔn! Filisitinu baa i ta. Yé é balenu kini bélé dé balenɛnɛle fi do bié kyɛ ma éé kinié fɛan zo, a zo. Yé wo ’ka a plɛplɛ sina dɔɔ lɛ lo.

Weblezannu 3:10

Gakelebale Léli a a ta. É kinin Izraɛl lé weblezan nya, yé é go guli dan lɛ. Gakelebale Mézopotami nwiinzan Kusan‐Riséataim pa a lee, yé a bɛ plɛplɛ mini Kusan‐Riséataim lɛ.

Weblezannu 5:30

Wo ’ka gulizarafɛnu ye lɛ é wo loo? wo ’ka a guli lɛ loo? Blɛn boroné do, blɛn boroné fié, mi do do zé nya, Sɔ yuɛɛ kiɛre a Sizéra zé gulizarafɛ nya. Pɛɛgyɛlasɔ yuɛɛ kiɛre, sɔ yuɛɛ kiɛre do, Pɛɛgyɛlasɔ, sɔ yuɛɛ kiɛre fié, Wa guliwuovolɛzan zé gulizarafɛ nya.

1 Samuɛl 10:10

Wo bɔ Gibéa aan wo, wo kee balelayezannu palu do nya. Bale Léli a kun yé é balelawe fe wo va.

1 Samuɛl 10:6

Gakelebale Léli é dan i kun lɛ, i dan balelawe fe lɛ wo va, yé i dan nɔla lɛ mi bɛ nya.

1 Samuɛl 11:6

Saul we ’konu ’ma tɔɔn, Bale Léli a kun yé a bli fli é baba.

1 Samuɛl 17:35

maa vlan buruwo a zuo yé maa a gya, yé maa ’bla sié a lɔ ma. Dé é nwa an ma, maa a kunwo é bɔrɔ ma yé maa a gya yé éé gaan.

1 Samuɛl 4:5

Gakelebale lé gipawe pagikɛsu da sɔkɔn dɔna bléyian va, Izraɛl faa siaa plɛplɛ gi nanale nya fɔɔ yé tɛrɛ ma nyɔɔn a we ma.