Weblezannu 13:20 - Kazambale lé Sebe Sauunu 1979

²⁰ Kyɛnɛnɛ nwa balebanna ta la gi zia aan wo, Gakelebale lé lanje nwa yé é go loru balebanna lé kyɛnɛnɛ méléna. Wo we ’ko ye tɔɔn, Manoas valé é na dia wo bli la tɛrɛ va.

Weblezannu 13:20 ပူးပေါင်းရင်းမြစ်များ

Wepélisiananu 17:3

Abram dia é bli la yé Kazambale we fe a lɛ yé é léé:

2 Minwiinzannu 2:11

Wo vo tawona ’té woo glewoo tɔɔn, kyɛgoro valé kyɛwisoonu woo mi fiénu kini ékema yé barikoko go Éli nya la gi.

Minwiinzannu lé Wezuofe Sɛbɛ 21:16

David é yara nwa loru yé é Gakelebale lé lanje ye é dɔle tɛrɛ valé la méléna, ’té gwɔun a a lee ’é soile Jérusalɛm vazia. Yé David valé mi segelenu dia ’wo bli la, ’té bɔlɔ a é zénle wo ta.

Minwiinzannu lé Wezuofe Sɛbɛ 21:21

David bɔ aan wo Oonan sɔnɔ, Oonan a nagini, yé é David ye; yé é si ’sa sunwona yé é dia é bli la David ’lɛ, ’té a yara a tɛrɛ va.

Minwiinzannu lé Wezuofe Sɛbɛ 21:26

David Gakelebale banna kɛlɛ ’bɛna, yé balebanwi lé wa kyɛ blé, é ’bɛ valé bɔvɔ sarakanu bo Gakelebale lɛ. É Gakelebale tɔ laa, yé Gakelebale a zi pa kyɛ nya, é si la gi yé é zun balebanna lé woo wi kyɛ blé a ta, a ta.

Lɛrɛvɔ Sɛbɛ 47:5

É fɛna si a va kozé nya, Jakɔb lé é sɔ a lɛ, alé fua lé. Ka ye do.

Ézékiɛl 1:26

Fɛna pla lé é ke wo ’wuo ta loru, ’bɛ ta loru fɛ do ana; é a bélé safiigɔlɛ zo. ’Té a zi a bélé webleblin zo. Yé webleblin ’ko ta, fɛ do ana bélé mi zo, ’té é a é dɔle a ta loru.

Ézékiɛl 1:28

San bile nyananyana ’ko lé wa yé a zi, é a bélé bɔmlɛ lé wa yé lati gi lɛɛ dayi la, a zo. Yuɛzi we ’ko é a Gakelebale lé fuasan foto do nya. Dé maa a ye tɔɔn, an dia an bli la, yé maa mi do dére ’ma.

Daniɛl 10:9

Maa a dérenu ’ma; maa a dérenu ’ma aan wo, an dia an bli la, yé an zɔrɔ.

Lévinu 9:24

Kyɛ si Gakelebale va yé é balebanwi valé winyɔnɔ ble balebanna ta. Munu faa ’bɛna ye; yé wo siaa ginanale nya, yé wo dia ’wo yara.

Matio 17:6

A zuomunu dére ’ko ’ma aan wo, wo dia ’wo bli la yé kana blɛn zén wo gi.

Ébrunu 1:3

Bale Be a Bale lé fuasan nya, yé é a Bale bozen nagɔɔnle nya yé a dére plɛplɛ éé fɛ faa kunwo ékema. Dé é nyaa kɛlɛle nya wenyané nyaafɛ nya faa, é nyana fuaneé Bale bɛyila la gi loru.

Weblezannu 6:19

Yé Jédéɔn go yé é boliné ma’lɛrɛ, yé burunu lé lévɛn ’ka a va lo é a kɛlɛ burupun vlekyɛɛ nya do. É wi pa kyɛɛné gi yé é a wuo ’yi zén bɔ gi, yé é da wo nya térébɛnt yili wuo, yé é wo dɔra a ’lɛ.

Weblezannu 6:21

Yé é a kɛlɛ a zo. Tawomayili lé ke Gakelebale lé lanje lee, é a soi, yé é a ’léé zun wi valé burunu lé lévɛn ’ka a va lo, wo ma. Yé kyɛ bɔra gɔlɛ gi yé wi valé buru lé lévɛn ’ka a va lo, é wo ble. Yé Gakelebale lé lanje ta san a yuɛ va.