Weblezannu 11:31 - Kazambale lé Sebe Sauunu 1979

³¹ dé an nɔla an pai guliwuo nya an lee, dé miomian si anlé kɔn ’léé yé é da an si lɛ zia, maa dan a pa lɛ é yɛrama Gakelebale zé nya, yé maa dan a nɔ lɛ balebanwi lé wa kyɛ blé, a nya.

Weblezannu 11:31 ပူးပေါင်းရင်းမြစ်များ

Wepélisiananu 28:21

dé maa nɔla é ziin an ti lé kɔn ’léé drɔɔ, ’té Gakelebale é dan kɛlɛ lɛ anlé Bale nya;

Ézai 66:3

Dé wa an banna diri nya, an ’bɛ yé bélé migyɛle zo; dé wa saraka bona an lɛ ’bla nya, an ’bɛ yé bélé blén bɔrɔ yélile zo; dé wa blɛfɛ nɔna an lɛ, an ’bɛ yé bélé suru nyɛ zanale zo; dé wa lasikɔrɔpo kyɛ blena an lɛ, an ’bɛ yé bélé miyili banle zo; wo faa bɛ, wo kɛlɛwe sɔ wo lɛ, yé wo gi éé nanaan ’wolé bozowe kɛlɛle ma.

Bélidɔwesɛbɛ Fiézan 23:18

Dé i a bale kunle lɛ sɔɔna, dé bɔrɔdɛ ma gɔɔli léé, dé blen ma gɔɔli léé, ’bɛ gi lé bɔrɔdɛ gɔné, té i da ’bɛ nya Gakelebale, kalé Bale lé kɔn gi lo. Wo fiénu a bélé bo zo Gakelebale, kalé Bale yuɛ gi.

Weblezannu 11:30

Jɛfeté Gakelebale kun, yé é léé: Dé i Amɔn munu pa an lee,

Weblezannu 11:32

Jɛfeté zén zia yé é go guli dan lɛ Amɔn munu va, yé Gakelebale wo pa a lee.

1 Samuɛl 1:11

É bale kun a fele nya léé: Lai sunyanu lé Gakelebale! maa, i wuole ’ko, dé i anlé nyanéblele ye, dé an sele dɔ i gi yé i gi ’ka san lɛ an ma lo, dé i négɔné nɔ an lɛ, maa dan a nɔ lɛ bii Gakelebale lɛ alé tɛrɛla faa gi yé wo ’ka dan a nwin puiɛ lɛ monomono lo.

1 Samuɛl 1:28

É ziin, é sɔ an lɛ léé, maa né ’ko nɔ Gakelebale lɛ. Maa a nɔ Gakelebale lɛ alé tɛrɛla faa gi. Yé wo dia wo bli la Gakelebale ’lɛ.

1 Samuɛl 14:24

’Bɛ yi nya Izraɛl munu wɔlɛ gi nyaa ’wo ma. Saul lé kɔɔn munu lɛ léé, ’wo bale ’nyɔɔn léé, mi lé é fɛ ble yiri vɔle ’lɛ, ’té maa ’ka tan we lɛgi pa lɛ an nyanézannu ma lo, ’wo bale pa a ma ma. Yé mi do kpen ’ka fɛ ble lɛ lo.

1 Samuɛl 14:44

Yé Saul léé: Jonatan, dé i ’ka gaan lo, Bale ’é we kɛlɛ an lɛ élé plɛplɛ faa nya ma.

1 Samuɛl 2:18

Samuɛl éé nyanama paan Gakelebale lɛ, ’té lɛnsɔ éfɔdi a né ’ko ta.