Weblezannu 11:27 - Kazambale lé Sebe Sauunu 1979

²⁷ Maa ’ka i ’namawe kɛlɛ lɛ lo, yé bé kɛlɛ naané an va zia, guli danle an va nya. Weblezan, Gakelebale, ’é kɛlɛ weblezan nya kyɔ Izraɛl lé nénu valé Amɔn lé nénu méléna ma!

Weblezannu 11:27 ပူးပေါင်းရင်းမြစ်များ

Wepélisiananu 16:5

Yé Sarai lé Abram lɛ léé: Wenaané lé i na ke a kɛlɛna an lɛ bɛ, ’é kɛlɛ bii ɛ zé nya ma. Maa an wuole nɔ i lɛ, yé é a ye léé, é bɔn a ’é ma, yé an ’ka a yuɛ gi bɔa é dɛrɛ lo. Gakelebale ’é maa valé bii lé we ble ma.

Wepélisiananu 18:25

Mi tegele gyɛle mi nyané va, ’té mi tegele valé mi nyané lé we bɔ ékema, ’bɛ zo we kɛlɛle a é sile i ma baa boenwo. Mian éé tɛrɛlamunu faa lé we blé, é ’ka dan we tegele kɛlɛ lɛ loo?

Wepélisiananu 31:53

Abraam valé Nakɔɔ zé Bale valé wo ti zé Bale, ’é kɛlɛ kolé weblezan nya ma. Naa, Bale lé Izak éé kanaan a lee, yee lé Jakɔb a ’nyɔɔn.

2 Minwiinmunu lé Wezuofe Sɛbɛ 20:12

Kolé Baleoo Bale, i ’ka dan wolé we ble lɛ loo? Naa, ko ’ka plɛplɛ mi gu blɛn lé wo bié ko ma bɛ, wo ’lɛ lo. Yé wean é a lé ko a kɛlɛ, ko ’ka a gi dɔɔa lo. Naa, ko yuɛ a i lɛ.

JOB (Job) 23:7

Dé é a kɛlɛ kɔɔn, é dan a gi dɔɔ lɛ léé, mi drɔle ɛ ke kɔɔn wefena ’é lɛ, ’Té anlé weblezan é dan a ye lɛ léé, we ’ka an gyɛ lɛ lo.

JOB (Job) 9:15

Dé maa a tegeleoo, maa ’ka a zi paan lo, Maa dan zanté ɛ vɔ lɛ anlé weblezan lɛ, an ’ka bɔa we bɛ kɛlɛle lɛ lo.

Lɛrɛvɔ Sɛbɛ 50:6

Yé lanu é dan alé we tegele zana dɔɔ lɛ, Naa, Bale ɛ ke weblezan nya. Ka ye do.

Lɛrɛvɔ Sɛbɛ 7:11

Bale a an takuunzan nya, Yee ɛ mi drɔlenu sié we gi.

Lɛrɛvɔ Sɛbɛ 75:7

Naa, mi kɛlɛle blɛn ’ka sié, dé yirinwanazia léé? dé yirivɔnazia léé? Dé nyéné saa lé fɛna léé? wona lo.

Lɛrɛvɔ Sɛbɛ 82:8

Baleoo, Bale, ’i nwa, ’i tɛrɛlamunu lé we ble. Naa, bɛnnu faa a izé nya.

Lɛrɛvɔ Sɛbɛ 94:2

Tɛrɛlamunu lé weblezan, ’i nwa, ’I boblɛnzannu banwo wo panyanamanu yɛrama.

Lɛrɛvɔ Sɛbɛ 98:9

Gakelebale ’lɛ ma. É a dana tɛrɛlamunu lé we ble lɛ. Naa, é dan tɛrɛlamunu lé we ble lɛ tegele, Yé é dan migɔnɔnu lé we ble lɛ wedrɔle nya.

Bale Lé We Gifezan 12:14

An be, we lé é vo, we konu ’wo we paa i gi ma; sɛbɛpanu kɛlɛle ’ka nyaan lo, yé wedraanle a mi wɔlɛginyaawe nya.

2 Korɛnt Munu 11:11

Ka ’ka sɔ lɛ an lɛ lo, ’bɛ we maa? Kazambale ɛ ’bɛ gi dɔɔ.

2 Korɛnt Munu 5:10

Naa, é a lé kaa faa é dɔ Krist lé webleblin ’lɛ, mi faa do do lé é ban yele we ma, dé a kɛlɛwe zin léé? dé a nyané léé? ’té é wo kɛlɛ bléyian va lé é a é kɔlɛ gi bɛ, a yɛrama.

2 Timoté 4:8

Yé sin, mi tegele lé tɔkoro ta a é dɔle anzé nya. Mizan, Weblezan tegele, é dan a nɔ lɛ an lɛ ’bɛ yi la. Naa, an do lɛan é dan a nɔ lɛ lo; munu faa lé, a dale sɔ wo lɛ, é dan a nɔ lɛ wo lɛ é ziin.

Ébrunu 12:23

Kazambale lé né vininzannu lé wo tɔ ke é gyɛle lagi mi, wo zénle ékeva koo, Bale lé ke mi faa lé weblezan nya bɛ, yee koo, munu tegele lélinu lé gun ke é sile wo ma bɛ, wo koo,

Weblezannu 11:28

Amɔn munu nwiinzan ’ka tɔné dɔ lɛ Jɛfeté dérenu lɛ lo.

1 Samuɛl 2:10

Gakelebale nyanézannu ma é dan nyɔɔn lɛ; Lagiloru baabaana lé é dan élé zagele zun lɛ wo ta. Gakelebale é dan tɛrɛlamunu faa lé we ble lɛ. É dan plɛplɛ nɔ lɛ élé minwiinzan lɛ, Yé é dan élé Nyɔnɔzénnwiinzan lé plɛplɛ lɛ si lɛ.

1 Samuɛl 24:12

An ti, bé nagini, ilé sɔ lɔlu lé ke an lee ’ko, bé ye. Maa ilé sɔ lɔlu bɔi, yé maa ’ka i gyɛ lɛ fɛan zo lo bɛ, bé ye yé bé gi dɔɔ léé, weple valé nwale mi ma ’ka an giébɛ nya lo, yé an ’ka wenyané kɛlɛ lɛ i lɛ lo. Yé bii, i an ma we ble, anlé tɛrɛla nyaale we ma.

1 Samuɛl 24:13

Gakelebale é dan maa valé bii lé we ble lɛ, yé Gakelebale é dan anlé we lɛgi pa lɛ i ma; naa, an ’ka dan an bɛ nwa lɛ i ma lo.

1 Samuɛl 24:15

Mi kyɛn ma lé Izraɛl minwiinzan zi siaa? Mi kyɛn lé bé zuo bin‐éé? Blén gale lé, gɔa lé.

1 Samuɛl 24:16

Gakelebale é dan kɛlɛ lɛ kolé weblezan nya, é dan maa valé bii lé we ble lɛ; é dan an nagini lɛ yé é dan anlé we fe lɛ, yé é dan we tegele kɛlɛ lɛ an lɛ an sile i lee nya.