Weblezannu 11:10 - Kazambale lé Sebe Sauunu 1979

¹⁰ Galaad mi segelenu lé Jɛfeté lɛ léé: Gakelebale ’é ko dére ’ma ma, yé ’é a we ble ma, ’té dé ko ’ka i dére tawe kɛlɛ lɛ lo.

Weblezannu 11:10 ပူးပေါင်းရင်းမြစ်များ

Wepélisiananu 16:5

Yé Sarai lé Abram lɛ léé: Wenaané lé i na ke a kɛlɛna an lɛ bɛ, ’é kɛlɛ bii ɛ zé nya ma. Maa an wuole nɔ i lɛ, yé é a ye léé, é bɔn a ’é ma, yé an ’ka a yuɛ gi bɔa é dɛrɛ lo. Gakelebale ’é maa valé bii lé we ble ma.

Wepélisiananu 21:23

’I bale ’nyɔɔn an lɛ sin fɛkona léé, maa koo, anlé nénu koo, an nénénu koo, i ’ka dan dabli kɛlɛ lɛ ko do kpen lɛ lo, naa, maa wezin kɛlɛ i lɛ fɛan zo, i dan wezin kɛlɛ lɛ maa valé tɛrɛ lé i nyana a ta bɛn nya bɛ, ko lɛ, a zo.

Wepélisiananu 31:50

Dé i an lunu pa é naané, dé i le bɛnu si é ziin i na nya, mi ’ka ana yezan nya lo; ’i yuɛ pa ibo va é zima, Kazambale ɛ ke maa valé bii lé wenayezan nya.

Wepélisiananu 31:53

Abraam valé Nakɔɔ zé Bale valé wo ti zé Bale, ’é kɛlɛ kolé weblezan nya ma. Naa, Bale lé Izak éé kanaan a lee, yee lé Jakɔb a ’nyɔɔn.

Fwile 20:7

Té i Gakelebale, ilé Bale, tɔ fe é pla lo; mi lé é Gakelebale tɔ fe é pla, Gakelebale é dan ’é lɛdɔ lɛ ’bɛzan gi.

Jérémi 29:23

Wo tɛrɛgyɛwe kɛlɛ Izraɛl tɛrɛ la; wo ’wo bɔlu bɛ na gini, yé wo vié wo an tɔ gi, dɔlé ’té maa ’ka wo béli dɔ lɛ ’bɛ nya lo, amalé we ’konu é dan bɔ lɛ. Maa a gi dɔɔ yé maa a anayezan nya. Maa Gakelebale ɛ ke a fena.

Jérémi 42:5

Yé wo lé Jérémi lɛ léé: We faa lé Gakelebale ilé Bale é dan a fe lɛ i lɛ kolé we nya, dé ko ’ka a faa kɛlɛ lɛ lo, Gakelebale ’é ana ye.

Misé 1:2

’Kaa munu faa, ’ka tɔné dɔ. Tɛrɛ valé é tafɛnu, ’ka we ’ma ma. Mizan Gakelebale ’é kɛlɛ ka ma wefezan nya ma, Mizan lé ke élé fuakɔn ’lɛzan gi, yee lé.

Zakari 5:4

Lai sunyanu lé Gakelebale léma: Maa a sɔɔlaan léé, ’é wɔra kyeenwozannu koo, wo lé woo an tɔ ’nyɔɔn‐an vié nya koo, wolé kɔn gi, yé é nyana ana, yé é kɔn ’ko ble é yili valé é gɔlɛnu nya.

Malasi 3:5

Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.

Rom munu 1:9

Bale lé maa a bɔa an bli gi a Be lé Wenéné fele nya, é a anlé wenayezan nya léé, an bazoroan ka tɔ ma yifaama, an ’ka daan a ma lo,

2 Korɛnt Munu 11:31

Kazambale lé ke Mizan Jézu Ti nya, ’té wa drɔɔ voo lɛɛfaama a glɛ ’ka lo, é a gi dɔɔ léé, an ’ka viéwona lo.

Bélidɔwesɛbɛ Fiézan 1:16

’Bɛ yi la maa lé kalé weblemunu lɛ léé, ’wo tɔné dɔ ’wo bwenu lɛ; dé we bɔ mi do valé é bwe mélénaoo, dé é bɔ mi do valé bɛn do mélénaoo, ’wa yuɛ gi bo tegele.

Weblezannu 11:9

Jɛfeté a zi pa Galaad mi segelenu lɛ léé: Dé kaa go guli dan lɛ Amɔn benu va, yé Gakelebale wo pa an lee, maa dan kɛlɛ lɛ ka nwiinzan nya.

1 Samuɛl 12:5

É lé wo lɛ é ziin léé: Gakelebale a wenayezan nya yé alé nyɔnɔzénnwiinzan a wenayezan nya kyɔ léé, ka ’ka kalé fɛ ye lɛ an lee lo. Wa zi pa léé: Iin, wana wenayezannu nya.

1 Samuɛl 24:12

An ti, bé nagini, ilé sɔ lɔlu lé ke an lee ’ko, bé ye. Maa ilé sɔ lɔlu bɔi, yé maa ’ka i gyɛ lɛ fɛan zo lo bɛ, bé ye yé bé gi dɔɔ léé, weple valé nwale mi ma ’ka an giébɛ nya lo, yé an ’ka wenyané kɛlɛ lɛ i lɛ lo. Yé bii, i an ma we ble, anlé tɛrɛla nyaale we ma.