Weblezannu 10:16 - Kazambale lé Sebe Sauunu 1979

¹⁶ Yé wo bale bɛnu si wo méléna yé wo Gakelebale bɔ, ’té ’bɛ bli kyɛ dɔ wolé nyanéblele ma.

Weblezannu 10:16 ပူးပေါင်းရင်းမြစ်များ

Wepélisiananu 6:6

Gakelebale bli kyɛ dɔ yé a bli nɔla mi kɛlɛle ma tɛrɛ la.

2 Minwiinzannu 13:23

Naa, Gakelebale zin kɛlɛ wo lɛ yé a nyanai zén wo ta, yé é yara nɔla wo ta gipawe lé é a kɛlɛ Abraam koo, Izak koo, Jakɔb koo, wo va, a we ma. É ’ka a va léé, ’é wo kulu ga lo, yé fɔɔ kyɔ yi nya é ’ka sɔn vɔ lɛ wo ma lo.

2 Minwiinmunu lé Wezuofe Sɛbɛ 15:8

Aza dére ’konu valé balelayezan Odɛd lé balelawefele ’ma aan wo, é ébo dɔ gligli. Yé bozowenu lé wo ke Juda valé Bɛnjamɛnnu lé tɛrɛnu la koo, wo lé wo ke Éfraim gɔ nwiin flanu lé é wo si guli nya, wo ta, ’bɛnu koo, é wo si ana. Yé Gakelebale banna lé ke Gakelebale lé kɔn ’léé, é a dɔ é dɔna.

2 Minwiinmunu lé Wezuofe Sɛbɛ 33:15

É bɛnnu lé yonu valé miyilinu faa si Gakelebale lé kɔn gi, yé yobannanu lé é a kɛlɛ Gakelebale lé kɔn lé gɔ nwiin valé Jérusalɛm, é wo faa zana, yé é wo vuli fla gini ma.

2 Minwiinmunu lé Wezuofe Sɛbɛ 7:14

anlé munu lé an tɔ ke wo ma, dé wo wobo kɛlɛ kiéné yé wo bazoro yé wo an nagini, yé dé wo si ’wo kɛlɛwe naanénu zuo, maa dan wolé bazoro dére ’ma lɛ lanu gi, maa dan wo ma we vo lɛ wolé wenyanénu ma, yé maa dan wolé tɛrɛ dɔ lɛ é dɔbɛ gi.

Lɛrɛvɔ Sɛbɛ 73:21

An bli kɛlɛ bléyian va é nyané, Yé anlé we ’namale an bɔn fan,

Ézai 63:9

Wolé kleblele faa gi, lanje‐an wo si we gi lo; naa, Mizan boen ɛ wo tabo, élé sɔlɛle valé nyanaizénle gi é dɔ wo zuo yé é go wo nya yifaama, é li.

Jérémi 31:20

Éfraim a an be wezan nyaa? É a anlé ginanama né nyaa? Naa, dé maa a a mawe fena bléyio‐bléyian va, A sele éé dɔa an gi léé, an be lé. Yé é ziin, a lɔrɔ an gya; An nyanai é dan zén lɛ a ta. Maa Gakelebale ɛ ke a fena.

OZÉ (Osée) 11:8

Éfraim, maa dan kɛlɛ lɛ ilé we ma kaa? Izraɛl, é a lé maa i pa mi bɛ lee? É a lé maa a kɛlɛ i lɛ bélé Adima zoo? É a lé maa we kɛlɛ i lɛ bélé Séboim zoo? An bli a diana an gi, An nyanai faa a zénna.

OZÉ (Osée) 14:8

Éfraim léé: Miyilinu éé mɛ kɛla an lɛɛ? Maa dan a dére ’ma lɛ, maa dan a tabin lɛ, Maa dan kɛlɛ lɛ a lɛ bélé siprɛyili drɔɔdrɔɔ zo. Maa ɛ va lé ka dan tɔnɔ ye lɛ.

Misé 7:18

I bɔmabale a kyɛɛn? Bii lé i mi ma we vo alé weple ma, yé ilé mi sɛ lé wo vo, wolé wenyané éé saan i gi, i bɔmabale a kyɛɛn? I bli ’ka vo flina yifaama lo; nyanai zénle mi ta sɔ i lɛ.

WENÉNÉ LÉ LUK A GYE (Évangile selon Luc) 15:20

Yé é nwa yé é ti va zi sia. Bléyian va lé é ke baa mi, a ti a ye, yé ’bɛ nyanai zén a ta, yé ’bɛ vlan si yé ’bɛ vɔ a bɔrɔ ma yé ’bɛ a tuu gyɛ.

WENÉNÉ LÉ LUK A GYE (Évangile selon Luc) 19:41

Wo bɔ aan wo fla sɔnɔ Jézu fla ye, yé é kun wuvɔle ma alé we ma,

WENÉNÉ LE JAN A GYE (Évangile selon Jean) 11:34

Yé é léé: Fɛ kyɛnna lé ka a paa? Yé wo lé a lɛ léé: Mizan, ’i da bé ye.

Éfez munu 4:32

’Ka kɛlɛ ka ke ma mi zinnu nya, é valé mi ma wedɔɔzannu nya, yé ’ka ka ke ma we vo, bélé fɛan zo lé Kazambale ka ma we vo Krist gi, a zo.

Bélidɔwesɛbɛ Fiézan 32:36

Gakelebale é dan élé munu lé we ble lɛ; Dé é a ye léé, wolé plɛplɛ nyaa wo lee, Yé luu valé miné ’ka ana lo, É dan é nyanai zén lɛ é wuozannu ta.

Ébrunu 3:10

Yé é ziin, an bli gi kyɛ dɔ ’bɛ bléyi vamunu lé we ma, yé maa léé: Wo saanbli a wo gi yifaama; Wo ’ka anlé zinu dɔɔ lɛ lo.

Ébrunu 4:15

Balebanmunu ’lɛzan lé é ’ka bɔaléé, é nyanai zén kaa lé kaa ke tɔɔtɔɔ, kaa ta lo, ’bɛzan ’ka kaazé nya lo. Naa, fɛan zo lé woo kaa gi daan, a zo duo lé wa é gi dan bɛ faa ma, yé é ’ka wenyané do kpen kɛlɛ lɛ duowo lo.

Jozué 24:23

Amalé bale bɛnu lé ke ka méléna, ’ka wo si ana, yé ’ka bli nɔla, Gakelebale, Izraɛl lé Bale vazia.

Weblezannu 2:18

Dé Gakelebale weblezannu nwa, ’té Gakelebale a ’bɛ weblezan va yé é wo si wo nyanézannu lee weblezan yuɛma bléyi faa va; naa, Gakelebale nyanai é zén wo ta wolé dunnu lé wa wo klepawotazannu valé nyanépawotazannu lee, alé we ma.

1 Samuɛl 12:10

Wo siaa é ziin Gakelebale lɛ yé wo léé: Ko Gakelebale vo yé ko Baalnu valé Asataténu bɔ, amalé ko wenyané kɛlɛ; sin, ’i ko si ko nyanézannu lee, yé ko dan i bɔ lɛ.

1 Samuɛl 7:3

Samuɛl lé Izraɛl munu faa lɛ léé: Dé ka bli faa nya lé ka da Gakelebale va é ziin, ’ka bɛnnu lé balenu valé Asataténu si ka méléna, ’ka bli drɔ Gakelebale vazia tegele yé ’ka yee do kpen ɛ bɔ; yé é dan ka si lɛ Filisitinu lee.

1 Samuɛl 7:4

Yé Izraɛl lé nénu Baalnu valé Asataténu si wo méléna yé wo Gakelebale do kpen ɛ bɔ.